forssell427

「cindy，我都係果句，你呢個病只有做手術先有機會痊癒。你如今同放左個計時炸彈無咩分別，隨時有爆炸既可能。」
「李醫生，我知道，次次見到你都甘講。」
「cindy，我差唔多由細睇到你大，我一直唔退休都係想睇到你好返既一日。我應承過你媽咪要醫好你。」
「原來係因為我媽咪，如果唔係甘你姐係話會唔理我拉。」
「你又扯開話題拉，我甘大年紀都幫唔到你做手術。不過我有個學生，佢係心臟科既。佢係外國回流返黎，如果你決定左，我打個電話佢幾忙都會幫我。」
「甘機會率多幾個%呀，1%?10%?」
「我初初同你講，呢個手術只有4成機會。但隔左甘多年，再加上我學生做你主診醫生，至少都有50%。」
「甘我再問多你一次，如果手術成功，我可以生存多幾多年。」
「如果5年耐無問題，至少可以活多20年。」
「20年我都老拉，不如我後生，個樣仲靚甘離開呢個世界。」
我同sara聽到佢甘講，真係完人王o晒咀，個心好難受。以我甘衝動既性格一定會出聲，但係我無，因為cindy講過，我地要跟入黎就唔可以出聲。所以我地保持沉默，但我又點忍到呀，所以cindy就叫我同sara出去先，佢仲有野同醫生講。我地心入面好難受，但cindy比我地唔係難受仲多咩，所以我今次好冷靜。但sara就忍唔到拉，佢好大力甘握住我隻手，我知道佢強忍住佢既淚。臨閂門既一刻我聽到cindy同醫生講。
「以前你問過我點解唔肯做手術，因為我怕死，仲未搵到愛我既人，但家下我係唔捨得佢地2個。」
我聽到，個心直頭"拿住拿住"，而sara終於忍住衝左出診所，我緊係跟住出去拉。佢已經咸到收唔到聲。
「輝，.....點解家姐會有甘既病，原來佢一直唔做手術係因為我地。」
「sara，你家姐一定會好返架。我地唔好甘拉，如果我地都唔堅強，比個支持佢呢。」
好唔容易甘sara無咸拉，佢話要去洗洗面，唔想佢家姐見到，叫我返入去等cindy。我返到入去，已經見到cindy坐左係到
「你地去左邊呀，叫你地等我架嘛。」
「陪sara去洗手間姐。」
「你家下知道晒拉，有咩感想。」
「無論點你都要好返，就算要我短幾年命我都制。」
呢個時候cindy好嬲甘"挖"住我。
「我唔使你施捨我，唔該你以後都唔好甘講。如果唔係呢到有人，我一定打你。」
講完cindy一 個人走左。我知道我講錯野，但我無意架，我只係衝口而出。sara呢個時候見到我地，cindy塊口面即刻轉晒。好似無野甘，入到笠，我地三個平排甘企，但我已經感受到有人好大力甘搣我隻手。你話仲有邊個呀，當然cindy拉。但佢一直扮都無野，仲同sara係到講野，分散佢注意力。我當然係唔可以叫出黎拉。呢程笠真係撘得耐，事後我隻手比佢搣到瘀左。落左檈下，佢地2姊妹"q"住手甘行街，而我好似僕人甘跟係後面。但我一直諗緊頭先發生既事，我從未見過cindy甘嬲，我知道佢果刻真係會一把打落我到。我一直望住佢，我真係好想同佢say sorry。但我無甘既勇氣。直到我地去左一間餐廳食野，親sara行開左，呢個時候先得我同佢獨處既機會，我同cindy道歉。但cindy好似聽唔到甘，我一直甘講，講左好大段野，但佢一句都聽唔到入耳。今次死火，cindy真係嬲左我。成餐飯食得真辛苦，好似睇cindy表演國技--變臉甘，sara一係到就扮到無咩事，sara一行開左就黑晒面口，全程唔理我。我都知錯拉，講左過百次sorry，真係過100句呀，但佢都好似當我唔存甘。
       一直返到屋企，cindy就話好攰，沖完涼就返左入房。甘我同sara都入左房，我係床到一直諗究竟發生咩事，終於sara都沖完涼拉。一入到黎就攬住我。
「輝，你覺得我今晚表現點呀。」
「表現?」
「恩，我今日完全扮到無事甘，我唔想比家姐知道我地好難過，你講得岩，我地唯一幫到佢既就係支持佢。」
「緊係拉，但你記住呀，你都有我支持你。係你攰既時候我一定會係係後面。」
sara聽到緊係冧拉~~~~仲即刻已眼淚回禮.............sara真淺。
咸到甘上下，sara就訓到豬甘拉。而我典黎典去都訓唔著。我轉黎轉去，又驚整醒sara，於是就出房飲杯水。
出左房，覺得出奇，雖然係過左夏天，但點解會陣陣涼風既.......心諗唔係甘邪呀。原來露台打開左，但幫清楚d，點解有個人影架。我果刻真係嚇到連叫都叫唔出。
「白痴仔，我呀。驚咩呀，生人唔生膽。」

forssell427

[隱藏]
「你企係窗簾後面，我點知係你喎。」我行埋去望真d先見到係cindy點知一行到埋去
「啪!」
cindy一把打落黎，呢一拍真係打到我訓左落張梳化到。果一下聲我諗樓下都聽到，你地可想而知有幾大力。
「我知點解訓唔著拉，原來真係爭呢一把!!!」
「你使唔使甘大力呀，好痛呀。」真係痛到眼淚水都標埋出黎。
「睇真d，真陰功，成隻手掌印喎。」
「拿，你打左，你唔好嬲拉。今日成日唔理我。」
cindy好認真甘望住我。我一時比佢望到我唔知點好。
「你知唔知我次次打親你都好心痛。第一次係我見到你放棄自己，我第一眼望到你就好想一把打醒你。但你左你我個心又好唔舒服，今日我都一樣，聽到你講果句我一樣好心痛。但唔同既係，打完你我個心無唔舒服。」
佢一手申過黎我塊面到，我本能甘縮一縮。
「我唔係打你，但打完你我個心一樣甘痛。你知唔知點解。」
「我知，我講錯野嘛。」
「你講錯咩呀。」
「我唔想重覆講多次，但我無心架，我係一時衝口而出....」
「我以後都唔准你甘講。我條命係我既，就算真係可以交換我都唔會甘做，二係，你有事，我地會開心咩。如果連你都有事邊個照顧sara。仲有，我唔准你有事。第一次見到你既時候，我唔單止失戀，仲知道我呢個病要做手術，你知唔知，醫生同我講只有4成機會好返。就算手術成功，5年內如果無事，我都係最多活到40歲。之前無一個病人係活多過40架。你叫我點敢做............」
「以前d人唔得，唔代表你唔得。如果我話你知無左你就算我活到100歲都無義意，甘你又點諗。我同sara都唔可以無左你。當我遇到你係命運既安排。正如今日你面對係生死既重要關頭，但如果你連向前行一步都唔敢，又點知會點。如果每個人都知到結果會點，呢個世上又點會有失敗既人。」
「我係未好失敗。我真係好驚，每一日訓覺都驚自己一直訓落去，唔會醒。」
「你放心，有我呢個人煩住你，你訓到幾"林"都比我嘈醒拉。」
「如果我手術唔成功，就算你幾煩我都再聽唔到。我唔想無左..」
「唔會唔成功架，一定會成功，我一直係你個腦海到。你點捨得走呀，你一定會忍唔住起身打巴我。所以你信我，你一定會成功。」
我一路講，一路攬住佢。
「你講架，你話你一直會陪住我，我真係好驚自己一個，唔好掉低我..........」
「我點會掉低你，我從無諗過。」
「萬一，我話萬一，如果我真係有事，下一世記得比我早出世，比我長命。」
「乜你信佛唔係信基督教架咩。」
「想睇睇你點答姐。」
「下一世我驚個天唔會再對我甘好比我遇到你，我會珍惜以後既每一秒。難得有人默認對我有野.....」
「你行開拉.......」
我又係唔適當既時候講唔適當既野拉。cindy推開左我，但我拉住佢。
「你一直都有好多人追我，但我都無接受到知唔知點解？」
「因為你個病?」
「係，醫生話我個心臟負荷吾到生bb~~~既然無將來。我唔想開始，第二係...........」
「係咩呀?」
「唔話你知€~~八卦仔。」
臨走佢仲鍚左我一啖。就係甘cindy決定左做手術。
由於呢個係大手術，醫生要cindy早少少入醫院進行檢查~~甘我每一日都同sara去睇佢，風雨不改。唔知係未醫生見cindy生得靚女，所以成日都見到佢黎話睇下cindy既進程。我有同cindy講過，但佢既然話我呷醋，仲話個醫生幾靚仔，但我覺得一d都唔靚拉。
有一日得我一個去探cindy。佢話我知下個星期就要做手術拉。唔係呀甘快，呢排我都好忙，有時都黎唔到。
「你講過架，你話會一直陪住我架。」
「緊係拉，你趕我都唔走呀。但你快話我知點解一直唔拍拖?」
「白痴仔。因為如果我拍拖有人會好傷心架，甘我又唔想傷佢個心喎，甘未唔拍囉。」
「認真好無。」
「我認真架，我唔拍拖都有人會一世照頊我，仲話一世都甘愛我。甘我仲使咩拖呀。我講到甘答到你一直心里既問題未呀。」
「恩!所以你一定要好返，如果唔係我既承諾就唔對現架拉。」
但個天唔比我兌現呢個承諾.........................................
「喂，邊位...............」
「..........................」
一個無來電既電話打黎，正當我想收線既時候我聽到有人喊，係sara
「sara?咩事呀，你出聲拉。」
「家...家姐佢.........唔知咩事突然暈左，家下係手術室呀。」
我聽到即刻係公司連講都無講就衝左去撘的士。果一刻我個心只諗住cindy，我不斷同自己講，無事既，邊會有事架。個天考驗cindy姐。但我根本自己呃唔到自己。我知道今次cindy有事，絕非小事。沿途我打比sara，但佢無開電話，因為醫院係唔比開電話。我不停甘慛司機快d，但佢又話好快架拉，超速你比咩。
「呢到500蚊，唔使找，但如果我見唔到我女朋友最一面，我連車都拆左你呀。」
「你靠嚇呀0靚仔。」
「司機，我女朋友係深切治療呀，醫院打黎話佢有危險呀。我唔該你.........」
「低聲下氣未好囉，比面你女朋友咋。」
不到5分鐘我就到左拉。我忘晒型甘衝去搵sara，搵左好耐都搵唔到。終於比個謢士叫停，最後幫我搵到sara.......
「sara....你家姐點呀...........」
sara無應，佢個頭烏左落大脾上面，個身屈住。
「sara呀，你唔好甘拉，話我知你家姐點。」
sara企左係身，我見到佢眼淚係甘流，係甘流。我唔敢再問佢拉，佢無咸出聲，但佢d眼淚好似落雨甘。
「輝.........家姐佢」
「佢點呀?」
「佢走左拉...............」
我聽到之後個人好似發狂左甘。
「點會呀，醫生，醫生呀。你地check清楚未呀。點會無拉拉甘架，講左下星期做手術架嘛，點會出事架。」
最後要幾個男人張我制服.............................
「輝，你唔好甘拉，家姐真係走左拉。」我好清楚記得，當時sara喊得好妻涼，但我一滴眼淚都無，因為我仍未信佢走佐既事實

forssell427

直到我去走入去見cindy最後一面。我一路行，只聽到冷氣機既聲音。果到好靜婇靜，隨左帶我去見cindy既工作人員外。我諗呢到無其他人，呢條路好長好長，我唔想甘快到，但始終到終點。我推開門，見到只有cindy訓左係到。我果刻好冷靜，但好沉重。cindy個樣一d都唔痛苦，好安詳。我無諗過cindy就甘會離開我，我腦海到諗左好多野。(cindy你快d醒，唔好玩拉)(cindy我講過要愛你一生一世，但要有你親自去見證)但我一句都無講到出口，因為我覺得呢一刻cindy需要既係安靜。我好想去接觸cindy，但我唔可以，因為已經做左簡單既防腐。我企左係到好耐，好耐。cindy......祝你係另一個世界永遠開開心心。呢句就係我親口同cindy講既最後一句。
我沿路上去搵返cindy，聽到有d清潔阿嬸呀，謢士呀講。"果個女係今朝去左?真可惜呀，甘後生又靚女，真係好顏薄命"。我真係想問佢地，知唔知佢親人依家既感受呀。但我無出聲，一步一步甘向前行。sara已經咸到成個人好累，佢話佢已經咸唔出拉，我眼淚流晒出黎拉。
"sara，唔好咸，cindy其實無離開我地，只係我地唔可以相見姐，唔好難過。家姐一定係某一個地方笑緊我地個咸樣。我應承你，無論如何呢一生一世我都唔會離開你，好好甘愛你照顧你。"
"恩恩....你記得呀，我無左家姐，我唔想連你都離開我。"我一定唔會甘做，因為我應承左cindy~~~

cindy走左呢個消息好快就傳左出去，包括cindy爸爸，阿光，sandy既同事。由於我唔想sara一個人留係屋企，所以我叫左佢搬黎我到住。我媽知道之後都好難過，佢話好似無左個女甘。係sara住係我屋企其間，媽咪好照顧佢，當佢真係女一樣。佢仲話如果我唔要佢唔緊要，我會當你女一樣，少個仔都無所謂。我好記得果日係醫院返黎果陣，sara返左屋企執野。我有意無意甘行過果個樓梯，我呆左甘企係到。我知道我已經失控拉，我眼淚係甘湧出黎，一幕幕我同cindy既情景浮現左我腦海到。我喊到收唔到聲，我手一直查住我送比cindy既手鍊，一直喊。我諗我足足係樓梯逗留左2個鐘................cindy，我好唔捨得你。
sara既dad都黎左香港，仲約左我出去食飯，佢知道我同sara既關係。但我一見到佢，我就有唔好既預感。
"輝，我知道你同sara拍緊拖，但我希望你可以體恤一下我做daddy既心情。我無左個女，我想我另一個女可以係我身旁。我唔會睇少你，但以為家下，可以話我知你點保證我安心交個女比你?cindy一直都有提過你，所以我對你唔陌生，佢雖然話你好唔成熟，好衝動，但我知道佢其實係讚緊你，勸我放心sara。但家下cindy走左，我真係咩信心都無。如果你地真係真心鐘意對方既，等大家事業隱定左再一齊都未遲呀。"
"daddy你講完未呀，我幾時有講過要跟你走呀，況且我信阿輝會對我好好，連家姐都放心叫佢照顧我呀。你唔好拆散我地得唔得呀。"
呢人固時候我阻止左sara，我唔想因為我令佢地2個嘈交。
"我當然明白你心情。但當前最重要既係攪好cindy既身後事，我知道對於你黎講，張個女交比一個無事業又後生既人真係好大風險，但我應承過cindy，應承過sara我會好好甘照顧佢。我家下的確無野可以拎到出黎向你保證，但呢個世界無野係保證架。我真係好希望你可以比我同sara繼續係埋一齊。"
當cindy既身後事完左之後，sara daddy都飛走左。sara?當然留低左同我一齊拉，不過我地最後都係分開左，點解?最後sara都決定左去美國升學，我當然唔捨得，但都無理由阻止佢。其實到分開果一日開始，我地日日都 通電話。不過只有佢打比我，我從來都打唔到比佢。因為佢話住係人屋企，唔方便比電話我。每一日等佢電 話已成為左我既習慣。但日子耐左，我地開始互相失去信心。最後佢同我講左一句"哀大莫於心死"，就係甘我同sara就分開左，直到依家我都無再同佢聯絡。後期我知道原來係sara返屋企執屋果陣，佢睇到cindy既日記(遲d我會補上內容)。再加上呢段時間，sandy一直都係我身邊。初初佢只係陪我行街睇戲，到後來黎左我屋企執屋到煮埋飯比我食。基本上同一個女朋友無咩分別。我知道佢一直都對我有感情，但我呢一刻唔想再令佢地失望同唔開心。但sandy話佢唔介意，佢係心甘情願架，佢知道cindy一直係我心入面最重要既人，由我地初初拍拖到左今時今日，cindy仍然係無可能代替。好多時阿光同阿yen上黎搵我，見到sandy都以為我同sandy起埋一齊。我講左唔係，但佢地都唔信。之後sandy仲會係我屋企過夜，係我同佢一齊訓。佢講過如果我想同佢做，佢會願意。但我點會呀，講真有一個甘靚女，對自己又好既女仔點會唔心動。但我一次都無攪過sandy，我知道sandy其實好難受。我同佢講，叫佢唔好對我甘好，我真係比唔到佢想要既野，但sandy一直默默等待，從無怨言。佢話佢無資格做我女朋友。(因為佢落過bb，覺得無資格)我記得有一次，我做到好夜先收工，一個人返到屋企。sandy今晚又無黎到，但我一關門，sandy，阿光，阿yen係廚房走出黎，拎住個cake果隻。大家係未覺得好老土呢，但我可以話比你地知，果一刻我感動到飛起呀。阿光同阿yen收到sandy電話，為我準備呢一個驚喜，果一日我好實甘攬住sandy同佢講多謝。係阿光同阿yen既尖叫下，我同sandy係佢地面前"kiss"左。sandy開心到咸左出黎。
大家可能好羨慕我，一直以黎都有三個又靚，對我又好既女仔係我身邊。但我可以同你講，永遠得唔到既野係最美，最期待架。當初初我暗戀cindy，但無拉拉就同左sandy一齊。但其實我心入面一直鐘意既係cindy。同左我同sara一齊，都無變過。到左sara同我講分手果刻。其實我知道自己最愛既，其實係sara，可能男人就係甘。當有機會撘2船既時候，永遠都唔會取捨，無諗講要同先但一邊講拜拜，但女的剛好相反，唔會偷偷摸摸，自己既男人一心一意甘愛自己。呢個真係男女愛情觀既最大分別。我成日都係其他post見到話咩背住自己另一半做對唔住佢既野。但我真係好想問佢地，一時既快感換黎失去至愛值得嗎?
最後多謝大家一直支持。希望大家唔好介意我寫得甘差，也希望大家搵到大心目中既"cindy"... 完\

forssell427

好快喎，未睇就知寫得好正@@?!~真比面呀^0^

forssell427

From other forum?Can u tell me what the forum is?
Someone clone my story wothout asking!!!!!!

引用:

原帖由 ngcheng2000 於 2009-11-30 04:08 PM 發表
I just finsihed reading it from another forum.

It's Gorgeous.

I know how you feel. at this moment the song 吻感 is flashing in mind~

forssell427

吾緊要，你有講明轉載未得囉~~我反應係大左少少既~~甘樣可以多D人分享到呢個故事。THANK YOU

引用:

原帖由 LCK. 於 2009-12-1 10:21 AM 發表
樓主 其實你篇小說 係我兩日前轉載至高登
你作緊果陣 我其實已經留左底,兩年之後我純粹想分享比更加人睇
未經你同意之下轉貼,係到同你講返聲唔好意思

原貼係到


http://forum4.hkg
olden.com/
view.aspx? ...

forssell427

我再貼係因為好多人PM我問我第幾PART係邊，果PART又係邊。一日之內可以PM爆左我都係第一次。而且係日日都係甘。為左大家容易D体我再POST多一次，都係最後一次。好榮幸可以入左精華，所以一來可以比未体過既人体，二來係都應該有個總結。吾好問我其他人既下落，我想留返個空間自己去諗。有D人可能會諗SARA家陣既生活會變成點，SANDY仲係未鐘意主角等等，留返比大家自己寸決定拉。再一次多謝大家比面体晒我呢個故事~~THANKS!!

引用:

原帖由 boris98 於 2009-12-1 03:35 PM 發表

樓主大人..
可唔可以講下你近況 同sara同sindy現在又點呢?_?
同埋日記內容..呢個故事真係好好睇..我睇完雖然冇喊..但有種唔開心o既感覺唔知點形容:')

問埋..聽聞呢個故事係07年貼左@@
點解e+又會再貼多次o既 ...

forssell427

你講明轉貼就可以架拉~~~

引用:

原帖由 PTU-泇權 於 2009-12-1 11:43 PM 發表
以前冇睇，所以冇回貼，早幾日睇晒想回又怕爬舊文俾人扣分…樓主我非常喜歡你事，唔評論係故事定往事，但起碼值得一睇再睇。我想轉貼去facebook，唔知你介唔介意？如果你唔想我就唔轉了。



http://i1.hk/d/ima ...

forssell427

my story is different from yours. You still can be with your girl friend and she sleep on your laps. You should value your gf as if she is your life. i hope you guys can tell us to get married soon!!!!!!!!

引用:

原帖由 Zenith520 於 2009-12-2 02:44 AM 發表
本來路過呢個論壇....係抱住無聊搵野睇既心態去睇!!
但結果用左2個半鐘....由頭睇起....全因4個字[身同感受]
雖然我同樓主你既故仔唔係完全一樣.....但都算係異曲同工!!
一路睇你既故仔....一路望住訓係我大脾上面 ...

[ 本帖最後由 forssell427 於 2009-12-2 01:02 PM 編輯 ]

forssell427

大家吾好再追問我日記既下落，好耐之前我己經POST過上黎同埋已經被版主刪除左拉。我吾會再係同或其他FORUM POST出黎。請大家死心拉~~~有機會先再同大家分享我既故事，多謝大家支持!!!!!