蛇貴妃

引用:

原帖由 KOGor 於 2024-3-10 18:12 發表
有冇人分享下另一半出軌既事， 到最後又點處理？

可能真係只有男仕先會覺得係好事

想當年我發現我男朋友偷食, 我會立即覺得呢個人好污糟嘔心囉
我會o係最短o既時間之內 cut 左佢, 我唔想同呢個人再有任何形式o既聯繫, 唔好俾我再見到佢, 我唔會想同佢再多講一句說話
最好佢立即從我生命之中消失囉

即係呢, 本宮自問仲算係個有教養o既人 我認同感情本身並無對錯,
我贊成如果係自己闖出黎o既禍就算後果有幾嚴重都應該自己承擔,
我亦唔否則曾幾何時自己某d 性格行為的確唔太討好, 係會令某D 男性覺得厭惡,
因此對方移情別戀未必真係自己一D 責任都冇
我唔會咀咒同我分開o既人, 唔會諗做d 咩行為去報復對方,
我唯一恨o既只係恨佢唔好好同我講囉

呢d 叫做幼承庭訓 老豆教落o既, 佢話如果你做錯事俾我發現, 我暗地裡整蠱你傷害你o黎報仇咁係我錯,
但如果我義正詞嚴用呢個理由教訓你, 就算我打到你第二日行唔到路你都要接受因為係你犯錯應得o既後果  
若然我真係咁不知所謂令原本愛我o既人心灰意冷, 佢選擇同我分開我係會求原諒正如細個俾人鬧果陣
但如果對方講到明同我冇可能再走落去, 咁我都會有我o既尊嚴唔會死纏爛打囉
但係如果佢聲都唔聲, 表面同我好似咩事都冇咁, o係同我分開之前就先同另一個女人開始,
咁樣就係佢o既不忠, 錯o既就係佢, 不忠呢樣野係冇得原諒o既

蛇貴妃

引用:

原帖由 平衡生活 於 2024-3-12 12:24 發表

其實好多女性都感覺上男性出軌好污糟邋遢，我都唔明白點解佢哋會咁諗，好想知道你哋眼中嘅污糟邋遢係乜嘢定義。
如果事情係女性出軌，咁你哋女性又覺得自己會唔會係污糟邋遢？
唔係話幫男性講說話，好多時男性出軌女性就絕對 ...

咁其實又唔係話人地肉體上污糟o既, 冇人可以否認大家都唔係對方第一任,
一齊之前大家都分別同過唔同o既男男女女上床, 污糟o既唔係指同其他異性有過性行為, 甚至污糟o既個term 都唔係好準確
總之就係討厭囉, 出軌係一個肉體上o既行為, 而呢個行為o既前後幾乎可以話一定連帶住心靈上o既欺騙, 講大話, 口不對心 etc
當你知道一個男人出軌, 佢背叛過你呃過你, 你會聯想到好多好多野
比如佢好似咩事都冇, 同你討論緊今個禮拜六某個時間同你做d 乜果陣, 佢係真係諗佢口中講同你做果樣野,
定還是係佢其實plan 緊佢講o既果個時段前後可以同另外果個見面?
你同佢行街, 中間點都會有一dd 冇人講野o既moment 卦, 佢望住你以外其他方向o既其他野時, 唔通已經諗緊另外果個?
諗緊陣間有咩野理由同你講有野做要返去先, 跟住約另一個人出o黎? 佢望住櫥窗, 諗緊要買d 咩野送俾另外果個, 因為同你出緊街你occupy 左佢, 所以要送d 野俾其他人作為冷落左佢o既賠禮?
甚至你同佢搞緊野, 俾緊佢最中意o既服務俾佢, 佢瞇埋眼享受緊o既同時, 係真係專心享受緊呢個moment, 定還是幻想緊另外果個服務佢?
仲有大把多到可以出書 求其寫幾樣舉例咋!
小女人會因為發現你偷偷send message俾另一個女人而聯想到o既野遠遠唔止咁少

其他人我唔知, 但我自己一句真心話, 就係出軌=討厭o既樣野係不分男女都一樣咁討厭o既
係人格問題囉, 同伴侶一齊唔開心, 你可以向佢投訴, 可以同佢攤牌, 惡d 既話鬧佢打佢一身,
都搞唔掂, 同佢分手同佢離婚我都冇意見
然而出軌就即係欺騙, 即係背叛, 罪行本身冇性格架嘛, 男人做同女人做一樣都係咁乞人憎

如果我有咁樣o既一個女性朋友, 就算佢老公/ 男朋友對佢好差, 佢唔同果個人分手就偷偷同另一個人開始,
然後俾果個粗暴o既老公/ 男友發現打到佢豬頭咁, 我都會贈佢幾個字 "你自己攞黎o既"
除非人地玩非法禁錮啦, 但如果係咁的話你亦無可能識到第二條仔,
識到第二條仔, 你係對自己仲有少少尊重o既話, 就算唔可以馬上亦應該儘快同之前果個劃清界線, 然後先去做第二個男人o既女朋友
前一任蝦你係佢唔o岩, 但你瞞住佢或者製造假像存心呃佢你都有錯

蛇貴妃

引用:

原帖由 平衡生活 於 2024-3-12 13:46 發表

正常情況之下男女出軌必定有其原因，唔會無緣無故就去出軌。主要問題應該係出在對方身上，男人好多時都會話女人唔溫柔、唔了解佢、唔體諒佢、甚至好多時性方面都未能滿足佢、又或者拒絕行房之類。
女性方便多數係話男性 ...

分手同離婚, 其實我個人覺得同返新工一樣
對舊公司唔滿意, 咪辭左份工另謀高督囉
辭職本身無錯, 就算換公司換得再密都好, 當然interview 果陣俾我見到咁o既case 我都會問佢發生咩事
如果講得合理o既我係會接受o架
出軌或者一腳踏 n船, 就係一種詐騙, 等於坐o係 a公司辦公室出住份糧用佢o既資源做 b公司o既野為b 公司賺錢

蛇貴妃

引用:

原帖由 KOGor 於 2024-3-12 19:51 發表
咁正常人打兩份工都唔會寫上CV見工時比你知 都要做落先知呢個人係點但而家呢個社會就好多人鐘意搵外快，好彩既見到個岩既一take過請到個岩既人，唔好彩既不停炒人轉工又可以有幾多時間
有時我又諗出軌係一方面，但如果佢其 ...

打兩份工搵外快冇錯喎, 如果有咁o既精力同時間四份五份六份都冇問, 而家講緊o既只係欺騙
o係你另一半不知情o既情況下同另一個異性有親密關係就等如老細以為你做緊佢o既野所以出糧俾你o既同時,
而你其實係搞緊其他野為另一個老細賺錢, 用 A俾你o既資源去為 B提供好處, A 同B 甚至有可能係有利益衝突o既競爭對手

點解我會咁認為, 因為男人o既出軌, 手段不外乎係話工作, 朋友有事要去幫忙, 約左friend 有所謂正當o既娛樂消遣啫
當時我仲係佢女朋友, 我仲相信佢講o既說話 - 或者叫做佢俾我o既借口,
因為我依然認為佢係值得我去愛去付出o既男朋友, 好自然地會offer 既然你唔得閒咁有咩你所講果樣野以外其他我幫到手o既野,
我幫你頂左佢囉, 可能係上你屋企幫你執屋, 洗咁d 污糟衫, 買定野食擺你屋企, 等你忙完返黎可以relax 一下
我分擔左你o既責任煩惱, 你卻係利用緊我俾你o既好處, 將你o既時間精力金錢花在另一個女人身上
咁就同上面 A公司B公司果個比喻相似啦

有一種係 mutually agreed 或者叫咩野 open relationship 既, 大家早就公開我除左你之外仲有第二個而又雙方都ok,
咁呢個係另一個完全唔同o既情況, 因為一早俾對方知道左, 所以唔存在欺騙
公事上亦可以而且出現過咁o既情況, 以前請過d 暑期工o既小朋友, 有過咁樣o既一個人係考完試之後馬上o黎返工,
朝九晚五之後接住即刻返下一份餐廳侍應, 佢話係要極速搵夠趕在暑假結束前兩個禮拜去旅行喎
有時下晝三四點, 佢個post d野真係搞掂晒冇乜特別野可以俾佢做, 我會同佢講再有咁o既情況你話我知,
返工時間我照簽你八粒鐘但你去食d 野又好搵個地方休息下咩都好, 事關陣間你仲要企成晚做到唔停手
即係大家都知情都唔反對, 你用我出糧俾你o既時間哪怕係為另一份工做準備係冇問題o既,
但如果未經同意冇知會任何人就消失o左, 下次再見到面睇我屌唔屌到你血流成河囉

跟住最後一種case 真係對唔住啦 你地所講知道/ 見到/ 聽到另一半同第三者o既性事會特別興奮o既情懷我真係理解唔到!
目測 so far 好似只有男性先會有咁既思維...
得罪d 講句, 其實會唔會係o係你地內心o既最深深處, 未曾去到真係好深愛自己老婆?
因為我睇法係深愛=視對方為你o既唯一, 唯一=唔可以同任何人分享,
單單係原諒對方出軌尚且可以理解為 "繼續擁有呢個深愛的人大於一切",
但聽到佢同另一個人o既床事唔upset唔妒忌之餘仲會興奮, 我真係唔識講囉

蛇貴妃

引用:

原帖由 yjjjoe 於 2024-3-13 13:56 發表
其實我覺2公婆不再相愛應離婚的。
但相愛呢。

我哋從女性方度去聊下、
20幾歲同老公相愛熱戀結婚、
2公婆決定不要兒女、
生活安逸，工作穩定、小康啦、
2公婆仍相愛的，現年40有多咁，有排都未死.

同一個人做了10幾年愛，
...

冇錯, 係聊天咋, no offense

即係我會覺得呢, 兩個人唔再相愛件事就簡單好多, 合則來不合則去囉
我自己玩過癲過所以亦唔係咁古板傳統o既人

如果兩個人仲係相愛, 理論上我老公就係除左親生父母以外呢個世上我最親o既人
我會認為冇野唔可以拎出o黎同佢講囉, 包括性愛上o既不足/ 或者不滿

因為我地都見過晒對方o既裸體, 進入過或者俾對方進入過自己身體,
食過對方正常情況下其他人唔會食到o既體液, 已經親到冇得再親,
所以更加冇野唔可以完完整整坦坦白白拎出o黎同呢個人討論

個主題係集中講性行為嘛, 所以其他生活上細節野我唔提啦
男女之間性事上出現矛盾, 來來去去都係果幾個主要原因
男人的話一係硬唔起唔夠硬一係last 唔耐做唔到, 女人的話唔試新野冇前戲唔肯用口唔俾口爆
當然仲有其他但呢d 我相信係最 common 囉

由始至終其實我都只係得一個point, 就係應該要俾對方知情,
你手頭上唔夠現錢話我知, 我可能都係同你講話我銀包入面應該有, 銀包相信o係手袋入面你自己搵,
你開左口然後先摷我手袋冇問題o架, 但趁我行開左唔知道o既時候偷偷打開就係另一回事嘛

兩個人相處就係要咁, 其中一方有問題, 對另一方有意見, 應該話俾人知,
只要佢仲係重視你o既話相信都會想辦法配合, 實在真係配合唔到, 就同你一齊諗有冇其他alternative
可以係包括你提到o既桑拿鴨店SP SL, 話你知佢底線係乜, 你又再話佢知你能唔能夠同意等等
討論出一個大家都可以接受o既終極方案


性行為唔同食餐飯, 一來佢關係到兩個人之間o既互相吸引, 會想愈要愈多,
想再花多d 時間同呢個性愛上俾到自己快樂o既人見面而疏遠原先o既伴侶
因為另個令人可以重新得到性滿足o既人, 好多時候都需要有吸引人o既外表
咁同兩個人最初相遇時因為對方好man 或者好索, 對人產生興趣想多d 接近然後 fall in love 係咪同一個流程先?

有d 野要做埋, 唔講太多住, 遲下先再睇睇點樣補充
不過講到底亦真係純個人意見, 冇咩絕對o既對與錯
有人係可以做到無論如何點都從一而終, 亦有人一對夫妻各自各快樂, 有人對對方自己一個人快樂可以隻眼開隻眼閉

只係我個人容忍唔到欺騙同背叛啫,
如果一個男人真係咁唔想同我一齊, 平心靜氣同我坦白+宣告分手, 我冇錯係會超心痛,
但若干年後如果遇返佢都仲有 1%可能做返好朋友
同我一齊果陣扮好開心快樂, 俾我自己發現佢瞞住我o係出面搞三搞四, 我真係可以從此直到我死果一刻都恨住佢

蛇貴妃

引用:

原帖由 yjjjoe 於 2024-3-13 15:19 發表
你是認為妳男人不想出去鬼混？
還是認為他不會去鬼混？

準確d 咁講吧係後者, 據我觀察佢會出去鬼混o既機會率唔高
而同時我亦會盡我能力去令到佢唔想出去鬼混囉

由初初同呢條友相偶, 我已經察覺到呢條友o既思維同好多人好唔同
看似好平常o既o野佢都會有自己一套與眾不同o既理解
簡單形容就係從對其他人和事睇得出佢係講得出做得到, 非常之有擔當有責任心同忠誠,
癲起上o黎可以好小學雞好嘔心核突, 激到你七孔流血, 但係一旦feel 到你真心賞識佢係會對你士為知己者死果種人

可能係自細o既家庭教育吧, 阿爸係個好嚴格o既人, 我係獨女,
或者佢怕我日後俾人蝦所以某程度上佢當左我係仔咁調教我o既思想 有咁tough 得咁tough
懂事之後亦因為咸濕, 中意接近男性, 十個好朋友之中八個都係男仔
雖然唔係好精通但至少我可以話自己都幾習慣男性與男性之間果種相處同佢地d 喜好取向等等

我同我男人係朋友飯局上認識o既, 當時就已經覺得佢好有趣好有味道, 好中意聽佢講野
外觀上我唔喜歡青靚白淨o既美男, 粗獷+肌肉+汗水型o既我會更有衝動, 呢d 佢都有,
但有內涵有智慧o既男人我會覺得更加sexy 囉
果陣飯局之中我已經好唔知醜咁o係枱底send message 俾佢, 撩佢出去食煙, 單對單同人傾計

講呢d 陳年往事, 一個原因係我想指出, 以我o既理解一個男人可以對身邊條女有幾長情,
好大程度上係佢女人有幾欣賞崇拜自己, 好多女人婚後不斷咁批評責罵自己老公,
老公當然係見到你就心煩, 碰o岩外面有一個對佢神咁拜皇帝咁服侍o既小三, 個心梗係第一時間飛左去小三果度啦!
佢個人本身係真係有料o既, 比我早好多晉身管理層, 果陣之前我埋頭苦幹做自己野勉強ok 啦
但要我指揮調配點其他人做野, 將一盤散沙凝聚振作起o黎等等, 初時壓力真係幾大, 咪搵佢傳授d 技倆俾我囉
直到宜家耐唔耐我地都仲會傾公事, 交流佢d 帝王用人御人之術
唔係講笑o架, 佢真係睇好多呢d 野, 於是lead to 我第二個point, 就係興趣娛樂活動
我為左要同佢走近, 除左以一個小女人崇拜大男人o既姿態向佢求助俾佢有o係我面前威風霸氣o既機會之外
佢d 珍藏三國演義孫子兵法武經七書我全部要求自己睇晒佢,
仲真係o係入面執d 邊個點解要講d 乜野或者點解要咁做之類o既問題出o黎同佢辯論
(btw 我想講, 雖然係一千幾百年前d 人寫o既, 但今日返到公司用人治人都真係仲用得著, 唔怪得佢咁沉迷!)

人生除左娛樂消遣之外另一個最大o既享受就係飲飲食食, 呢個好簡單,
又係多嘗試多接觸啫, 男人中意大魚大肉係好合理, 佢要去邊度要食乜我都陪佢, 食大左最多另外搵時間操練burn 返佢囉
兩個人一齊係生活, 飲食係生活之中o既一大部份, 呢樣唔得果樣唔制要分開o黎進行,
甚至因為自己(女人)o既原因去禁止對方 (男人)滿足佢呢方面喜好, 係一條非常大o既裂痕

生活上大致係咁, 到感情上o既o野, 主要都係一開始時約法三章
既然佢都係一個有智慧理性型可以而且又喜歡講道理o既人物, 所以我同佢講,
如果你非常愛我的話, 你自自然知道應該點做, 你仲有少少感情但已經冇之前咁愛我,
你知道我除左被欺騙同被背叛之外對其他野o既忍受能力都算好高, 只有呢兩樣野會令我最痛苦
我希望你念在對我仲有少少感情份上, 俾我一個相對冇咁難受o既結局俾我, 即係如果想搵第二個, 想離開我直接同我講
如果我都已經唔愛你我根本唔會care, 如果我仲愛你我一定會選擇俾你快樂然後自己承擔晒所有痛苦俾你離開
如果你心入面已經完全冇我存在, 你就更加唔需要顧我感受呃住我, 直接一走了之極速尋找自己想要o既快樂就得

至於我, 只要一日仲係你女朋友 (後來變成老婆), 呢個係我俾你o既承諾,
我崇拜果d 可以lead 住我o既男人, 自小除左禮儀之外其實我都冇乜點俾人當過係女仔咁養,
所以你都唔需要將我捧在掌心咁去供奉, 如同你教我公事或者對外o既做人道理一樣,
我地情侶夫妻之間有咩係我做得令你唔高興o既請你一定一定要隨時鬧我, 責備我, 懲罰我都冇問題
我地上床有開玩SM, 大家都心甘情願o既, 但上床以外o既其他時段如果我唔聽教唔聽話做唔到你o既要求,
你一樣可以體罰我, 只要安全同有程序有規矩o既重手少少都唔緊要, 總之我地之間領導人呢個角色, 我心甘情願讓俾你去做

提到上床, 我有我自己對性行為o既見解, 佢係一種本能需要, 享受, 娛樂, 交流, 表達, 亦係一種責任
即使係婚前都好, 我接受得你o既追求, 同你上床滿足到我自己o既需要, 我作為你o既女伴不管係女朋友定係你老婆,
亦有咁o既責任去滿足你, 所以只要你想玩想試想享受o既, 千祈唔好怕, 有咩野講左出o黎先算
我同你一齊研究可以點實行, 我本身係非常非常中意做愛呢樣你唔係唔知, 我智慧/轉數/表達能力唔及你呢樣你亦知
所以好可能俾多少少時間我都會有同你一樣咁o既念頭, 只係你轉得快過我比我早d 諗到而已,
所以唔駛顧忌咁多, 想點玩講左出o黎先, 只要係做愛而且唔會攞我命o既 99%我都會奉陪

(我仲有一張皇牌 呢個男人好中意主奴, 中意sm 中意女方痛苦, 要o係出面搵到一個100% 只屬於自己,
又咁中意俾男伴折磨o既私家女奴其實唔係咁易 )

事實上, 佢亦真係提出左幾次令我幾 impress o既o野
足以令我相信佢o既誠實, 佢依然覺得我吸引到佢, 同埋佢只希望用我身體去滿足佢o既性慾而唔係搵其他人囉
點解我咁相信, 因為除左口頭上o既說話, 床上面兩個人o既互動有留心的話其實可以俾到好多information 俾你

再講自己都好似有d 亂, 總之經營關係就需要多管齊下, 要不斷去發現欣賞對方o既吸引之處,
亦要不斷保持同提升自己o係佢眼中o既吸引力, 令佢覺得同你相處係舒服同開心o既