一夜狂歡

引用:

原帖由 一夜狂歡 於 2021-5-1 08:09 發表
講講下又有一個阿嬋走埋嚟，佢話:哈你個死老鬼呀！今年貴庚呀？仲喺度撩女仔，為老不尊呀你！阿伯回應話:你識乜嘢吖，靚女就梗係人見人愛㗎啦，你恨唔到㗎喇。Amy聽完笑到咭咭聲，阿嬋同Amy講:靚女姐姐你唔好見怪呀，我呢個朋友成日把 ...

唔知點解團友走咗之後，Amy不斷催谷我食多啲，轉眼間我已經食咗滿滿三四碟有多，我話:妳做乜對我咁好甘關心我呀？Amy冷漠地回應:係呀，食飽啲等你可以安心上路吖嘛！我不明所以問:妳咩意思？講到咁得人驚嘅？Amy有氣冇力地話:冇咩意思，陣間我地去科博館，你嚟到咪嚟囉？我心諗轉性呀，似乎冇嘢咯喎，我話:我有興趣呀，妳唔介意同你地一齊吖嘛？Amy冇作回應，我繼續話:但係我已經飽到上心口，食唔落喇。Amy不作理會，淨係話:你多士都仲未食，等我幫你烘，你斟杯咖啡返埋位先。對Amy好似命令式嘅語氣，我不敢造次，只好乖乖地返埋位等。三條麻甩佬坐埋一齊，冇人願意打開話題，氣氛變得好沉靜，好快Amy已經烘完多士遞到我面前，佢話:全部都係你㗎，趁熱食晒佢啦！嘩我一睇，兩大片厚多士，仲搽滿晒牛油花生醬同果占，熱量爆晒燈，旁邊秋仔話:嘩你生積呀，今朝咩事呀！食咁鬼多。唉啞子吃黃蓮，我再次話:我真係食到好飽，可唔可以....，Amy發嬲話:嘥晒我一番心機，你食唔食呀？面對動怒嘅Amy，我唯有話:食，我食，我食晒佢！於是一路打思噎一路照啃如儀。

一夜狂歡

引用:

原帖由 一夜狂歡 於 2021-5-3 08:51 發表
唔知點解團友走咗之後，Amy不斷催谷我食多啲，轉眼間我已經食咗滿滿三四碟有多，我話:妳做乜對我咁好甘關心我呀？Amy冷漠地回應:係呀，食飽啲等你可以安心上路吖嘛！我不明所以問:妳咩意思？講到咁得人驚嘅？Amy有氣冇力地話:冇咩意 ...

喺Amy全力摧谷下，最終將兩片厚多士全部啃埋，死女包意猶未盡，再加碼攞多一大盆水果，佢話:嗱！飯後果呀，食埋佢啦。秋仔睇唔過眼話:Amy妳想攞人命咩，林仔就嚟爆肚喇，唔好咁啦，我地大家分咗佢算啦。色慾男若有所指話:有啲嘢啃唔落唔好亂咁啃呀，好傷身㗎。我話:我已經食滯咗，飽到就嚟想嘔，唔好再玩我啦。Amy略有收斂話:最少食咗條蕉佢，食啦！犯賤嘅我對於這種不合理要求竟然不加拒絕，反而唯Amy命是從，最終在極度辛苦下吔晒成條蕉，之後扒咗喺張枱度唔識郁，秋仔笑話:Amy妳落咗佢降頭呀？咁聽妳話嘅。Amy話:佢敢唔聽我話，打L死佢。好奇怪，四個人去旅行，從未試過一齊坐埋一枱，最後一日嘅早餐反而係第一次。

一夜狂歡

引用:

原帖由 一夜狂歡 於 2021-5-4 09:08 發表
喺Amy全力摧谷下，最終將兩片厚多士全部啃埋，死女包意猶未盡，再加碼攞多一大盆水果，佢話:嗱！飯後果呀，食埋佢啦。秋仔睇唔過眼話:Amy妳想攞人命咩，林仔就嚟爆肚喇，唔好咁啦，我地大家分咗佢算啦。色慾男若有所指話:有啲嘢啃唔落 ...

早餐食完時間尚早，咁大家就坐底飲㗎啡吹下水先啦，色慾男一向沉默寡言，我就食滯咗攤抖冇聲出，於是Amy同口水多過茶嘅秋仔成為主導，Amy問秋仔:你好似仲未同我講，點解你吹頭按摩咁叻嘅？色慾男即時反應話:嘩秋仔你琴晚幫Amy按摩呢呀？唔係啩！之前唔係勢成水火嘅咩！秋仔怱忙解釋道:唔好誤會呀，我係幫Amy吹完頭見佢有少少唔舒服，所以咪幫佢按摩下個頭囉，完全冇嘢㗎。Amy亦都幫拖話:係呀，秋仔好規矩㗎，識落先知佢好好人㗎原來，之前大家一場誤會，而家冇嘢㗎喇。色慾男半信半疑話:又會好得咁快嘅，都唔知真定假。兩人略顯尷尬但不作理會，Amy繼續話:秋仔不如你講下你啲故事吖。秋仔顯得雀躍話:又好啫，我一向讀書唔成，好細個就出嚟做嘢，有次個朋友嘍我去學髮型設計，問我制唔制，我都想有一技旁身，於是跟埋佢去麗記學髮型，學費好貴㗎，要周圍問人借先搞得掂，全部課程完成晒，考試pass埋，咁就開始出嚟髮型屋實習。

一夜狂歡

引用:

原帖由 一夜狂歡 於 2021-5-5 08:10 發表
早餐食完時間尚早，咁大家就坐底飲㗎啡吹下水先啦，色慾男一向沉默寡言，我就食滯咗攤抖冇聲出，於是Amy同口水多過茶嘅秋仔成為主導，Amy問秋仔:你好似仲未同我講，點解你吹頭按摩咁叻嘅？色慾男即時反應話:嘩秋仔你琴晚幫Amy按摩 ...

秋仔繼續話:隨住時間過去，技術越來越到家，加上有啲天份，之後嗰幾年都揾到少少，加上儲到一大班客，你知啦人望高處，唔咁心打工㗎嗎，於是揾埋兩個師兄弟夾份開咗間髮型屋自己做老板，頭嗰幾年真係揾唔少，咁就開始學人豪起上嚟，食好着好又養埋車。我加多句話:仲溝咗唔少女添！秋仔笑笑口話:有事業有車就自然容易有女埋身啦，有啲誇張到自動上我舖頭做埋老板娘，風花雪月嘅日子令人樂不思蜀，本以為可以永續落去，可惜好日子原來到咗盡頭，自從香港引入咗快剪呢個行業，逐步開到成行成市，我啲生意大受影響，之後江河日瀉，業績大幅滑落，股東見冇運行逐個退出，我心有不甘頂晒嚟做，諗住等運到，你知啦香港啲租同人工幾貴先得㗎，最後捱唔住執笠收場，成幅身家倒晒落去打回原型。Amy問:咁你啲女朋友呢？秋仔苦笑道:人情冷暖，自動失蹤，人影都唔見。

一夜狂歡

引用:

原帖由 一夜狂歡 於 2021-5-6 04:53 發表
秋仔繼續話:隨住時間過去，技術越來越到家，加上有啲天份，之後嗰幾年都揾到少少，加上儲到一大班客，你知啦人望高處，唔咁心打工㗎嗎，於是揾埋兩個師兄弟夾份開咗間髮型屋自己做老板，頭嗰幾年真係揾唔少，咁就開始學人豪起上嚟，食好 ...

Amy表示同情話:聽落你條人生路都幾坎坷喎，咁依家做緊乜呀？有冇做番髮型呀？秋仔答話:都叫做玩過風光過，算做唔錯㗎喇，我睇得開嘅，髮型我冇做好耐喇，top嘅做唔到cheap嘅唔想做，馬死落地行，唯有轉行揾兩餐，依家做緊倉務理貨，學歷唔夠冇法啦。Amy話:辛苦好多喎，純體力勞動又冇乜前途。秋仔答話:係呀！担担抬抬在所難免，仲要成日跟車送貨，不過就練就咗一身肌肉，慳番唔少錢去健身。Amy眼神一轉話:係？不如除衫嚟睇下。秋仔表情略顯尷尬，忽然一向沉默嘅色慾男彈咗句話:担担抬抬都係妳強項喎Amy。Amy即時側目厲咗佢一眼，但色慾男仲未識收再話:知唔知Amy担担抬完邊個最攰呀？唔係佢係我呀，估唔到呢，腳都軟呀！哈哈哈哈！Amy怒目再話:死啦你去，吊得少呀！色慾男立時收聲，而我同秋仔就揞住咀笑。Amy玩番色慾男話:唔止你呀，佢地兩個都一齊腳軟呀！好唔好玩呀？聽Amy講完即時起咗少少反應，睇怕秋仔都會。

一夜狂歡

引用:

原帖由 一夜狂歡 於 2021-5-7 05:26 發表
Amy表示同情話:聽落你條人生路都幾坎坷喎，咁依家做緊乜呀？有冇做番髮型呀？秋仔答話:都叫做玩過風光過，算做唔錯㗎喇，我睇得開嘅，髮型我冇做好耐喇，top嘅做唔到cheap嘅唔想做，馬死落地行，唯有轉行揾兩餐，依家做緊倉務理貨，學歷唔 ...

Amy發火非同小可，大家即時收聲唔敢再講嘢，氣氛變得好沉寂，為免大家冇㽼，Amy再撩起話題問秋仔:有咩打算咁呀，唔通成世担担抬抬咩。一提起担抬兩字，男士們少不免作出會心微笑，Amy認真地話:嗱唔好再玩嘢呀，我嬲㗎！Amy繼續話:做倉冇前途喎，有冇打算轉工咁呀？秋仔歎氣話:轉鬼轉馬咩，冇學歷又唔識英文，頂籠咪又係做食蕉。Amy厲住秋仔話:又嚟啦！你可唔可以講好啲呀？秋仔即時灑冧話:對唔住我講錯咗，係secure先啱。Amy問:有冇興趣跟我揾食轉行做保險呀？我可以帶你入行。秋仔疑惑地問:我做保險！得唔得㗎？以前開舖頭就有買過。色慾男又插咀話:唉！人地冇信心做就唔好勉強人啦。Amy寸番佢話:關鬼你事咩又唔係叫你做，你都做唔掂啦，收聲啦。

一夜狂歡

引用:

原帖由 一夜狂歡 於 2021-5-8 01:54 發表
Amy發火非同小可，大家即時收聲唔敢再講嘢，氣氛變得好沉寂，為免大家冇㽼，Amy再撩起話題問秋仔:有咩打算咁呀，唔通成世担担抬抬咩。一提起担抬兩字，男士們少不免作出會心微笑，Amy認真地話:嗱唔好再玩嘢呀，我嬲㗎！Amy繼續話:做倉 ...

秋仔又問:點解妳淨揾我唔揾佢兩個，佢兩個唔得咩？Amy跟住喺手袋攞咗張咭片遞俾秋仔，秋仔一睇話:咦高級代表喎，失敬失敬！Amy接住話:你入嚟係跟我嘅，我嗰組叫Amy team，我係team leader，我負責湊大你嘅。秋仔笑問:嘩我係成年人，妳仲當我係BB呀！Amy答話:你新入行乜都唔識，樣樣都要慢慢教，同BB冇乜分別，話你知你同佢地有乜分別，你玩得衰得talk得，把口識關心人冧人，正正係我需要嘅人才，我嗰組實行精兵制，貴精不貴多。秋仔又再問:妳又知我係精兵？Amy語帶相關話:你精多唔多我就唔知，亦都冇興趣知，淨知你口水夠多就得㗎喇，至於佢兩個就....天生有缺陷，好難湊得大。我同色慾男聽完甚覺冇㽼，色慾男抗議話:你又知我地唔掂，未做過妳點知？Amy寸佢話:我知你床上面係好掂，但床下面就一啲都唔掂。我趁機踩多腳話:Amy咁妳咪當佢係泄X工具？講完全場笑到爆咀除咗色慾男。

一夜狂歡

引用:

原帖由 一夜狂歡 於 2021-5-10 04:04 發表
秋仔又問:點解妳淨揾我唔揾佢兩個，佢兩個唔得咩？Amy跟住喺手袋攞咗張咭片遞俾秋仔，秋仔一睇話:咦高級代表喎，失敬失敬！Amy接住話:你入嚟係跟我嘅，我嗰組叫Amy team，我係team leader，我負責湊大你嘅。秋仔笑問:嘩我係成年人，妳 ...

色慾男發火話:林仔你食咗屎呀！把口臭成咁。Amy打圓場話:好嘞，正經啲啦，唔好拉開話題喇，秋仔仲有呀，依家入職你有新人獎，我就有入職介紹獎，一家便宜兩家着。秋仔問:有冇咁jackso呀？有幾多先，萬一我做冇耐劈砲點計？Amy答話:獎金唔細㗎，不過有條件就真，最少做半年同達標先得。秋仔不以為然話:咁多限制揾笨咩！唔達標咪乜都冇。Amy解釋話:又唔係咁講呀，如果個個入到嚟由朝坐到晚，唔做嘢錢照收，我公司咪餂水，放心啦，我已經安排咗幫你打響頭炮，有你着數。秋仔問此話何解，Amy話:你個好朋友小林會幫你開單。嘩唔係啩，我即刻截住話:Amy妳講清楚，我係幫妳買，點會變咗係佢㗎？Amy語氣認真話:有乜分別啫，我係佢上司，佢開到單我都有份，你唔駛講咁多，我已經決定咗。到此色慾男終於同我同一陣線，佢醋意大增話:Amy妳做乜對秋仔好成咁，佢之前不停鬧妳係殘菜同八婆喎，妳唔記得嗱？此話一出，秋仔表現十分尷尬，而Amy就面色大轉，似是山洪將要暴發，果然，在失驚冇神之下，Amy將手頭一杯清水兜口兜面潑向色慾男，搞到頭面同前面T恤全部濕晒，非常狼狽，Amy盛怒之餘再話:以後邊個再提起呢四個字實冇面俾，記住呀！

一夜狂歡

引用:

原帖由 一夜狂歡 於 2021-5-11 08:56 發表
色慾男發火話:林仔你食咗屎呀！把口臭成咁。Amy打圓場話:好嘞，正經啲啦，唔好拉開話題喇，秋仔仲有呀，依家入職你有新人獎，我就有入職介紹獎，一家便宜兩家着。秋仔問:有冇咁jackso呀？有幾多先，萬一我做冇耐劈砲點計？Amy答話:獎金唔 ...

經此一潑，可能色慾男開始後悔點解自己咁L蠢，帶埋自己件私伙嘢出嚟俾人玩，依家番唔到轉頭，你說怎麼辦？兩條狗公首先係林仔起痰在先，然後輪到秋仔接力，家陣返香港仲有後着添，真係該煨咯！懾於Amy嘅潑辣，大家唔敢再出聲，為了打破沉默，Amy再次打圓場同秋仔講話:你唔駛咁驚喎，冇嘢喎，你睇我幫埋你揾工就知啦，我只不過唔妥有人故意挑起仇恨啫，嗱我要提醒你，跟我做嘢唔好諗住hea呀，咪以為同我friend就求戀期呀，我會時常鞭策你㗎。秋仔見冇嘢就嘗試玩嘢話:乜妳都鍾意用鞭㗎，好有feel喎！Amy明知條仔睇住都故意接招道:咩呀驚呀？用鞭係最基本㗎喇，唔係咁都頂唔住係嘛，你點交功課呀？秋仔繼續玩嘢話:妳同我定，喺鞭鞭有力之下，我會勇往直前全力以赴，有幾多功課就交幾多俾妳，盡力滿足妳為止，咁得未呀？Amy帶點淫笑話:你咪下巴輕輕貪口爽呀，到時滿足唔到我嘅話呢，我實一腳伸你落地。

一夜狂歡

引用:

原帖由 一夜狂歡 於 2021-5-12 02:44 發表
經此一潑，可能色慾男開始後悔點解自己咁L蠢，帶埋自己件私伙嘢出嚟俾人玩，依家番唔到轉頭，你說怎麼辦？兩條狗公首先係林仔起痰在先，然後輪到秋仔接力，家陣返香港仲有後着添，真係該煨咯！懾於Amy嘅潑辣，大家唔敢再出聲，為了打破沉默 ...

一段段有味對話令色慾男㷫過火屎，卻敢怒而不敢言，只好變成一隻谷氣青蛙，Amy知道過份咗而亦都玩夠喇，佢開始收話:夠皮喇，返上房仲有好多嘢要做，散啦！我問Amy話:有咩咁多嘢做呀？Amy不答一語即時起身走人，我甚感冇癮之下秋仔同我講:你冇行㗎喇，死咗條心啦。一眾人如貫進入電梯內，Amy似乎想補番鑊，一嘢攬實色慾男條腰，喺狹窄嘅空間內氣氛顯得有些尷尬，大家亦沉默不語，去到房門口我終於開聲問:你地陣間係咪去科學博物館呀？我都去！Amy冷淡地答覆:你去到咪去囉！秋仔搶答話:唔好預我，我約咗人。Amy好奇地問:約咗邊個咁呀？我冇應承你喎。我話:秋仔佳人有約，就琴晚柜面嗰件台灣妹囉。Amy讚嘆話:好叻仔喎，三唔識七一次就約到人。Amy旁若無人再話:你把口咁犀利，睇下幾時幾日你氹得掂我陪你去街？色慾男在旁，Amy挑逗性嘅說話令秋仔十分尷尬，我拉住秋仔話:唔好再講喇，快啲入房執行李。