你地諗下點解你地輸佐咁多次都仲要賭，輸佐應該要知道點解輸，有時真係睇少佐賽績晨操，佢地落飛贏馬係應該，因為佢地日日十幾個鐘對住D馬點都熟過你地日日對住D賽績同電視晨操。
同埋例如精梳王岩岩39倍贏馬，威利好好臨場落飛，如果d人都要跟飛就証明佢地未做足功課，精梳王對上個場輸得遠係因為不利後追加上有偏差，用返A跑道利後追就贏返。告仔出三隻結果最冷個隻贏，唔係因為佢底出，係因為馬迷未做足功課。
有時係有古惑野，但係大家不妨記底呢D賽事，輸佐呢場，下次隻馬變冷，贏既錢可能補返你之前應該贏既十倍。有時大家唔好陰謀論，大家自問輸佐馬有無真係研究個場賽事，有無檢討自己既度馬方法。賭馬係長線投資，我自己都中過唔少古惑招，但係反轉諗可能係變做贏錢既機會。
