一路蒲向東南西北の第二章：上海杭州篇 (12 / 5 / 2012)
第1日 DAY ONE (第一集）
（出差篇）首先講聲唔好意思先，要大家久等，但星期一返嚟後，非常攰，喺度亦要多謝各好友留言支持，令小弟嘅POST唔駛失蹤。講返今次去上海杭州目的先，公司要派大概3至4個人到上海開會，但只係D好唔重要嘅濕鳩會，公司女同事無個願意去，唯獨一眾男同事都爭住想去，尤其是結左婚果D，因為可藉呢次出差有藉口偷跳，由於我職位卑微，位就得3至4個，我都無諗過可以同班同事爭，終於比3個職級比較高嘅男同事爭贏，雖然呢3個同事職位比我高，但間中都去香港或大陸偷跳都要預埋我，貪我知架步同願意做跑腿，佢地之中有兩個結左婚，一個就塔里班（比條女塔到實果隻），其實我一般願意JOIN佢地，因為最後玩完都係AA制，而且發生乜事都要我去傾，人地出雞我出豉油都點死我，實際我同佢地玩無乜著數。
呢次出差上海，呢3位同事都想我跟埋去，於是遊說公司加多個位比個助手睇頭睇尾，加上我台形絕對比佢地好，可提升公司形象，當然呢3個同事其實想利用我，目的只係想我負責安排炮兵行程呢！呢次上海行程4日3夜，但真正開會見面只係頭果日，於是我地私下安排左兩日上海兩日杭州嘅額外炮兵旅程！所以我出發前不斷向身邊朋友或呢度嘅C HING跪求訊息，喺度亦順帶多謝部份C HING提供寶貴訊息，我都唔食言，將你地提供而我VISIT過嘅都一五一十報告返你地知！
星期五晨早10點機，同3位同事喺機場會合時，佢地各人嘅行為同談吐都異常興奮，完全無左平時擺架子個款，係咁拋開身份哥前哥後咁叫我，又話靠晒我盛，咁我都好有誠意咁多謝返佢地比機會我出差，我仲口輕輕話萬大事包喺我身上呢！3個鐘機程到上海，呢次其實係我第二次嚟上海，第一次係喺7年前玩QQ時，識左個上海剛畢業嘅大學生妹，所以我就約多個FD膽粗粗兩條友去上海探條女，我識果條女知我帶多個FD嚟，佢都帶多個FD出嚟陪足我地3日，分文都無收我地，當正我地係LOVER咁，可能佢地剛剛讀完書，入世未深！
（開會篇）講返今次，一到步，LUNCH都唔食，飛機餐頂著先，我地澎澎聲去指定公司開會，希望盡快搞掂盡快FREE。我地一行4人浩浩蕩蕩咁衝去座落商業區嘅公司，我地雖然唔係著西裝，但都SMART CASUAL，而且個個都黑超特警隊咁，對方公司D女同事當堂眼都突埋咁，好似見到明星咁，呢度D OL打扮不遜於香港嘅OL，好多都名牌手袋掛帥，而且有唔少天生麗質，輕粧都非常迷人，不過有D都扮到幾高傲，當有人介紹話我地係香港過黎時，我地都聽到有條女用D語帶悔氣嘅說話講 "仲以為他們是韓國來的"，呢刻我地都非常尷尬，莫非港男就如港幣般貶值得咁緊要！
會議開始，我就一直充當人肉布景版角色，無乜見樹可有可無個隻，唯有扮DROP NOTE，呢刻嘅心情冇人會理解。中段休會時，我果3位同事去左公司內設嘅吸煙房食煙，因為我唔食煙，所以喺出面 目及 下女等佢地，突然有位同事申個頭出黎打眼色叫我入埋去吸煙房，一入到去，見到頭先話我地果條女同另外一個女同事食煙傾偈，起初我地互有眼啤啤，後來我主動先黎個45度點頭微笑，條女又點返頭，我就借勢問佢點解覺得我地似韓國人，佢知我地頭先聽到佢講野，就話我地又帥又有形，又會打扮等，成個韓星咁，我就話呢D唔係韓國人專利，你估韓國男仔個個都咁似阿RAIN咩，香港都有型男陳冠希啊，兩條女都忍唔住笑，亦可能因為我D國語，我呢刻亦順勢問佢地 "今日係WEEKEND，你地晚上通常去邊度消遣" ，佢地異口同聲都話叫我地去新天地，調，咁咪即係你問我，同我答返蘭桂芳一樣，我呢刻亦順勢問下佢地賞唔賞面食飯，佢地無直接回應，只係加左我微訊，話夜D再聯絡，呢D誠意似有實無，我都費事再冤住佢地，就話有緣嘅話今晚再見，擺出冇所謂嘅姿態，費事失港男面子。開會開到黃昏5點幾，交待一齊，所有嘢電郵電話FOLLOW UP，咁就完成左公司呢次上海嘅任務!
（KTV篇）反正仲早，各人都讚成先去一下新天地視察環境，順便睇下當地靚女HI TEA 情況。去到新天地影下相交下差，呢度HI TEA 嘅女果然識打扮，行左一陣就去外灘搵間上海飯店醫肚，見時間仲早，做返遊客嘅野，坐船夜遊黃埔江，因為佢地又係要影相交下差，夜遊完畢差唔多8點，先去酒店CHECK IN，再度下去邊度玩，玩D乜，佢地最後都選擇第一晚唔好O徙時間CLUBBING溝女，直接去夜總會跳舞，但眾所周知，上海跳舞係非常貴，而且D女都幾有性格，好彩我之前做左準備，攞定一間叫做平靚正嘅場嘅資料，打比經理問房，仲躂朵話邊個介紹等，佢叫我地10點左右到就應該有房，我地等到9點，已急不及待飛的去，原來間場幾遠離市區，車程都40分鐘，成舊幾水車費，無辦法，鬼叫市區D場貴。去到個場，都OK喎，幾大而且都有D氣派，個經理仲親自迎接帶我地入房，呢個經理原來都係蘇州靚女一名，雖然屬於中車，但都有一番韻味，而且非常矯嗲，好容易奪取男人芳心個隻，真係令我地未睇女先興奮，但沿途入房時，見到D女質素都唔差，同廣東D女真係有D唔同，咁我地叫左個買二送一套餐開埋酒後，就拿拿聲叫媽咪帶女嚟.....（待續）
精彩猛圖將會後補!
[ 本帖最後由 仕雕焚 於 2012-7-5 12:15 AM 編輯 ]
