爛尾可

引用:

原帖由 lostergundam 於 2019-5-6 10:22 PM 發表
好過引，唔好爛尾就好

唔會爛尾呀，預算寫30集左右

爛尾可

引用:

原帖由 沙田勇敢的蛋 於 2019-5-7 05:47 PM 發表
謝謝樓主，睇得好開心

多謝😁
我都寫得好開心

爛尾可

引用:

原帖由 Klwong137 於 2019-5-9 11:53 AM 發表


爛尾可個名係流架，嘻嘻

「港女穿越記」係我以前的爛尾故事，我而家寫返嘛~~

爛尾可

引用:

原帖由 kclai35 於 2019-5-9 02:54 PM 發表


可能只係得個名呢，樓主新作好睇，去到尾會回真係好難估

我都唔知會點，愈寫愈離題，哈哈

爛尾可

第25集


王木、王林、王森三個少年亦聽從月兒的建議，將佣金的六成儲起，日後娶妻或起屋都好，三成用來買耐用的物品，以免戰亂或天災或者物價上升時，有錢都買唔到嘢，剩低的一成可以用來買零食或者小玩意。

三人年輕力壯，之前除咗山寨分發的田之外，佢哋仲去咗開荒，雖然初時未可以種糧食，但就種咗各式的豆子去賣。加上幫其他人賣貨所得的佣金，三人都已經儲夠聘禮娶妻了，不過唔係每個少女都願意嫁入山寨的，好似寨內的兩個十八歲少女：亞梅同二丫，佢哋都唔係幾願意留喺山寨，當初冇離開，係因為冇其他去處，自從月兒將睇書學到的農業知識教授比「北是村」眾人，村民先正式由心底接納光明寨，其中有兩家人更加唔嫌棄佢兩個年紀大，已經同佢哋訂親，下個月雙雙出嫁。

三個少年見狀就更擔心自己，既怕要娶年紀大的女子，更怕娶唔到。雖然而家有能力離開山寨，但佢哋已經將寨內各人視為至親，即使北是村就喺附近，佢哋都唔願意搬。而且佢哋都知道戰事隨時發生，留喺身上可能更安全。王木想起某次送貨去萬花樓，諗起入面如花似玉的姑娘，特別係活潑可人的小蓮 (詳情請閱第三集)，反正小蓮冇賣身，娶佢返去山寨，應該都唔錯喎。經過一番內心掙扎後，佢將呢個決定話比王林、王森知，王林聽到之後大感興趣，佢更認為負責灑掃或者膳房的姑娘更好，而王森就覺得妓院內的人，講嘢都好複雜，乍聽之下動聽的話，過後就想先發現係鬧人，佢唔想同未來的妻子都係咁樣相處。

王木同王林決定之後，就請月兒去萬花樓打聽，當季大娘聽到杜月兒的來意後，面露喜色，道：「王林呢個後生真係聰明，會過日子。

「我哋膳房真係有呢個人…佢係我的義女小柔，當初剛出生時被人放在萬花樓外，我推測佢的父母應該得罪人，否則冇人會將女嬰放喺妓院門外。我收養佢之後，一直將佢寄養喺遠親屋企，直到佢五歲先帶佢返嚟，佢一直都喺灶房工作，我冇要佢學樓裡面姑娘的營生，反而只係要佢學廚、做針線，因為我知道我的背景冇可能令佢嫁去有錢人家做太太，最多只係做個妾。所以要佢學習尋常人家的生活，希望可以嫁到個尋常人家就心滿意足了。」

(待續)

爛尾可

引用:

原帖由 犯了錯的獅子 於 2019-5-9 11:27 PM 發表
樓主，你個故事係小數，小甜我又樂意追的作品，所以留兩隻字，希望你加油💪

多謝。
我都估唔到咁少甜的故事，大家都鍾意睇。😁😁

爛尾可

引用:

原帖由 Eddyo 於 2019-5-11 12:20 AM 發表


真系好好睇, 樓主加油!!

多謝^^
麻煩去第一頁比個LIKE丫~~^^

爛尾可

引用:

原帖由 lostergundam 於 2019-5-11 02:05 PM 發表
故事吸引，已冇理有冇糖分了

但我又走咗去加甜喎,嘻嘻~

爛尾可

第26集

「王林呢個小子真係唔錯，三兄弟之中，佢的田打理得最好，又肯主動幫寨中的老弱翻土、收割。最近開始跟亞傑學認字，做事就更穩重喇。」杜月兒讚道。

兩人又將小柔叫出嚟問意見，原來佢曾經遠遠見過王林，覺得佢外表唔錯，既然養母覺得適合，對方又唔介意自己的身世，在山上(寨中)又有間小屋又有田，日子應該過得唔錯，於是就答應了。

雙方高興地傾談細節，月兒提到搵媒人上門，但季大娘就有D猶豫，因為愛護小柔，所以唔想媒婆上門。月兒建議媒婆上門，出嫁時都可以借用亞傑屋企，反正附近街坊都知道實際情況，表面上做到好好睇睇就得喇。

「至於小蓮….佢有野心，目前唔會安於喺山上，而且佢雖然冇賣身，但平時招呼客人時，經常會收到打賞，我怕一般人家，佢會睇唔上眼。」季大娘擔心地道。

「嗯…請季大娘即管問問小蓮的意思，始終日子係佢哋兩人過，我哋過多推測，反而壞事。」

「都係，咁我即管問問啦。」

大約十五分鐘後，季大娘面有難色咁出嚟，道：「小蓮呢個丫頭真係唔懂事，佢話可以嫁去山寨，但聘禮要50兩，另外要寫下擔保書，佢婚後唔會做家事或下地勞作，仲要買一個僕婦照顧佢，而男方可以再娶幾多個妾侍都可以，但每個妾侍的所生的第一個孩子，都要記在佢名下，由佢撫養。」

月兒聽到之後，不禁感嘆小蓮的聰穎，佢明顯係只要安穩生活，而唔需要男人的寵愛。雖然聽落的條款苛刻，但其實又唔算難做到。只係唔知王木願唔願意。

返到光明寨，月兒分別將小柔同小蓮的情況告知王木二人，王林聽到後大喜，雖然每次送貨時，小柔都會躲起，但佢試過幾次不經意間見到佢，只係唔知道佢係負責灑掃定係膳房…或者……賣身的，不過月兒擔心會認錯人或者有咩誤會，所以佢同季大娘商量好，聽日派王林送D柴去萬花樓，會由小柔收貨，等佢哋面對面傾下，雙方有意先正式提親。

而王木其實都係睇中小蓮的聰明能幹，而且講明比佢納妾，就好喇。但佢都提出想當面同小蓮傾，唔做家事可以，但佢想小蓮協助佢做小生意。兄弟二人約定明天一齊去萬花樓，而王森就暗自羨慕，當聽到小蓮提出要買個僕婦，佢隨即諗到可以買個妻子喎，雖然妻子未必願意，但只要講清楚，成親之後就將賣身契比返妻子，如果對方都係踏實的人，到妻子懷孕後，可以買個僕人打理田地，再買個僕婦打理家務，到時妻子只要安胎同做下針線，相信妻子一定會一心一意咁同佢建立家庭。打定主意後，佢去搵杜月兒商量，杜月兒就建議佢最好揀剛剛賣身為奴的人，因為一般被再賣出的奴婢，都可能有問題。

<待續>

全文共30集，我剛剛連續寫完4集，忍唔住要快D出
跟住幾日會每日更新~~敬請期待

如果大家喜歡呢個故事，麻煩去第一頁比個LIKE (洋蔥頭)啦~~

爛尾可

引用:

原帖由 Klwong137 於 2019-5-11 09:14 PM 發表


D讀者睇多4集，應該都忍唔住好快出~~嘢

其實我一直好想問,你頭像白色嗰D係咩嚟?