taikongbaby

如果講淫亂感,一定係中段潘金蓮飲尿果一場....
不過"最怕貨比貨",之前先睇"重口味之王"京兄果篇神作,
<金瓶梅>呢一場就真係小毛見大毛拉!!

相對而言,小弟最欣賞既係第一場既肛交....
論性愛描寫,其實呢部份唔算特別重,但係潘金蓮臨爆菊前
爭既就只係要買多件靚衫....

taikongbaby

因為達哥呢一篇貼文,小弟專登去睇左一D,
對<金瓶梅>比較詳細既書評,人物介紹,
仲而維基文庫中,達哥所貼那三回,發現原來<金瓶梅>,
遠比我地所知既偉大!!

潘金蓮--
潘金蓮絕對係<金瓶梅>,絕無異議既女一號,
但故事一開始,就係以悲劇方式展開....
評書話潘金蓮其實有一定既才華,但入門之後既西門慶
卻對佢既才華不肖一顧,而只係當佢係性玩具,
而係大家庭之中,出身低下既佢,既同其他妻妾無話題,
關係也相處不來....就係係呢個背景下,
潘金蓮也只有全力討好西門慶,
做出對女性而言最不堪既事,就如#1的肛交,飲尿,吞精
繼而以此同其他各房爭風相對!!

就好似肛交一段咁,潘金蓮都有同西門慶"講價",
要西門慶同佢買靚衫,先肯比佢爆菊花....
買靚衫用來做咩??小弟無睇詳睇下去,但可以想像各房,
一定有人拿佢出身低下來笑話佢,
"買靚衫"就係要為呢D女人面前,同佢地爭風相對;
而飲尿果段,作者又寫左自己既感受:
"這大概就是妾待,要無所不用其極地討好主人吧"

後來,潘金蓮用如此極端既方法,去討好西門慶,
己經令西門慶吃不消,而呢一點,正室吳月娘都察覺到,
只係勸阻無效,西門慶不久就病死....
因為害死親夫,而潘金蓮又私通西門慶既繼承人,
其侄仔陳敬濟,吳月娘因而令王婆,把潘金蓮賣出去,
此時,潘金蓮仍然勾引左王婆既義仔,
最後係菜市場被武松斬殺....

這種死法,咋看之後死得好慘....但潘金蓮仲可唔可能
有較好既結局??其實無,雖然擺脫武大郞,
嫁入西門家,好似係身份地位既提升,但自始之後,
潘金蓮活得越來越差....盡管討好左西門慶,
但家庭既實質地位,卻絲毫沒有提升,而呢個己經係,
佢僅有可以爭扎向上既空間!!

taikongbaby

李瓶兒--
<金瓶梅>其中一個特色,就係主要既五位主角,
幾乎全部係人渣,只有李瓶兒....
李瓶兒先係西門慶最寵愛既妻子,呢個又同其發家有關
話說西門慶既第一桶金有三大來源,一是祖業,
但份額好低,主要係李瓶兒與另一妾待,孟玉樓的家產,
尤其係李瓶兒....李瓶兒係花子虛妻子,
花子虛死後,佢就帶無全副身家,改嫁給西門慶....
而西門慶又因為有第一既資本,先巴結到蔡京,
成為真正既西門大官人!!

李瓶兒除了帶家產改嫁,性態度又好開放,
同各房又相處得唔錯,加上後來更為西門慶生下一子,
自當然受寵無比....但係多房妾室既大家庭,
如此受寵,當然會被記恨:潘金蓮就係用毒計,
嚇死左李瓶兒個仔,李瓶兒也傷心而死

可能唔少人會喜歡李瓶兒,而憎恨潘金蓮,
但係李瓶兒性格既好,其實都唔係潘金蓮學得來....
同各房又相處,其實主要係佢帶家產改嫁,
各房根本唔可以唔比面;生左個仔之後就更加唔駛講,
而且西門慶係家庭生活上,己經表現得好龍受佢,
而潘金蓮從來只係性玩具

龐春梅--
呢個主角知名度遜了一個層次, 以至係大台九十年代
無後影視節目,都出現左同龐春梅無關既"春梅"....
的而且確,龐春梅其實就好似潘金蓮二號咁,
存在感自然不高,要說兩者有咩唔同,
咁應該係龐春梅主動走入這圈

龐春梅原本係吳月娘既丫環,第一次變得重要,
應該係後期同潘金蓮以及西門慶既一場3P,
西門慶死左,龐春梅主要勾結陳敬濟,而被吳月娘趕走
後來卻成為大官二房,最後出軌時死於馬上風
....與其說春梅角色有咩特別作用,
倒不如說佢象徵左,潘金蓮並唔係個別既例子,
盡管係睇住當中既黑暗長大,但唔少女人都前仆後繼咁
加入呢個圈子之中!!

總結--
我睇果篇書評一開頭就咁講:
"<金瓶梅>係第一篇以社會為題材既小說,
真正把重點放回生活,而非爭霸,義氣,魔幻等各類主題"
佢故事講述左一個多妾大家庭裡面既人性扭曲,
至於<金瓶梅>係咪一本咸書???
絕對係一本咸書,但也絕對"唔只係"一本咸書....