突然電話響W打比我話同老細喺中環見完客， 老細約咗老婆食飯得返佢一個問我喺邊過來揾我一齊食........扮下嘢問R介唔介意W過來Join我哋， 當然就梗係唔介意啦！
邊食邊吹水等W， 望著M諗起同佢以前嘅旖旎往事， 我諗R點都估唔到佢未來老婆第一次嘅經手人就坐係佢對面一齊食緊飯.........
心不在焉咁傾傾下W來到，W化咗個韓式裸妝，身穿緊身藍色套裝，下身套裝貼身短裙突顯出誘人嘅 hip 位同大肶線條， 加上我最鍾情嘅黑色絲襪同黑色又高又幼斗零踭高踭鞋， 一身令所有人都眼前一亮嘅OL打扮，尤其是坐喺我對面嗰個浪漫R..........
見到W已經行緊過來， 起身拉開張凳比佢..............
點知R仲快手過我已經起身伸手同W握手............
R: Nice to meet you！ 然後仲要拉埋凳比W........
M登時面色一沉...........
W禮貌地同R打個招呼，但係浪漫R仍然捉著W隻手好似唔係好想放..........
食到差唔多W要去洗手間， 浪漫R嗰對眼好似隻餓狼咁眼定定些望著W對腳， 真係驚佢睇到流口水........
可能呢啲真係隔離飯香啲呱！之後我足之諗起知點解， 因為M小腿比例上係粗咗小小又未到難睇嗰種， 但係同W比就更係輸幾條街啦！
落到樓下臨走時浪漫R又真係夠膽死， 當著M同我面前比張卡片W， 仲要話: 呢張我卡片，如果得閒嘅話我哋約埋飲杯嘢好嘛？
當然我立刻變得殺氣騰騰， M唔知係咪已經見慣咗， 佢輕輕挽著浪漫R隻手臂好識做咁話: 我哋好行喇！ 唔好阻住人哋返工啦！ 拜拜！ 我哋結婚嗰日記得早啲到喎，拜拜.............
同W落到地鐵站.......W: 同ex食飯唔先報案， 今晚先審你.......來個Goodbye kiss後W入閘.......如果今晚公審加埋S我仲駛瞓！唉!.........
咦......? 我又無講佢又點知嘅呢？ 太可怕喇！
