一排冇上嚟，估唔到有人會為我嗰兩個帖霎氣。人人都可以開帖，百花齊放，但係你開帖時又要踩我，咁我覺得都要講兩句。
姊妹花同靡靡兩個帖都係二零一八年開嘅，開頭梗係反應比較熱烈，隨住時間一耐，自然會較少人講，呢樣好正常。不過過去接近兩年，久唔久重有網友問資料同有回應，所以兩個帖每隔一段日子又會浮上面。兩個帖能夠撑咁耐，都係多得呢度嘅網友支持！非常多謝！
有個別網友開新帖時話我個帖裏面嘅資料舊，而且頁數太多冇人有心機睇，所以就要開新帖提供最新資料云云。
呢幾個新帖，姑勿論係幾個人開定係同一個人嘅分身去開都冇大問題，我都有入去睇過下。可能我眼大睇過籠，又唔覺有乜新料噃。地址冇改、電話冇改、服務類別同收費都冇改，咁有乜嘢資料係我個帖冇而 貴帖有呢請問？
又話有個技師介紹你上去，唔係喺舊帖攞料，所以另開新帖。但係又俾人踢爆你先喺舊帖問聯絡方法，然後用另一個名去開帖，搞咁多花臣為乜？你一句話，冇人會睇幾十頁舊帖啦，等我嚟，咁咪得囉！
開新帖嗰幾位我唔認識，係咪舊網友用新名註冊我唔知，不過好多認識我嘅網友都知我作風，就係我係睇人俾料，因為要為技師著想，係又派唔係又派，派咗俾好人上去掃場就累死人！唔好咁天真以為正骨唔會俾人掃，乜嘢原因俾人掃我唔會喺度講，你有興趣知嘅可以問律師。
有幾位網友仗義出聲，要對你哋講聲多謝！呢兩年嚟社會事件加埋最近嘅疫情，搞到冇心情去試新場，所以只有呢兩個舊帖喺度「獻世」！希望疫情盡快過去，社會經濟恢復，大家可以出去鬆一鬆！
講開又講，西記個帖已經兩年幾，已經好舊囉噃，有冇新網友捱義氣去開個新帖？
