慢嘗君

25. 受傷的女神
=========

話說 Simon 出賣公司，公司查佢部電腦時發現有個 file 裝住同佢上過床嘅女仔嘅 comment，最後果個係女神 Athena...

「AC 嘅 comment 都幾長，嘴唇好啜，對波彈手，乳頭啡啡地，但口感一流，腳夠長但唔夠滑，籮柚肉厚，入面好緊，容易出水但反應未夠放，next: 多啲後入引佢上癮，bonus: 用口，target: 長期 SP」

原來佢打算將 Athena 練成淫娃供佢長期洩慾，正人渣!

不過寫得咁仔細，佢對 Athena 做過咩一清二楚: 佢同 Athena 嘴對嘴錫過，揸過波，啜過乳頭，玩過對腳，當然插入過，仲用過狗仔式，但 Athena 好似仲未用過口...

「佢都算變態，紀錄得咁詳細，唔知有冇閃卡呢?」

「喂你兩個搞乜野? 我叫你地搵佢出賣公司啲證據呀!」

Athena 好慘，被人渣 Simon 污辱咗仲被佢當妓女咁品評，塊面谷到紅晒，好想喊，趁 Grace 怒吼 Aden 同 Tommy 時靜靜地行出去，我跟住。

果然佢想去女廁喊，女廁多八婆，畀佢地聽到就麻煩。

「Athena，呢邊。」

我拉佢去後樓梯，你想喊就嚮呢度喊啦。

「咩事呀? 你做乜咁多事呀?」

「心涼啦? 依家好心涼啦?」

「抵死吖嘛! 我好抵死吖嘛!」

「你一早話咗我架啦，係我唔聽吖嘛!」

「你仲想講咩? 係咪想話我好 cheap 呀? 想話我攞嚟賤呀? 」

「Athena... 你覺得我會咁諗?」

「我知你好嬲好 hurt，但係我同你一樣咁 hurt，你知唔知我睇住你同第二個... 係幾難受?」

「你仲同我講你地好夾，你知唔知我幾傷心?」

佢聽到我咁講，好似有啲內疚，個樣冇咁嬲。

「Athena，我都好想殺咗個人渣... 不過依家我最 care 嘅係你，只係你一個，最重要係你要珍惜自己，我愛你，我一直都愛你，永遠都係。」

「你痴咗線咩? 你知唔知發生咗咩事呀? 你明唔明呀? 我同過佢... 我仲以為佢... 我被佢...」

佢又開始想喊。

「Athena，如果當初我冇激嬲你，如果我有好好保護你，你就唔會... 搞成咁全部因為我而起，我覺得我好冇用... 對唔住...」

我終於將自己嘅內疚講咗出嚟，我都想喊。

「你痴線架! 你痴線架! 你... 你癲架! 你痴線架! 你係咪有病呀! 你... 你...」

「你... 你... 你... 你點解唔鬧我呀? 你點解唔恥笑我呀?」

「你... 你... 你鬧我啦! 你鬧我係賤人啦! 你鬧我抵死啦! 你...」

我唔出聲，我其實出唔到聲，我知我一出聲就會喊，睇到你咁慘，除咗陪你喊，我只可以默默望住你，由得你發洩。

Athena，你唔好太怪責自己，你唔好做傻事。

「你... 你... 你...」

佢終於靜落嚟...

「我... 我想走... 我唔想留嚮度... 可唔可以幫我同 Grace 講聲?」

「我會同佢講你 sick leave，你都係行落兩層搭 lift 走，唔好經過 reception，Queenie 好八卦。」

「我要攞翻個銀包...」

「用我果個，你搭的士返去。」

我頭先諗住遞完信就走，所以仲袋住銀包電話。

「咁你呢?」

「我有八達通就夠。」

我仲畀埋部電話佢...

「你攞去用，冇 password，我會飛翻線返公司。」

「Andy... 我... 我咁對你，點解你仲?」

我陪佢等 lift，趁 lift 門閂埋之前...

「Athena，請你記住，無論點樣，我永遠都嚮你身邊，一直都係，永遠都係。」

我見佢用我個銀包同電話遮住塊面喊...

送完 Athena，我返上去，佢地已經 check 完人渣 Simon 部電腦，睇緊我同 Athena 果部。

「Grace，Athena 好唔舒服，sick leave 返咗去。」

「咁快走咗? 佢咩唔舒服?」

「佢呢幾日好似已經唔舒服，頭先可能又嚇親...」

我特登暗示到佢 M 到，Grace 都係女人，應該明，冇追問落去。

Aden 同 Tommy 嚮我地部電腦搵唔到野，走咗，不過唔知佢地嚮人渣 Simon 度搵唔搵到野。

我想話畀 Athena 知等佢放心，不過點講? 唔知佢有冇飛線返屋企，而且我估佢都唔想講野，我又冇電話 whatsapp 佢。

佢部電話應該仲嚮櫃桶，我係咪應該攞嚟用? 佢都好似冇 set password...

不過，佢個 whatsapp 可能仲裝住佢同人渣 Simon 啲情慾短信... 佢地會傾咩呢? 尋晚床上表現點? 下次去邊度爆房? 想玩咩花式? 問 Athena 係咪諗到下面痕痕地? 埋嚟幫佢搲下...

唔得! 我唔可以再記住個人渣點淫辱 Athena，見到果啲 whatsapp 我只會更加心痛，都係唔好睇喇。

Facebook! Facebook 有 private message，我可以 send 個 private message 畀佢...

『Athena，冇問題喇，已經同 Grace 講咗你 sick leave，佢地亦搵唔到我地電腦有野，我地係清白嘅，如果可以，我打電話畀你好嗎?』

不過我唔知 Athena 會唔會上網睇 facebook，可能佢依家仲喊緊，希望喊完會冇事。

到中午，佢都係冇覆，我又 facebook 佢...

『Athena，食晏喇，記得食啲野，唔好餓壞個胃。』

『Athena，如果攰，瞓一陣晏覺啦，醒咗 facebook 我好嗎?』

『Athena，差唔多放工喇，我今日咩都冇做，好 hea，你瞓醒未呀?』

『Athena，我返到屋企喇，出面好熱，記得開冷氣唔好焗親喎。』

『Athena，我食完飯沖完涼，你點呀? 心情平靜啲未? 打畀我或者我打畀你好唔好?』

『Athena，夜喇，早啲瞓，聽朝我等埋你一齊食早餐好嗎?』

『Athena，我都瞓喇，我今晚可唔可以發夢夢見你? 我好擔心你，我好掛住你...』

『i m ok, will come back tomorrow, no breakfast』

Oh! 你終於回我喇，有冇睇晒啲 message? 希望你感覺到我仲好關心你，仲好愛你，永遠嚮你身邊。

Venus，我依家如釋重負，女神已經睇清人渣嘅真面目，佢唔會再錯落去，我放心翻小小，不過我怕佢會做傻事，我要照顧佢，我依家唔想死。

慢嘗君

引用:

原帖由 looscar 於 2014-6-3 01:36 AM 發表
求下你啦 唔好要番個賤人呀 男主角瀟灑d la 係我就咩都唔講直接辭職走啦!d咁既賤人關心黎都曬氣 好似人妻下屬個外遇女咁 直接走呀嘛



http://n2.hk/d/images/r10/mobile.jpg

多謝你咁投入

如果 Andy 就咁放手個故仔咪完

慢嘗君

引用:

原帖由 frosticebreaker 於 2014-6-3 01:36 AM 發表
Andy無睇女神電話，但喺入邊可能真喺有不可告人的秘密喔。。。



http://n2.hk/d/images/r10/mobile.jpg

呵呵呵，有諗過寫埋，不過之前已經玩到咁盡，再描寫就會 reduntant...

慢嘗君

引用:

原帖由 frosticebreaker 於 2014-6-3 07:04 AM 發表
又喺。但喺好想知女神點樣失守。Simon 咁賤，無可能無儲閃卡。



http://n2.hk/d/images/r10/mobile.jpg

希望 Athena 會對 Andy 坦白...

BTW 下一集 Lucy 又出場了

慢嘗君

引用:

原帖由 casperchan 於 2014-6-3 11:33 AM 發表


究竟條女係激andy先受西門溝，定係真係冧西門呢？不過無論點，呢d女要唔過啦，咁容易變心。



http://n2.hk/d/images/r10/mobile.jpg

Andy 都想知...

慢嘗君

引用:

原帖由 king57721 於 2014-6-3 12:39 PM 發表
呢個係港女+ 十四巴男嘅故事, 唔係乜嘢女神同痴心情長劍...



http://n2.hk/d/images/r10/mobile.jpg

我諗 Andy 比十四巴男更慘...

慢嘗君

引用:

原帖由 nestse 於 2014-6-3 03:41 PM 發表
Athena 咁鬼蠢
Andy 移情 Lucy 好過啦

不過 Andy 都唔叻得幾多...

慢嘗君

引用:

原帖由 nestse 於 2014-6-3 06:02 PM 發表
當然啦一早就應該上左兩女啦

如果 Andy 想食 Lucy, Lucy 一定畀佢食

至於 Athena，佢老早就想畀 Andy, 最衰係我從中作梗...

慢嘗君

引用:

原帖由 喵靈王 於 2014-6-3 06:40 PM 發表
Andy...你而家唔想死...
但係作為讀者想鍊死你=.=......



http://n2.hk/d/images/r10/mobile.jpg

放心，遲啲佢會比死更難受！

慢嘗君

26. Lucy 的飯局
==========

話說女神 Athena 知道人渣 Simon 真係人渣，好後悔失身畀佢，我不斷開解佢...

我好期待見到 Athena，一早返公司等佢，點知佢仲早過我。

「早晨，Athena。」

「早晨。」

佢望住個 mon 同我講野。

Athena 今日著黑色衫，半身裙有好細嘅啡色花紋圖案不過主色又係黑色，加埋表情成個人好冰冷，睇嚟佢仲係好唔開心。

我部電話同銀包已經嚮我檯面。

「Athena，你點呀?」

「我冇野。」

佢繼續望住個 mon 答我，其實我地啲 project 仲 hold 住，邊有野做? 佢對住個 mon 其實只係唔想望我。

突然間 Athena 嘅冷淡令我覺得大家好陌生，我地好似從來冇開始過咁...

Athena，你唔好咁啦，你唔好封閉自己，你畀我幫下你啦。

我都唔知可以講咩打開話題，好無奈，唯有都係望住個 mon。

同我地第一次 OT 時一樣，我不斷偷望佢，當時佢好專心做野，好可愛，好吸引我，依家佢木無表情，好冷淡，只係逃避我。

我可以點做?

「嗨，Andy!」

「嗯? 邊個嗌我?」

「Lucy? Lucy 你怎麼會來?」

「哈哈! 好驚訝嗎? 我嘗試過找你，不過你的 whatsapp 連上不了。」

因為我 block 咗你吖嘛。

「你怎麼突然會來? 你來... 是為了那件事?」

我唔想嚮 Athena 面前提起人渣 Simon。

「對，我是為 Simon 事件來的，待會要跟 Grace 談談。」

頂你! 真係講出口。

「你是 Athena 嗎? 我是 Lucy，幸會。」

「Lucy 你好。」

Athena，你同 Lucy 講野就望住佢，同我講野就望住個 mon?

「Athena，一直只跟你 e-mail 聯絡，原來你是這麼可愛。」

「謝謝。」

笑? Athena 終於肯笑? 太好喇!

「吖， Grace 回來了，我去找她，不打擾你們了。」

「不打緊。」

Lucy 入咗 Grace 間房。

「Athena，頭先 Lucy 讚你可愛喎。」

我嘗試打開話題，但佢直情唔睬我，繼續望住個 mon，唉...

自從 Lucy 坐嚮 Grace 房，好多人嚮佢間房出面行來行去，班狗公聽到傳說中嘅超模 Lucy 嚟咗，個個特登兜路去昅佢，班港女亦唔執輸，要睇下佢點靚點巴閉。

唔知 Grace 係咪都頂唔順班八公八婆，佢同 Lucy 轉去另一間 conference room，跟住有三個其他部門嘅人入埋去，我唔識佢地，不過有一個好似係 legal department。

間 conference room 係全玻璃牆，班狗公港女睇得清楚好多，Lucy 好識著衫，今日落嚟係講數，所以著到成個行政人員咁，冇波冇籮畀佢地睇，但班狗公見到 model 長腿已經好滿足，班港女見到佢個靚樣又妒忌又羨慕。

唉... 等我話畀你地班井底之蛙知啦，其實嚮 Lucy 公司超模質素嘅仲有大把，只係你地眼光太窄啫，而且 Lucy 嘅全相我都差唔多睇晒，甚至幫過佢帶胸圍著底褲，你地唔恨得咁多!

不過雖然 Lucy 好索，我對佢已經冇晒性衝動，佢只係我嘅好朋友，最多只係知己，我嘅 focus 始終嚮 Athena 度...

Athena，你唔好唔睬我啦。

到食飯時間，Grace 請 Lucy 出去食，有幾隻狗公同港女跟住，我同 Athena 呢啲疑犯當然唔受歡迎。

「Athena，食飯喇，一齊?」

「我唔食。」

佢雙眼從來冇離開過個 mon，咁唔攰咩?

「咁好啦，我出去先。」

我去咗新記茶餐廳。

唉... 究竟 Athena 仲要唔開心幾耐? 點解你要收埋自己? 點解你唔同我講? 點解你唔畀我幫你分擔? 點解你唔畀我打開你嘅心窗?

Venus，如果女神繼續係咁，佢會唔會鑽牛角尖，會唔會諗埋一邊? 會唔會離開我? 你有冇方法?

食完飯，我買多份三文治...

「Athena，唔食野好傷胃架，不如食個三文治?」

「唔使，唔肚餓。」

「咁我放低，你肚餓就食啦。」

唉... 都係連一眼都唔望下我，我幾時變得咁討厭?

突然 Lucy 又出現...

「Andy，Athena 你們在忙什麼?」

乜都冇!

正確嚟講我忙緊點氹翻 Athena，Athena 就忙緊點避開我。

「Lucy，你們的會議怎樣? 順利嗎?」

我記得 Grace 話過你地要告我地喎...

「還可以，可是有些事我不能作主，要請示老總。」

咁又係，搞到咁大件事，梗係搵啲大粒嘅話事。

「哪麼你會留在香港多久?」

「我明天回去，對了，Andy，Athena，今晚我們一起吃飯，好嗎?」

我地三個? 同埋 Athena? 好呀! 雖然我只想同 Athena 食，不過佢依家唔睬我，如果加埋你，可能佢會制。

我望住 Athena... 去啦去啦，應承啦!

「我不去。」

吓? 唔好啦...

「來吧 Athena，我們好難得才有緣見面，這次之後恐怕也沒有合作機會了。」

「嗯?」

「那... 好吧。」

好野!

「去! Lucy，我也去! 你想去哪裡吃?」

「旺角，飯後可以血拼。」

「血拼不是廣東道?」

「我想看數碼產品。」

「OK，我訂檯。」

「那今晚見，我去找 Grace。」

「Athena，不如去翻上次間果韓國野囉?」

「是旦。」

雖然女神 Athena 啲回答未試過超過三個字，不過今晚可以同佢食飯我已經好開心，依家心情就好似當初追佢果時咁，只要畀小小機會我接近佢，我已經興奮好耐。

反正冇野做，我成個下晝都係計劃今晚食乜，講咩話題，搞咩爛 gag，有咩唔講得。

唔講得當然係人渣 Simon，不過 Lucy 嚮度好難避免提起佢，果然未食到一半已經講起...