如果你撞返廿年前性侵過你既人.............
如果你撞返廿年前性侵過你既人.............你會點?
今晚真係晴天霹靂呀~返屋企搭LIFT,竟然撞到廿年前 性侵過我既男人, 佢當然唔認得我啦. 果陣我先至係得13-14歲左右. 我一見到佢個死人樣就認得佢啦. 化左灰都認得佢呀真係, 果陣細個住屋村. 有晚俾佢捉左去公園仔迫我同佢口交. 事後我嘔左好耐, 返到屋企都唔敢同人講. 又驚又覺得好污糟. 隔左好多年. 以為忘記左啦. 點知今晚竟然俾我撞到佢. 佢同老婆一齊. 手抱住個應該係岩岩出世晌醫院抱出黎既BB, 我估佢可能係搬左黎我坐大廈, 即係以後都可能再撞到佢. 天呀~我真係好想一巴星過去佢度, 再狠狠的打佢一餐. 不過眼見佢抱住個BB我又做唔出.
