一夜狂歡

引用:

原帖由 一夜狂歡 於 2020-5-19 03:22 發表
今日台南住喺一間叫愛發達商務旅館，奇怪柜台唔喺地下而係喺7樓，色慾男怒火尚未消退，只係坐喺梳化，咁順理成章由我同Amy去辦入住手續，真係好又可以同佢一齊。柜台小姐話:你們訂了兩間雙人房，一間是一張雙人床而另一間是兩張 ...

Amy 突然之間變得咁認真令人有啲唔慣，佢接著講:唔好再玩喇，你望下後面，有人昅實我地喇！唔得醒嘅。我一望後面，果然，條友牛咁眼望實我地，唯有收聲啦，費事再火上加油，跟住大家就去攞房，睇住Amy同條仔入房閂門，有種俾人搶咗女朋友嘅感覺，自己形單影隻一條友入房，真係好失落，冇幾耐色慾男call我，話約我三點半喺酒店大堂等，再出外面玩同食嘢，我見仲有成個鐘，就準備瞓一陣，再睇下隔離有乜動靜，今日佢地好乖喎，冇做任何愛情動作喎，突然門口有人撳鐘，我開門一睇，真係喜出望外，原來係Amy駕到，我問:乜咁好呀！想侈情別戀同我一間房呀！Amy答:咪玩啦！我趁條友爆石偷偷地走過嚟同你講，你今日激得佢好嬲，佢準備放你飛機，你唔駛等我地，食自己得喇，話埋俾你聽，我地第一站會去食章章牛肉湯，然後就上安平古堡，你自己執生啦！我要過番去喇，佢唔知㗎！

一夜狂歡

引用:

原帖由 一夜狂歡 於 2020-5-20 03:13 發表
Amy 突然之間變得咁認真令人有啲唔慣，佢接著講:唔好再玩喇，你望下後面，有人昅實我地喇！唔得醒嘅。我一望後面，果然，條友牛咁眼望實我地，唯有收聲啦，費事再火上加油，跟住大家就去攞房，睇住Amy同條仔入房閂門，有種俾人搶咗女朋友嘅 ...

見Amy轉身走人我即刻嗌住佢:Amy唔好走住啦，我問妳晚飯點呀？Amy答:唔駛諗，時間都唔早，好難再約，食自己算啦！我有啲失望就話:咁我咪成日見唔到妳？我會好失落㗎！妳呢？Amy帶點無奈就話:算啦！我地本來就唔識㗎啦，萍水相逢，有得玩就玩啦！唔同你講喇，要返去交人。望住Amy背影，真係唔捨得佢，無法啦，始終係朋友妻，唯有放下心情瞓番陣，一陣再出動，Amy冇講錯，瞓低冇耐就聽見隔離閂門聲，應該係佢地出去嘞，條友果然賣甩我，好彩Amy對我好暗中通知我，否則有排搞，算啦！咪當俾人發泄下囉！小休一輪之後開始出發，第一站搭的去食章章牛肉湯，順便睇下碰唔碰到Amy佢地，只見章章係分開左右兩間舖，左邊嗰間排晒長龍打蛇餅，右邊嗰間反而冇人排，咁我就行過去睇下乜野環境，正想問一個貌似店長嘅男人駛唔駛排隊，佢反問:你是一個人嗎？我說:是！只有我自己一個，要排隊嗎？男人好爽快話:算了！不用排，一個人好辦，跟我來！你就坐在最旁邊，跟其他人擠在一起吧！咁就梗係求之不得啦，慳番唔少時間，呢一餐我叫咗一碗著名嘅牛肉湯加肉燥飯，再一客青菜，真係好好味兼飽到上心口，食完埋單就順便行過隔離，睇睇色慾男女仲喺唔喺度。

一夜狂歡

引用:

原帖由 一夜狂歡 於 2020-5-26 03:08 發表
見Amy轉身走人我即刻嗌住佢:Amy唔好走住啦，我問妳晚飯點呀？Amy答:唔駛諗，時間都唔早，好難再約，食自己算啦！我有啲失望就話:咁我咪成日見唔到妳？我會好失落㗎！妳呢？Amy帶點無奈就話:算啦！我地本來就唔識㗎啦，萍水相逢，有得玩就玩啦 ...

離遠望過去，條龍好似水蛇春咁長，都唔知搞乜鬼，人多到咁條路又窄，都費事走過去，點知離遠有人嗌住我:小林小林！喺呢度呀！過嚟啦！一睇原來係Amy佢地，於是走過去了解一下，我問:你地竟然仲排緊隊！等咗好耐呀！Amy話:原來間舖今日晚市唔開，所以谷埋好多人同一時段嚟，仲有間嘢有人話開門係無定向風，隨時唔開門都得㗎！後面條龍咁長

一夜狂歡

引用:

原帖由 一夜狂歡 於 2020-5-29 02:58 發表
離遠望過去，條龍好似水蛇春咁長，都唔知搞乜鬼，人多到咁條路又窄，都費事走過去，點知離遠有人嗌住我:小林小林！喺呢度呀！過嚟啦！一睇原來係Amy佢地，於是走過去了解一下，我問:你地竟然仲排緊隊！等咗好耐呀！Amy話:原來間舖今日晚市唔 ...

Amy接住話:小林一齊排啦，好快到我地㗎喇！色慾男不以為然道:Honey唔係喎 ！正話阿姐先幫我地預訂咗兩人份餐，而家無喇喇加多個人，睇怕應該唔得㗎！林仔你都係排番後面算啦！見色慾男有意排斥我，Amy馬上幫口話:等陣加點咪得囉，點解要佢重新排過啫，等得嚟都食晚飯啦！色慾男老不願意嘅態度令Amy有啲扯火，為免佢地鬧交收場我就話:Amy真係好多謝妳肯幫我，有妳呢個朋友好夠運，不過其實我啱啱先至食完行出嚟，嗰邊個老板好好人，唔駛我排隊。Amy大感意外乘機串咀就話:小林你好叻啊！早知跟你好過啦！要自己條女等咗成粒鐘仲未有得食，真係冇鬼用！Amy呢句說話串到色慾男應一應。一時間氣温急速上升，咁我想甩身就問:係咪跟住就去安平古堡㗎？不如我行先喇！我呢句說話再次激嬲色慾男，佢質問我:你點知我地行程㗎？邊個話你知㗎？來勢凶凶底下，我無言以對，Amy即時出手相助回應:係我睇唔過眼爆响口嘅，點呀，唔順呀！嘩！大戰即將爆發，冇諗過會咁大鑊，於是借啲意話自己行先就即刻鬆人，諗落Amy對我真係好，處處維護我，從未試過有一個女仔咁樣對待我，外表睇落咁花弗水性，原來係咁真性情嘅，真係好唔捨得佢，可惜佢係人地女朋友！

一夜狂歡

引用:

原帖由 一夜狂歡 於 2020-5-30 03:55 發表
Amy接住話:小林一齊排啦，好快到我地㗎喇！色慾男不以為然道:Honey唔係喎 ！正話阿姐先幫我地預訂咗兩人份餐，而家無喇喇加多個人，睇怕應該唔得㗎！林仔你都係排番後面算啦！見色慾男有意排斥我，Amy馬上幫口話:等陣加點咪得囉，點解 ...

自己一條友上咗安平古堡周圍逛，預咗Amy佢地都唔會嚟，不如睇下啲台灣歷史打發時間，果然冇耐，Amy傳短訊來話:為咗你同條仔冷戰緊，食完嘢唔過嚟喇，會返酒店，再約啦。知道佢地唔嚟咁我就行多一陣先返去，喺回歸途中車上面，Amy又send短訊比我話:小林救命呀！條死仔好鬼賤好小器，粒聲唔出自己走咗去，唔知去咗邊，你快啲返嚟陪我啦，我好驚呀！哈哈！天大喜訊，條儍佬真係蠢，變相自動將Amy推俾我，今晚有着落喇，唔駛孤家寡人一個。我回覆Amy話:女神叫到，豈敢不從，返緊嚟喇，想約妳今晚食海鮮，賞面嗎？Amy好搞嘢話:仲食海鮮呀！你谷咗咁多晚，小心谷爆喎，駛唔駛揾人幫你呀？咁鬼馬我就答:要喇要喇，咁揾邊個幫我啫？Amy話:咁就梗係揾番酒店入面嗰個幫你啦，肥水不流別人田，益番自己人嘛！

一夜狂歡

引用:

原帖由 一夜狂歡 於 2020-6-2 03:48 發表
自己一條友上咗安平古堡周圍逛，預咗Amy佢地都唔會嚟，不如睇下啲台灣歷史打發時間，果然冇耐，Amy傳短訊來話:為咗你同條仔冷戰緊，食完嘢唔過嚟喇，會返酒店，再約啦。知道佢地唔嚟咁我就行多一陣先返去，喺回歸途中車上面，Amy又send ...

真係快樂不知時日過，同Amy flirt冇幾耐酒店就到咗嘞，於是我好快衝上去問個究竟，Amy一開門就同我講:小林妳真係好，肯番嚟陪我，天開始黑喇，我自己一個喺房好驚呀！我乘虛而入就話:妳咁細胆㗎！嚟呀，過嚟攬實我呀！等我幫妳定下驚啦！仲有妳話嗰個可以幫我嘅自己人，係咪就係妳自己呀？Amy聽完我講之後，表情變得有啲認真就話:小林你好天真，估唔到你逢場作戲玩下嘢都當真，喺我條仔間房，喺佢張床，同佢條女做愛，你都幾搞嘢喎，你夠胆嘅話我俾次機會你，免費醒你一餐，唔好等喇就而家，即刻上床同我做呀！我俾Amy講到不知如何是好，唔知點回應，Amy再話:點呀小林，你怯呀！唔好話我話你，睇怕你連起頭都有困難，就算我幫你吹硬佢嚟做，最驚做做下有人喺外面撳鐘，分分鐘嚇到你心臟病發變馬上風，到時你真係柒出台灣！

一夜狂歡

引用:

原帖由 一夜狂歡 於 2020-6-3 02:25 發表
真係快樂不知時日過，同Amy flirt冇幾耐酒店就到咗嘞，於是我好快衝上去問個究竟，Amy一開門就同我講:小林妳真係好，肯番嚟陪我，天開始黑喇，我自己一個喺房好驚呀！我乘虛而入就話:妳咁細胆㗎！嚟呀，過嚟攬實我呀！等我幫妳定下驚啦！仲 ...

原本以為同Amy相處一室會好興奮開心，點知換來指責與嘲諷，實在始料不及，心情好快就由山頂直落谷底，眼神就由渴望變為逃避，唔敢直望Amy,我係無言以對，沉寂嘅氣氛維持咗成分鐘，Amy察覺到我失落嘅表情，知道語氣太重，傷咗我自尊心，似乎開始想緩和番啲氣氛就同我講:小林！我講嘢直接咗啲，hurt到你令你難受，真係唔好意思。見Amy有少少投降我隨即帶上一句:人地原意係見妳担心自己一個喺房，所以都儘快趕返嚟陪妳，點知會變成咁，我都唔知點解！Amy放心啦！點都係我唔啱在先嘅，我同妳講句對唔住！我把握呢moment，駛出一招以退為進，務求反客為主可以翻盤逼降Amy，招數似乎生効，佢眼神已經冇之前咁凌厲，柔和咗好多，睇嚟今晚Amy基於內疚原因可能對我有所補償都未定，我同Amy講:唔知妳條仔幾時返，我留喺妳間房唔係好妥，反而妳過嚟我間房仲有得避，妳放心啦！俾妳省咗一輪而家我好驚，我會循規蹈矩㗎喇！Amy諗咗一陣就話:好嘞，你都講得啱嘅，咁你過番去先啦，轉頭我過嚟。

一夜狂歡

引用:

原帖由 一夜狂歡 於 2020-6-4 04:02 發表
原本以為同Amy相處一室會好興奮開心，點知換來指責與嘲諷，實在始料不及，心情好快就由山頂直落谷底，眼神就由渴望變為逃避，唔敢直望Amy,我係無言以對，沉寂嘅氣氛維持咗成分鐘，Amy察覺到我失落嘅表情，知道語氣太重，傷咗我自尊心，似 ...

正想出房門，Amy就叫番我轉頭，佢話:咪行得咁快啦！我有啲野送俾你。嚟手就喺柜桶取出一個酒店信封交俾我，個信封封咗口，撳落入面有硬咭紙仲軟軟地，我問Amy入面係啲乜嘢，佢話:唔好問咁多，留番今晚番嚟先拆，到時你咪知咯，呢樣禮物之前已經準備好，你肯番嚟陪我我先送，唔肯就冇㗎喇！向Amy講完多謝跟住佢都同我入埋我間房，又同佢約定半小時後出發去食海鮮晚餐，問佢條仔點算，Amy扯晒火就話:條衰仔都離晒譜，失蹤咁耐電話都冇個，家陣唔駛理我玩性格啦，真係想打柒佢，好彩而家有你林哥仔陪我啫，唔駛我一個咁孤單。講完我乘機入位就話:妳睇下我對妳幾好，第一時間衝番嚟陪妳，驚妳唔開心！唔似得有啲人冇啲憐香惜玉之心，唔識得珍惜好嘅野。但係可惜吖！我對人好係冇用㗎，人地不單只唔領你情，仲將你批評到體無完膚兼無地自容，真係悲哀！呢記借力打力功夫果然有效，搞到Amy鬼咁唔好意思，仲有少少羞愧，開始對我作出補償，佢話:小林！正話真係唔好意思，我把口太衰傷害到你，我想補償番俾你，我決定今晚成晚都陪你，直至返到酒店為止，你鍾唔鍾意呀！我接著答:梗係鍾意啦有美相伴，求之不得呀！我好心急呀，幾時出發啫？Amy諗咗一陣話:就而家啦，費事等條友！

一夜狂歡

引用:

原帖由 一夜狂歡 於 2020-6-10 04:39 發表
正想出房門，Amy就叫番我轉頭，佢話:咪行得咁快啦！我有啲野送俾你。嚟手就喺柜桶取出一個酒店信封交俾我，個信封封咗口，撳落入面有硬咭紙仲軟軟地，我問Amy入面係啲乜嘢，佢話:唔好問咁多，留番今晚番嚟先拆，到時你咪知咯，呢樣禮物之 ...

我問Amy:妳係咪肯定㗎，唔好後悔喎！駛唔駛call下佢呀？Amy語氣堅定答:睬佢都有味，飛甩我仲要氹番你呀！咁你咪好大，唔駛諗，即刻出發！我不禁流露出會心嘅微笑，心諗色慾男你都有今日，發埋啲醋脾氣變相推咗Amy俾我，真係多謝挾承惠，唔知点感激你先好，我自私啲諗最好你地再炒大鑊啲兼且分埋手，咁我就順理成章可以坐正，得到呢件性格可愛嘅性感尤物，真係短幾年命都制，諗到入晒神差啲流晒口水之際，Amy拍醒我話:喂你定晒格做乜鬼呀！又唔知喺度諗埋啲衰野！我答:乜衰野！我發夢都諗唔到竟然可以同一個樣靚身材正嘅女神共晉晚餐，簡直係我畢生嘅榮耀。Amy聽到笑逐顏開就話:你有冇再誇啲呀！想氹死人咩小林！乜你口花成咁㗎！Amy嘅表情顯出佢非常受落，於是我再去馬話:妳條仔唔識珍惜好野，俾着我我會將妳當白雪公主一樣咁寵愛，一定唔會俾妳受冷落。

一夜狂歡

引用:

原帖由 一夜狂歡 於 2020-6-10 23:39 發表
我問Amy:妳係咪肯定㗎，唔好後悔喎！駛唔駛call下佢呀？Amy語氣堅定答:睬佢都有味，飛甩我仲要氹番你呀！咁你咪好大，唔駛諗，即刻出發！我不禁流露出會心嘅微笑，心諗色慾男你都有今日，發埋啲醋脾氣變相推咗Amy俾我，真係多謝挾承惠，唔知 ...

一輪攻勢之下，Amy似乎變得好迷茫，佢話:小林唔好再氹我喇，唔知你係有心定無意，再落去我驚我會做錯事。我問佢:做錯事！做錯乜野事呀？Amy露出蠱惑眼神道:小林唔好喺度份純情喇，心照啦！無論點樣都好，你對我幾好嘅，唔同你講住喇，我要過隔離換衫。我問佢點解仲要換衫，身上嗰套冇問題吖，Amy話:日日牛仔褲，着都着到悶，轉頭過嚟！好快Amy已經換好衫返嚟，今次係輕便裝上陣，上身係一件短身少少低胸露腰白色T-shirt，下身嗰件不可不提，係一條N牌嘅全貼身黑色legging褲，乖乖不得了，胸前兩座大山將件T拉高不少，小蠻腰盡現眼前，條legging更將佢玲瓏浮凸渾圓富彈力嘅下半身表露無遺，前面敏感地帶仲係貼到實一實，令人產生無限瑕想。我忍唔住即刻話:Amy姐，妳想攞我命咩，我就嚟爆血管啦！Amy話:誇張！點呀！靚唔靚呀？鍾唔鍾意呀？我答:超靚，超sexy，我超鍾意呀！再睇下妳後面，咦！唔見條底褲邊喎！莫非入面嗰條係T-乜乜，可唔可以俾我睇下！Amy嘟起咀話:你就想喇咸濕佬！我着T-back關你叉事呀！你係我邊個呀！我接住話:做妳條仔真係幸福，乜嘢福利都享受晒，我連望一眼嘅機會都冇，好慘呀！Amy話:係呀！佢鮑魚海鮮大餐乜都食勻晒，你呀，蝦仔都冇條你食呀！抵你嘅！