dragonbone

引用:

原帖由 史隆教練 於 2022-11-26 14:41 發表

龍兄有冇報渣馬？

無啊師兄，足膜傷左，要抖一排。
而且轉左操泰拳，好返先可以再黎料。
師兄隻馬又準備成點？

dragonbone

因為一D事，所以仲未瞓......
就黎個無思分享。

心血來潮，咩叫心血來潮，就係無預警，忽然的提醒。
太忙，已有一排無見人妻，忙住上堂，信息中忽然一句，你係邊?
我: 地鐵，趕緊上堂，妳呢?
她: 我都係，邊個站?
我: 九龍塘，妳呢?
她: 我都係。
我: 妳都係??咁我唔上車住，妳而家係邊?
她: 我剛出車。

同一個站，同一列車，她出車剛好我來得及看信息而沒上車，大家就係月台相遇，下一班車3分鐘後到，我地就利用呢3分鐘寒暄，感覺好特別，你約人見都要準時約好地方才能見，沒預警的緣份往往黎得感覺就是較特別，呢3分鐘，如果你係我，你會用黎做咩?

而3分鐘後，她忙她的，我亦趕住上堂所以上車，有緣要見，有時真的不在於時間長短。

dragonbone

引用:

原帖由 天剎沽星 於 2022-11-27 06:44 發表
咁就簡單啦！試試忽冷忽熱睇佢會唔會投入多啲就知,如果佢會行前啲你咪準備起筷囉！你應該明我講乜

師兄有心得。
但小弟我不嬲係姐姐控，對後生女興趣真係不大，而且佢要出trip，過個冷河，更唔會有事發生。

dragonbone

引用:

原帖由 史隆教練 於 2022-11-28 10:09 發表

要抽第2輪
第一輪waiting list
無點認真練過😂😂

近日天氣麻麻，如果再涼D凍D就一流。
師兄如果抽中，真係要分享下，我覺得有得跑有得玩係開心既，香港太耐無熱鬧過。

dragonbone

引用:

原帖由 star_platina 於 2022-11-28 17:02 發表


成熟嘅女性，有知性美，亦注重儀表，有禮貌，更加有眼光；係可遇不可求嘅紅顔知己，唔一定有任何性，但係可以肯定係一位會鼓勵男人，對朋友有要求，對自己亦都唔放棄嘅女人。

龍師兄質素高，識嘅女伴都唔嘢少😬 ...

唔知師兄覺唔覺，遇上一D高質女生，佢已有男友已有老公，大家是真的可以做朋友去交心，其實非常舒服，我對佢好，都唔使擔心令佢誤會。我好享受這種放心對佢好的關係，男女關係係我黎講，絕對可以做朋友，知己，始終無可能任何人和事都會曖昧嘛，想太多，會好攰架。

其實唔關我事，我覺得每個女性只要可以令佢打開心扉，都可以好好傾，我比較直接，如果大家睇法一致，我會索性食飯同拎電話保持聯絡。當然為免誤會，通常我都會表明我呢D大叔係厚面皮，再白痴地講唔係要黎識女仔抄牌，聽完佢地會笑笑口叫我唔使擔心，佢地反而未驚過，比我仲爽快呢。

後生女好，成熟人妻好，我覺得好多時一D都唔拖泥帶水，雖然未說得上大開眼界，但佢地既主見同睇法會令我另眼相看呢~~~~

dragonbone

引用:

原帖由 GiveUpme 於 2022-11-28 20:55 發表
隨心分享，今日難得放假，喺無特別安排下，我就約咗個朋友見面，好一陣子無見面，因為朋友之前唔舒服，咁啱我今日放假就睇下佢得唔得得閒，點知佢又得閒，於是就見個面，仲食咗餐添，當然呢餐飯食得好開心。

之後我就一個人去睇咗場戲，以 ...

都唔係，人大左，有時一個人去做野，仲快靚正，因為唔使怕另一半會悶親又或怕佢無興趣而自己都快快手行完就算。
一個人有一個人既爽。

dragonbone

引用:

原帖由 star_platina 於 2022-11-29 18:47 發表


有老公嘅女人有一部分本身係女仔嘅時候就已經好有人緣，識得用唔同嘅話題去同人傾偈，而且目的唔係揾情人，而係揾一個能夠談心嘅人。所以真係好難揾，而且一般令人動心嘅女人，男人少啲定力就會失手，要有定力，呢個男人自己都要 ...

呢個亦都係一個幾有趣既分野，已婚人妻同未婚女士，就當佢地內外條件接近都好，但其實行出黎俾人感覺始終多少會有D唔同。
當然仲有好多因素，無完全絕對好唔好，
而未婚既女士，說到底會有較多可能性，我反而會小心講野DD，因為唔想令人誤會。

但點講都好，女生對自己對事情有要求有追求，對事物有自己見解，係份外有吸引既光環，我就特別欣賞。

dragonbone

引用:

原帖由 star_platina 於 2022-11-29 18:50 發表


絕對贊成，一家人有一家人嘅時間，同時亦都需要有me time，咁先可以保持到心境平衡😬

係。
呢種時刻既自由，可以做下自己鐘意既野，我覺得係好正。
講開自己鐘意既野，最近世界盃，其實超期待，但唔知點解，個氣氛總係好似炒唔起。

而講起踢波，呢D男人浪漫既野，如果女人識欣賞，又或係真參與，亦會令人另眼相看。

dragonbone

引用:

原帖由 star_platina 於 2022-11-30 17:52 發表


其實結婚與否並非重點，只要女士覺得個男人值得信賴，自然會打開心扉。

可能阿星個人口沒遮攔，所以都冇乜避忌，就好似食嘢咁，百無禁忌唔使戒口。

當然，唔同場合要做唔同嘅事同講唔同嘅說話，最近阿星俾學校邀請去同啲中學生 ...

師兄仲可以循循善誘，實在係得。
唔知師兄多唔多去coffee shop，我發覺近幾年真係多左好多選擇。
而且連沖野飲果個都仲要幾好樣，我認我膚淺，但其實呢D生招牌，真係work架下，我住附近真係多左好多後生幫襯。

dragonbone

引用:

原帖由 天剎沽星 於 2022-12-1 03:22 發表
唔好諗得太複雜,走近都係兩個人調劑又唔係D咩野確認關係

HAHA......無錯。
而且，要諗既野太多，呢方面，我從來都.......順其自然。