引用:
原帖由 ak58619 於 2014-8-7 01:03 PM 發表 
一直見你貼文,其實幾支持你,只係你d文,,,,,,,,,,,,
下面係批評既,如果你唔受得,就當自己時運高啦
......只係你d文真係又長又悶,唔下下講插插屌屌唔係唔得,問題係你講意淫又冇果個意境,咸又唔係,唔咸又 ...
AK兄，純討論，唔係盲撐作者啊。
其實，呢度好多馬雲嘅讀者，係畀佢文章入面「抵死啜核」嘅風格吸引住。即係話驚喜處處，估佢唔到，而且麻甩得有共鳴，呢啲對於我嚟講，都係「意境」。
可能你嘅閱讀口味比較唔同，心入面渴求緊嘅係另一樣嘢，但又有少少位畀馬雲嘅筆風「掹住扯住」，所以先會睇得唔夠過癮，但又下下追落去者。
我反而有興趣知道，AK兄鍾意讀邊一種作品呢（指此版）？可以提出具體例子嘛？
至於長，我諗你嘅意思唔係每一集嘅篇幅長，而係寫得太多集，而差唔多集集都無咸嘢，所以覺得又悶又長啩？其實，我覺得「X + Y」已經幾咸，咸在「意境」，唔係「實景」啊。馬雲兄上面講到嘅「人到境界自然明」，就係呢個意思。
會唔會係AK兄本身都唔係幾夠咸呢？哈。
