dragonbone

引用:

原帖由 star_platina 於 2022-12-2 09:00 發表


家下一街珍珠奶茶妹妹，又露臍又短褲仔咁，真係搞到阿星行街都四圍望非常之唔得閒。

不過呢啲口罩美女真係令到阿星有啲保留，戴住口罩冇錯雙眼係幾靚嘅，一陣一個唔覺意除口罩捽下個鼻發現口罩美女原來咁嘅貓樣就真係倒胃 ...

一個都幾現實既操作，珍珠奶茶呢D後生仔為首要對象既飲品，做果個如果太老，真係有點格格不入。
我去coffee shop飲野，眼見既多數都會係年青人，呢D手法其實好緊要。
所以我地千析唔好睇個女仔除口罩，因為戴住遮住從來都係最美好架，HAHA.......

dragonbone

星期5，無思分享下先。

人生既理想，你同我都會講，但幾多個會真係有心認真去實行呢?
而你想既理想，如果未達到時，又去到幾多歲，原來........已唔敢再提起，又或唔敢去想呢?

我從來都認為人有理想先會覺得每早起身為咩，佢就係人生動力來源既其中一種，哪怕你的理想有多大，又或多渺小又可能係好簡單都好，我覺得，都需要.......
試下唔好講得太複雜，要做出什麼什麼成績來，我覺得人到中年都可以講理想，例如...... 果個理想係keep fit，佢無關你智慧高低，人生係物質上有幾成功都可以有機會做到既事，但原來事實又唔係人人做得到既事。
而理想，係公平既，放棄前都可以擁有，但唔堅持就只會成為妄想。

又或講講另一種理想，從來學習，都可以令人發亮，這是專家講的，而學習，再精進，你就會有追求既心。
係人妻世界，佢地嫁左，有的仍是工作上的女人，有的選擇作為家庭的婦人，聽佢地既內心世界，原來都仍然好宏大，好有理想，有D只礙於信心不夠，有D就怕失敗，有D又驚分身不暇，當然有D正計劃未來，我喜歡有鬥心的人，哪理你是男人女人，以佢地為例，其中一個原因係因為佢地怕影響固有角色既考慮，但唔代表佢地放棄理想，我在為自己努力同時，都細味緊佢地每個人如何努力。

原來追尋改變，都會令女人再次發光發亮，去吸引別人。

dragonbone

引用:

原帖由 star_platina 於 2022-12-2 16:40 發表


啲咖啡店都唔多歡迎阿星呢啲老人家，全部揾啲年輕人去做，一個老人家都冇。等阿星開間上年紀嘅咖啡店先得😬

HAHA，我覺得真功夫就點都係背後會有較成熟既搞手先得，而門面，又真係搵個後生會好好多。
年青人去呢D地方，少不免吹下水講下而家時下最hit最流行緊咩野，佢地D潮語，我都聽到側晒耳。

我覺得一間正既咖啡店，設計更要花心思先得添架。呢D，年青人又有佢地既見解。

dragonbone

引用:

原帖由 star_platina 於 2022-12-2 16:43 發表


龍師兄好似意有所指喎，有一位女士令到龍師兄好欣賞，而目要出文繞個彎嚟讚佢喎😬

死火，有咁明顯咩??
其實又唔止一位，係幾位。
即師兄都明，你女伴最親密有1、2個，傾得埋可發生唔發生又有2、3個，再黎傾得埋有好感可以5、6個，人瞓醒出門口，都不停身邊有人出現，係過客還是密友，睇自己行多步定原地踏步既遮，唔想太複雜，我地會個個都欣賞但就個個都係好朋友就算，我反而鐘意呢種簡單關係。
佢地都有後生有老練有成熟有輕熟，我都好欣賞架，非讚不可。

dragonbone

引用:

原帖由 star_platina 於 2022-12-3 13:07 發表


唏，大家都係男人，明白嘅，身邊點都會有一兩個值得讚賞嘅女人出現，嗱嗱嗱，包括埋屋企入面果位老婆大人㗎吓，最最最值得高度讚賞嘅果位千祈唔好唔記得呀。

阿星唔知係咪太主觀，呢排又忙於喺小朋友嘅學校做下義工之類教下人，硬 ...

HAHA...... 師兄咁講，令我想起，其實女人都有好多自己既諗法，佢地唔成功，反而往往因為男人唔夠成熟或唔會體諒，限制左佢地既發揮。
我係過往既經驗，都聽得好多時女士們有自己想闖的一條路或一個想法時，未知成唔成功，就已被自己既男人先打沉，而通常打沉既說法不外乎叫女士照顧好頭家先、又或構思唔得想法唔得、又或蝕錢點算。我有時會諗，女既未必會成功，但某程度可能係個男既都唔想女人成功，我相信有男人會好怕女人比自己更有本事，又或賺得更多錢而會唔開心，怕無左家主成位。
在我而言，如果我女人成功，其實我幾開心，因為至少我有眼光揀佢，而咁叻既佢會揀我，證明我亦有其魅力之處，只可惜原來真係人人想法唔同。

最近上堂時，大家會傾起可行性，可能性時，覺得可以一試，當然要考慮既仲有好多，但眼見女士們對眼會發光都想一試自己既能力時，但當考慮到另一半未必放行，又或在職女士要再另抽時間出黎嘗試，會要另一半照顧頭家而放心唔落時，我覺得有點可惜。

如果個男人仲要返屋企就打機，又或擺大爺款，其實我最唔睇唔起。同樣，一個男人既成功，其實背後既女人亦功不可沒，所以男人女人既成功係相輔相成。我記得以前我講過，我好鐘意睇一對夫婦點樣相親相愛而又成功，因為佢地真心會為對方而付出，呢種有眼光而又無私，係心態，唔係能力。

其實會照顧頭家既女人亦好吸引，同樣，會幫頭家既男人，我覺得女人心底其實好欣賞又或羨慕，至少每次我幫手做家長義工時，D阿媽都會問長問短先。

dragonbone

引用:

原帖由 天剎沽星 於 2022-12-5 06:17 發表
輕鬆D玩下就無問題

講開玩，而家就真係玩得好開心嘞，我有少少醉心左打拳果度。
男人的浪漫，永遠唔會遲。
我鐘意左打中，打得應target既拳套聲，爆汗爆心跳，呢D又同我而家上堂係心態上氣氛上完全兩碼子事既挑戰，但就正如星師兄講，要多謝另一半，無佢睇住，我又點可以任性出去學野呢。

反而最搞笑係我個教練，我係度練既時候，佢好鐘意睇有無女仔望，但真心唔同層次，佢既反應同速度，快到一個點，係靜與動之間，令我搵到唔同既挑戰。

至於上堂方面，係後生女同人妻們面前，我已提起男人的大忌，就係提自己有小朋友同太太，通常男人提呢D，女人多數都會滿不是味兒，而我提起，因為唔想有咩誤會滋長，因為.......小弟sense到多多少少有D味，而暫時黎講，我都真係要友情或傾得埋既異性就夠，當我諗多左都係咁話。

dragonbone

引用:

原帖由 天剎沽星 於 2022-12-5 14:02 發表
其實D女無所謂既,o岩心水唔會理你個status

師兄，其實......你無講錯，當然我當自己諗多左，即我想講既係，你知啦，男人唔想斷後路，通常同異性都會講自己點好既一面，show自己點吸引既舉止談吐，玩得爆自己屋企情況，某程度都係自斷米路，但我發現，當佢地知你點對屋企果個好時，佢地十居其九都會講點解你會識咁做，佢地屋企果個唔會云云。

最搞笑係，當我地講買某樣野時，我講到另一半未必俾，
佢地講:你撩佢啦。
我答:佢好難心動架。
人妻就會講: 你撩啦，你一次唔得兩次，撩撩下就得架啦，果樣野都係咁撩架啦，佢唔俾你就緊張遮。

跟手其他人妻都一齊笑，而講果個係平時最正經果個，我真係諗，妳地究竟有無當我係男人黎架......
所以有時我都半放棄，我同自己講佢地應該當我係女人埋一份...........

dragonbone

引用:

原帖由 star_platina 於 2022-12-5 14:23 發表


其實每個人都有佢哋獨特嘅地方，有好多想法想去實現，但係好多時就係一啲人為嘅嘢例如行為，話語又或者態度限制咗佢哋，令到佢哋好想去實現嘅夢想冇辦法得到實現，呢個係最悲哀嘅。

男人千百年落嚟都係接受唔到女人比自己叻 ...

係架，女人唔知自己叻唔叻，成唔成功，係想與唔想實行之間，你鼓勵佢，佢可以會好黎料，你打沉佢，再搬出千萬個理由，可能已收佢皮。

當然，我覺得女人鐘意男人叻，係正常，女人鐘意男人，存在愛慕當然最好，即愛之外亦有仰慕，一個叻既男人愛自己，個女人都會自愛同裝扮自己多D，而當女人成功時，其實身邊既男人亦一樣成功，女人更會感激呢個男人愛自己之外仲早早已識欣賞自己。

我奉行強者理論，我只會欣賞你強我更強，咁樣大家先有良性既進步。

係架，師兄提到一點女人偉大，自從多左參加活動，我都覺好多本身叻既女人願意犧牲自己既事業同未可知既成功可能性，我已覺好偉大。我都講笑同另一半講，不如妳叻D，我係屋企湊小朋友都得架，當然佢先唔會中計啦，佢反轉頭只會叫我叻D，我賺既係佢既，佢賺既係買花帶喇~~

dragonbone

引用:

原帖由 天剎沽星 於 2022-12-5 18:06 發表
又唔一定,我又唔會主動去show好一面,會好似平時咁接觸其他人一樣
我唔會太多講自己屋企情況,同你做法相反,接觸上會有時好傾有時無交流咁.

師兄心理質素比我好呢。
我會講自己屋企，係因為會將另一半掛係口邊既男人，好多時都會令女人卻步遮。
而我真係幾珍惜同佢地既感情，所以我唔想有咩改變呢。
但我唔排除係我自己諗多左，所以都係唔好太情聖咁既蛋款會好D。

dragonbone

引用:

原帖由 star_platina 於 2022-12-5 20:48 發表


哇哈哈哈，龍師兄講出咗成件事嘅重點啦。其實如果個女人叻，男人鼓勵佢去做，而佢又做得成功，呢啲當然係個女人本身都有咁上下料，另外就係另一半嘅鼓勵導致女人嘅成功喇。叻嘅男人會鼓勵女人去擁有自己嘅事業，始終兩個人喺埋 ...

都係既，而且成功既女人，亦會有一份吸引力，而同樣地，可以令成功既女人鐘意自己，份外有自豪感。