引用:
原帖由 蛇貴妃 於 2022-7-20 11:02 AM 發表
唔... 緣份吧, 其實我都唔知正確係點叫
不如咁講, 我相信一個人o既經歷係一個塑造o既過程, 等如工作一樣, 我每做過o既每一份工都總會學到某d 野, 咩野都好,
呢d 零零碎碎o既經驗同知識加埋就會引導我去到後面 ...
你講得又幾好。
我係太理性嘅人,所以「緣份」對我嚟講,不過係將一啲偶然發生咗嘅嘢浪漫化。
雖然,有時呢啲「偶然發生咗嘅嘢」本身就好奇妙。我都知道嘅。
以前成日都會諗「如果」:如果早啲決定做某樣嘢;如果冇遇到邊個邊個;如果曾經成熟啲;如果冇做過某件錯事,等等。
越諗得多,人越唔開心。
唯有安慰自己:喂,可能更差呢?點解唔欣賞發生咗嘅嘢?