第二十七章 (人妻同事 – 3/5 卷)【Mandy執筆】
呀成好細聲咁講完件事比我知, 我再瞄一瞄翠翠, 翠翠亦不斷瞄住我地, 呼, 原來佢地真係發生左的咁嘅事, 咁睇黎翠翠今晚都會幾忙碌吓咁囉。
到左公司間渡假屋內, 唔知係咪女人嘅直覺, 我好似 feel 到翠翠個老公好似不時係咁留意住呀成咁, 我有個預感, 今晚呢三個人似乎應該係會有的事發生咁。
已經成十一點幾, BBQ 亦已經接近尾聲, 翠翠同佢老公亦響無耐之前已經番左上房, 而呀成就正一個人咁繼續響度燒住野食, 但就好似正在心不在焉咁。
突然, 呀成部手機響左一聲, 呀成望左手機之後, 跟住就好心急咁走左入渡假屋內, 我估頭先應該係茱麗葉發左個訊息比羅密歐, 所以羅密歐而家就要澎澎聲咁趕去會見茱麗葉。
我知道翠翠兩公婆係響三樓度瞓, 而呀成就同我一樣, 間房都係響二樓度, 而且仲係響我間房嘅隔離, 都見有的攰, 我伸左個懶腰, 諗住都係番房沖個涼後就早的上床瞓。
行到上二樓, 我見到翠翠正攝手攝腳咁開緊呀成度房門, 翠翠望到我, 但好快佢就入左呀成間房入面, 我扮無野, 繼續行去我嘅房間門口, 我入左房後, 正要關門之時, 一瞬間, 我響將要關上嘅門逢之間, 見到翠翠個老公正行過我嘅房門之外。
哦, 大件事囉, 似乎翠翠個老公係知道翠翠同呀成的野咁, 頭先緊係特登比機會翠翠走去呀成間房度, 跟住而家就跟尾落黎, 似乎係要黎個捉姦在床, 人贓並獲咁。
似乎真係將會有事發生咁, 呢一刻, 我居然唔係擔心翠翠, 反而….我係擔心呀成比較多的, 唉, 鬼叫呀成又真係生得咁靚仔咩。
門外響起隔離房嘅拍門聲, 我知道房入面嘅人必定係嚇到魂飛魄散咁, 我望吓出面露台, 我諗起我個露台同隔離係得幅矮牆相隔, 隔離實在太刺激嘞, 我忍唔住, 就走左去露台出面。
哦, 翠翠居然一個人就響露台之處, 翠翠見到我, 就好驚咁同我講
翠 : Jenny, 死嘞, 我老公響房出面拍緊門呀
我 : 唔好講咁多住, 快的爬過黎我呢便先啦
翠翠跨過矮牆爬到我呢便嘅露台之處
我 : 一陣妳有機會, 就響我房門口出去番返上房度
講完, 我就爬左過去呀成果邊露台, 翠翠望住我, 眼神正留露住一面感激之情, 我行入呀成房內, 門外拍門聲仍然不絕, 翠翠個老公正不斷嗌住開門, 但呀成就似乎響浴室度沖緊涼咩都聽唔到咁。
我正打算行去開門之際, 突然, 我見到有條浴巾響張床上之處, 哦, 做戲就要做全套, 主意已決, 我即時除哂我身上嘅衫褲, 跟住就咁圍住條浴巾就行去開門。
我 : 邊個係咁拍門呀
翠翠個老公見我打開左度門, 跟住就好嬲咁推開左我度門行入左黎, 同一時間, 隔離房嘅翠翠亦襯機響我間房度走左出去, 跟住就雞咁腳咁走番上樓上度。
翠翠個老公 : (好嬲咁) 我老婆呢?
我 : 咦, 何生, 究竟發生左咩事呀?
翠翠個老公 : (見得我一個人披住條浴巾響身, 態度開始有的軟化) 頭先我明明見佢走左入黎架, 而家翠翠響邊度呀?
我 : 哦, 係呀, 頭先翠翠係走黎還番的野比我之嗎, 不過還完就走左啦, 間房剩係得我同我男朋友一齊, 佢而家沖緊涼, 使唔使我拍門叫佢出黎比你入去望下呢?
翠翠個老公 : (開始有的唔好意思) 唔使唔使, 我唔係咁嘅意思, 我只係以為….都係無野嘞, 對唔住, 打擾哂
翠翠個老公走左之後, 我關番度門, 呼, 咦, 浴室入面仲不斷有水聲發出住, 似乎呀成仲未知出面發生左咩事, 我本應諗住就咁攞埋的衫就爬番過去, 但係……
(人妻同事- 待續)
[ 本帖最後由 mandy2013 於 2014-8-4 11:09 PM 編輯 ]
