引用:
原帖由 一夜狂歡 於 2023-5-10 18:49 發表
老友嚇一嚇話:唔係咁得人驚係嘛,咁我食唔食好呀,我唔想變虧佬呀。我真係想兜巴昇落去話:你係咪俾人打到shortL咗呀?食四份一粒咋,如果咁都變虧佬嘅話,咁你唔食都係虧佬啦。老友反駁話:駛唔駛寸到咁盡呀,我咁嘅身世就下我唔得嘅 ...
見老友動真火咁就梗係收啦,老友話:玩還玩以後唔好再搵我老豆老母嚟玩,冇面俾㗎。講聲對唔住之後我問:呢隻手指乜嘢嚟㗎,係咪正嘢?正嘢就要益下我喇喂。誰不知老友神色謊張即刻搶番,之後好緊張問:做咩立亂摷我啲嘢,你喺邊度搵到㗎?我答話:就喺馬報側邊之嘛,駛唔駛咁緊張呀?有筍嘢大家分享下得掛。老友支吾以對話:呢啲係我啲私人嘢,唔啱你睇,唔好問咁多。講完即刻打開酒櫃櫃桶,將隻手指塞番喺個盒入面,搞乜鬼呀一隻手指啫,駛乜咁緊張呀,唔通有咩景轟?佢越係緊張我反而越有興趣想探個究竟,我諗計話:喂你點解唔趁住老豆老母唔喺屋企,盡情享受玩番鋪啫,過癮好多㗎,唔駛就住就住呀嘛,試下新嘢啦,好过癮㗎。真係中正佢下懷,原來老友早已精蟲上腦,可能好耐未試過用藥物happy過,俾我提醒之後變得躍躍欲試,我建議話:你入房玩啦,我自己閂門得㗎喇。