一夜狂歡

引用:

原帖由 一夜狂歡 於 2020-4-14 03:11 發表
面對朋友嘅挑戰，我即時反駁道:我冇乜地方得罪你喎！你唔係想起我尾注係嗎？有冇聽過朋友妻不可窺呀！我正在風頭火勢當中，你揾第二件都唔好揾我嗰件啦，唔好咁冇義氣好喎。朋友笑笑口道:我淨係知道朋友妻執死雞，況且佢既唔係你老 ...

可能係又夜又攰，一撻落床就即刻瞓着，完全冇較到起身時間，一覺瞓到第朝自然醒，發覺成間房黑麻麻，窗簾被人拉埋晒，夜燈被人熄埋，隔離床條友唔見人，一定係有人想我唔知醒瞓過籠，心諗呢次大L鑊，一睇時間，竟然係接近九點，足足比預定時間遲咗兩個鐘，冇喇呢次，實俾人截咗糊，於是求其梳洗一輪就衝落餐廳，了解下乜嘢環境，睇下挽唔挽得番，落到餐廳，但見條友一條冷喺度享用緊佢早餐，慢條斯理，悠然自得，面上似乎流露出滿滿嘅自信，咁我梗係自己坐開啦，費事同條衰人坐埋一齊，另外對色慾男女都仲未見人，男嘅遲早精盡人亡收場，最緊要睇下我嘅小嫻喺邊度先，只見着住工作服嘅小嫻滿場飛，一貫保持住佢有禮，誠懇同勤力嘅工作態度，淨係呢一點已經令我再一次被佢深深吸引住，不能自拔，我趁住出去攞嘢食嗰陣同佢打個招呼，再想問佢安排咗之後行程未，點知佢答:真的不好意思小林，我現在很忙，不能跟你聊太久，後面主管還在盯着我們做事，我晚一點再告訴你好嗎？咁樣佢就行咗開去，我可以理解嘅，都係工作緊要，兒女私情慢慢傾啦！

一夜狂歡

引用:

原帖由 一夜狂歡 於 2020-4-15 03:07 發表
可能係又夜又攰，一撻落床就即刻瞓着，完全冇較到起身時間，一覺瞓到第朝自然醒，發覺成間房黑麻麻，窗簾被人拉埋晒，夜燈被人熄埋，隔離床條友唔見人，一定係有人想我唔知醒瞓過籠，心諗呢次大L鑊，一睇時間，竟然係接近九點，足足比預定時 ...

果然不出所料，喺我缺席情況底下，只不過用咗短短兩小時時間，我嗰位無義氣朋友就將小嫻氹掂咗，兩人互動頻密，小嫻經常利用收拾餐具機會，與我朋友密密交談，細聲講細聲笑，真係一個碗又收一隻碟又收，不停地喺我朋友周邊車輪咁轉，朋友利用佢口甜舌滑嘅本領，將小嫻氹得笑逐顏開，春風滿面。面對此情此景，我只顯得一籌莫展，只怪自己技不如人，冇得好怨，而小嫻除咗初初同佢打過一次招呼之外，其餘接觸機會等於零，睇怕成為棄卒機會大於一切，嘗試走上前向小嫻問個究竟，是否仲有後續機會，小嫻顯得不耐煩，敷衍講咗兩句，話之後兩日都好唔得閑就滾水淥腳走咗去，敗局已成已經無心戀戰，諗住離開餐廳返房執拾行李之際，嗰對色慾男女就落到嚟食早餐，兩人睇落仍然精力充沛仲好生猛，連日連場大戰睇嚟對佢地絲毫無損，戰鬥力實在驚人，我懷疑條友都唔知係咪揾咗偉哥仔幫手先至有咁嘅表現，而佢條女今日著套衫先知道擁有勁爆身材，我坐喺佢對面都感覺到有好大壓逼感，令人透唔過氣。

一夜狂歡

引用:

原帖由 一夜狂歡 於 2020-4-19 02:54 發表
果然不出所料，喺我缺席情況底下，只不過用咗短短兩小時時間，我嗰位無義氣朋友就將小嫻氹掂咗，兩人互動頻密，小嫻經常利用收拾餐具機會，與我朋友密密交談，細聲講細聲笑，真係一個碗又收一隻碟又收，不停地喺我朋友周邊車輪咁轉，朋友 ...

色慾男女好生奇怪，猛問係咪你地兩兄弟輪流上個台灣妹，琴日你今日就佢，於是我將條友點樣撬我牆腳娓娓道來，睇唔出色慾女除咗做愛了得之外，原來為人都好有義氣，好唔抵得條友監粗奪人所愛，二話不說就即刻上前向條友訓斥一番，為我出番一口氣，條友不料色慾女有此一着，俾佢鬧到面懵懵唔識回應，我好多謝有人為我出頭令到我條氣順番好多，於是我即刻向佢道謝話:好多謝妳拔刀相助，估唔到妳除咗身材好之外仲好有義氣！我好欣賞。色慾女瞟咗我一眼就話:嘿！幫咗你仲要俾你攞便宜，你都好玩嘢喎！咁你係欣賞我為人吖，定係欣賞我身材咁呀？我就答:我兩樣都咁欣賞！嘻嘻！旁邊色慾男感覺到我同佢女友嘅對話有啲過咗火位，即刻cut斷就話:喂阿林仔，講嘢有啲分寸好喎，點解我唔覺你失戀好傷心嘅，仲同我女友一唱一和，合帕到旁若無人咁喎！你係咪玩嘢呀！見朋友開始呷醋就梗係知難而退啦，臨走前再一次走上去同小嫻道別，另外再奉勸佢話:小嫻！勸妳不要跟我這個朋友走得太近，他在香港已經口若縣河，很會撩妹，跟妳一起目的不會太單純，妳要小心！小嫻不以為然答道:怎麼啦！你是在妒忌他嗎？你也不單純吧！跟他聊天很舒暢，有一種如沐春風的感覺，你是做不到的，好啦！就這樣，散了吧！俾小嫻噴到一面屁之後，唯有死死地氣獨自上房執拾行李。

一夜狂歡

引用:

原帖由 一夜狂歡 於 2020-4-20 02:35 發表
色慾男女好生奇怪，猛問係咪你地兩兄弟輪流上個台灣妹，琴日你今日就佢，於是我將條友點樣撬我牆腳娓娓道來，睇唔出色慾女除咗做愛了得之外，原來為人都好有義氣，好唔抵得條友監粗奪人所愛，二話不說就即刻上前向條友訓斥一番，為我 ...

今日係台灣之行嘅第三日，預定下午一點坐高鐵往台南遊玩，高雄難忘之旅亦正式結束，冇着落就唯有跟番大隊啦，好彩色慾女而家同我關系唔錯，如果唔係餘下行程都幾悶下，係色慾男開始對我有戒心，不可不防！我地大家行李都執到七七八八，唯獨條冇義氣朋友仲未見人，唔知去咗邊又唔知溝掂小嫻之後會唔會留低，話時話唔跟大隊要另外再俾高鐵錢同酒店錢，都幾傷下㗎，我就慳番唔少，嘗試走落餐廳揾但都係唔見人，短時間內就要交房點算好呢！好在見到小嫻就問佢:小嫻！妳新男朋友在哪？我們在找他呢！小嫻面露不悅之色答:你是在調侃我嗎？甚麼時候他成了我，還是新的男朋友啦？你真他媽的無賴，是酸葡萄作崇嗎？慘！激嬲小嫻動真格，唯有向佢道歉:小嫻對不起！是我不好用詞不當，請原諒！你可以告訴我他在哪嗎？小嫻半帶不忿答道:你朋友比你貼心多啦，他說要出去買禮物送給我，行嗎！嘩！條友肯落本喎，呢趟實聽大出血，精就唔知有冇得出，如果我係小嫻實鋤佢一筆，我答:謝謝妳！麻煩妳他回來以後叫他快點上去找我們。

一夜狂歡

引用:

原帖由 一夜狂歡 於 2020-4-21 03:23 發表
今日係台灣之行嘅第三日，預定下午一點坐高鐵往台南遊玩，高雄難忘之旅亦正式結束，冇着落就唯有跟番大隊啦，好彩色慾女而家同我關系唔錯，如果唔係餘下行程都幾悶下，係色慾男開始對我有戒心，不可不防！我地大家行李都執到七七八八 ...

小嫻繼續答道:其實不用麻煩，我跟你朋友已經約會好，今天還會在高雄多住一晚，你們不用等他，稍後他會再跟你們聯繫，你們自己出發吧！聽見小嫻咁講，個心即時跌落谷底，係前所未有咁失落，再問小嫻你地去邊？佢就答:節目蠻豐富的，下班後我們會到愛河旁邊一家高級餐廳共晉晚餐，餐後會到愛河附近散步，再會坐船暢遊愛河，哎呀真的充滿詩情畫意，我很喜歡，之後我們會去KTV唱歌，你朋友說他唱歌很在行很好聽，是真的嗎？我很期待耶！你朋友還說要我帶他去酒吧喝酒聊天，好呀！我也這樣想。講到呢度我答道:小嫻妳要小心，晚上那麼晚還要去喝酒，酒後胡塗，很容易出事.的，我朋友是不太正經的人，妳女孩子很吃虧的。小嫻答:笑話！我是這樣容易被騙的嘛？我做事一向很有分寸，成功與否就要看你的表現嘍！小林你不是這種人，你打動不了我的。俾小嫻再串多一次之後，我開始心死，不如收拾心情，玩埋嗰兩日算啦！有機會或者同色慾女玩下噯眛都幾過㽼㗎！

一夜狂歡

引用:

原帖由 一夜狂歡 於 2020-4-28 03:24 發表
小嫻繼續答道:其實不用麻煩，我跟你朋友已經約會好，今天還會在高雄多住一晚，你們不用等他，稍後他會再跟你們聯繫，你們自己出發吧！聽見小嫻咁講，個心即時跌落谷底，係前所未有咁失落，再問小嫻你地去邊？佢就答:節目蠻豐富的，下班後我 ...

同色慾男女一齊食完個台灣地道牛排餐之後，就開始搭上高鐵向台南進發，色慾男勤操夜練，有出冇入，搞到體力透支過甚，未開車已經攰到瞓着咗，色慾女冇人理睬十分冇㽼，轉而向我打主意就話:小林！好鬼悶呀！不如我坐過嚟，你陪我傾計呀！得唔得呀？我答:妳條仔近日唔係好妥我喎，妳話呢！我未講完色慾女已經坐咗埋嚟，梗係開心啦！佢就話:條友瞓到成隻死豬咁，去到台南都未必醒，你可以放心啦！我有少少緊張就話:睇下妳！搞到好似同妳偷緊情咁，有啲刺激喎！色慾女眼神帶點媚態話:點呀！你驚呀？咁我坐番過去算喇！機不可失我即刻話:梗唔會啦！有個樣靚身材正嘅索女坐我隔離陪我傾計，幾有face呀！真係恨都恨唔到，羨慕死隔離呀！仲有，未知妳叫乜名？色慾女有啲冧冧地就答:叫我Amy啦！真係估唔到你都幾吹得喎！我乘機玩下野話:我吹得？妳仲吹得啦！嘿嘿！色慾女不甘示弱:你又知我吹得？我吹過你咩？你幾時俾我吹過呀！講嚟聽下！Amy一路講一路帶住淫笑，搞到我心猿意馬，即時起咗反應，一時間搭唔上咀，Amy得勢不饒人繼續話:點呀！唔玩喇！完㗎喇？睇下你條褲，越着越緊喎，就嚟頂唔住啦，等我幫下你啦！你話我好吹得嘅，不如我即場幫你吹爆佢啦！Amy越講越大聲，仲作勢幫我拉開褲錬。Amy如斯行為嚇到我即刻截住佢就話:Amy唔好再玩啦，我投降啦！妳咁大聲想我死咩，萬一嘈醒你條仔俾佢見到，我實好唔得掂，實俾人斬開九碌。

一夜狂歡

引用:

原帖由 一夜狂歡 於 2020-5-6 03:26 發表
同色慾男女一齊食完個台灣地道牛排餐之後，就開始搭上高鐵向台南進發，色慾男勤操夜練，有出冇入，搞到體力透支過甚，未開車已經攰到瞓着咗，色慾女冇人理睬十分冇㽼，轉而向我打主意就話:小林！好鬼悶呀！不如我坐過嚟，你陪我傾計呀！得 ...

色慾女Amy得勢不饒人，繼續玩:點呀小林！咁快就收工喇？我啱啱先熱完身，仲未玩夠喎！你冇啲持久力嘅，到喉唔到肺，滿足唔到我喎，搞到我半天吊，點算呀！我唔制呀！Amy語帶相關嘅遊戲越玩越勁，完全收唔到科，我由最初嘅享受變成驚恐萬分，我說:Amy，我真係怕咗妳，唔好再玩喇，妳條仔就喺我地前面，萬一佢已經醒咗聽到啲咁露骨嘅內容，誤會我地已經搭上咗，妳話點算！妳同我都唔掂。Amy挾住勝利者姿態笑笑口同我講:乜你知驚嗱！之前唔係好勇猛咩！搞起個頭又唔識收，有色心冇色胆，妳連條台灣妹都搞唔掂，有咩本事搞得掂我呀！真係冇鬼用。就咁樣你一言我一語，最後攰得滯連Amy都瞓着埋，原本諗住Amy瞓着就一天光晒，可怕嘅係條女係瞓喺我隔離，而台南又就嚟到，呢下真係唔知點解釋。

一夜狂歡

引用:

原帖由 一夜狂歡 於 2020-5-8 03:25 發表
色慾女Amy得勢不饒人，繼續玩:點呀小林！咁快就收工喇？我啱啱先熱完身，仲未玩夠喎！你冇啲持久力嘅，到喉唔到肺，滿足唔到我喎，搞到我半天吊，點算呀！我唔制呀！Amy語帶相關嘅遊戲越玩越勁，完全收唔到科，我由最初嘅享受變成驚恐萬分，我說: ...

色慾女Amy早唔瞓遲唔瞓，去到就快到站先至瞓，仲係瞓喺我隔離，真係多得佢唔少，為免瓜田李下水洗唔清，於是盡量嘗試叫醒佢坐番原位，但冇用，剛瞓着又邊叫得醒呀，好彩情急智生，諗到不如自己坐上去頂檔，果然不出所料，坐低冇耐列車廣播即將到站，人聲開始鼎沸，色慾男亦都被人嘈醒咗，一見我喺隔離即刻問:搞乜鬼係你呀！Amy呢？我開始作故仔:你條女話你掛住瞓唔陪佢好鬼悶，就叫我同佢換我個窗口位俾佢睇風景。色慾男半信半疑下望向後面，見Amy瞓着咗但唔係窗口位，就即刻再問:喂！佢唔係坐窗口位喎！點解呀？我俾佢問到有啲起火就話:關我叉事呀！我都係啱啱瞓醒，佢後面坐邊個位，與我何干！同條麻煩友講冇幾耐，台南站就到咗啦！Amy仲係未醒，於是我同色慾男一齊連拉帶扯，將Amy夾硬扯起身準備落車，點知人算不如天算，Amy半夢半醒下發開口夢講咗句:小林唔好停呀！我仲要玩呀！呢次真係大L鑊！Amy發夢都叫住我個名，但見色慾男即時變臉，塊面仲黑過鑊燶。

一夜狂歡

引用:

原帖由 一夜狂歡 於 2020-5-14 03:12 發表
色慾女Amy早唔瞓遲唔瞓，去到就快到站先至瞓，仲係瞓喺我隔離，真係多得佢唔少，為免瓜田李下水洗唔清，於是盡量嘗試叫醒佢坐番原位，但冇用，剛瞓着又邊叫得醒呀，好彩情急智生，諗到不如自己坐上去頂檔，果然不出所料，坐低冇耐列車廣播 ...

Amy如夢初醒知道唔小心講錯嘢，唯有扮唔知濛混過關，色慾男一反常態十分沉默，靜到有啲得人驚，而三個人一路都好靜侷，直至到去到計程車站，我不以為然，第一個上咗架車後座，冇考慮到會將色慾男女分開咗，色慾女Amy好快又第一時間坐上埋後座，咁就得番前座留俾色慾男，呢次我又衰一鑊，諗住讓座俾番佢同Amy坐，點知喺自尊心作祟底下，色慾男堅拒接受讓座，然後嬲爆爆咁坐上前座，仲大力閂門以表憤慨，計程車司機面露不悅之色回應:幹嘛！你需要這樣子大力關門嗎！色慾男啋佢都儍表現毫不在乎咁，結果惹來司機講咗一連串唔慌係好野嘅台語來回應，而Amy同我就喺後面互有交流，有說有笑，渾然忘記醋男就喺前面，色慾男全程就經倒後鏡嚟昅實我地，所以人真係衰開有條路，酒店就到咗喇，色慾男坐前面仲要俾埋的士錢，兼且臨落車前再俾司機串多鑊話:很少看見香港人像你這樣沒有禮貌！死嘞！色慾男谷埋谷埋滿腔怒火無從發泄，你話點算！除咗心入面肯定吊到我七彩之外，可能仲會對Amy有所行動，於是我就同Amy講:小心呀！妳條仔今日全身火噴噴，唔係人咁品！小心俾佢辣著！Amy好串咁回答:佢敢！我都唔係食素㗎，我驚佢乜嘢呀，我驚佢一坐就爆咋！

一夜狂歡

引用:

原帖由 一夜狂歡 於 2020-5-16 03:46 發表
Amy如夢初醒知道唔小心講錯嘢，唯有扮唔知濛混過關，色慾男一反常態十分沉默，靜到有啲得人驚，而三個人一路都好靜侷，直至到去到計程車站，我不以為然，第一個上咗架車後座，冇考慮到會將色慾男女分開咗，色慾女Amy好快又第一時間坐上 ...

今日台南住喺一間叫愛發達商務旅館，奇怪柜台唔喺地下而係喺7樓，色慾男怒火尚未消退，只係坐喺梳化，咁順理成章由我同Amy去辦入住手續，真係好又可以同佢一齊。柜台小姐話:你們訂了兩間雙人房，一間是一張雙人床而另一間是兩張單人床，我幫你們安排兩個房間相連的，可以方便一些。我就即刻搭咀話:兩個房間可以安排不同樓層或者離開遠一點嗎？Amy好生奇怪就問:你儍㗎！難得痴埋隔離，去邊度揾！我答:你兩條友前晚成晚殺聲震天，尤其妳把聲，銷魂蝕骨，我實在頂唔順，無從發泄，都係行遠啲好。Amy笑淫淫話:咁慘呀小林，有冇谷壞你呀！要唔要我補償番俾你呀？話口未完柜台小姐答話:不好意思先生，查過暫時未有其他同類型的空房間，不換可以嗎？冇就唯有接受啦，小姐開始交鎖匙就話:你們兩位是雙人床的一間，另外鎖匙是你的朋友的。小姐嘅說話令我喜上眉梢就同Amy講:Amy我好開心呀！今晚可以同妳同房同床同妳瞓埋一齊呀！Amy話:死仔！玩嘢呀！你就想呀！問過邊個先啦。