前文講過,最後嗰次沉船對小弟嘅打擊(衝擊?)最大。
差啲唔記得講㖭!諷刺嘅係,嗰時完全唔知有「沉船」呢個術語(仲未開始識得上香討)。第一次睇到「沉船」兩個字,真係傻更更以為:慘嘞唔知邊度有架船沉咗。
話說某年小弟去咗美國旅行,有家人同行。吖,唔知點解,又會神推鬼甕咁去咗坐郵輪。
我記得上郵輪嗰日,心情麻麻地,完全冇興奮嘅感覺。甚至覺得好似有少少被逼咁。仲發晦氣覺得困喺船上幾日直頭等於坐監。
當然,事後諗返只係慶幸嗰次冇miss the boat。
[
本帖最後由 guthrie 於 2022-7-12 01:24 編輯 ]