nithan

引用:

原帖由 JockeySmart 於 2006-2-10 01:49 PM 發表

有否留意閃電落腳慢了 , 個人覺得是時候向千八發展...

閃電無疑係傾向均速, 所以上仗雖然入位, 但我仍稍嫌佢留後左, 最好跟番前四名, 入直路能即時進佔更前最好, 要佢追人係唔容易亦非其所長, 希望杜利萊今場能試試咁跑, 若又跟中後就凍過水, 你所講亦無錯, 千八當然更好, 但千六亦可以應付, 只忌未能發揮其均速跑法!

nithan

第九場: 閃電
還記得去年十二月廿六號既賽事在此推介了閃電, 可惜揮強差人意下, 跑個第四, 個場貼佢係因為之前個場跑第二, 表現非常出色兼水準不差, 頭四名其他三隻喜得法, 喜利多和天仲之寶, 其後成績如何已不用多說, 該仗閃電用了一種算係和以前唔同既跑法, 沿途跟住第三位, 入直路已能咬緊喜利多, 不久便輕易過埋佢, 只在埋門一腳被喜得法趕過, 所以再出一場, 我好有信心佢可以開齋贏馬, 可惜杜利萊發神經, 走去留前鬥後, 結果後上追個第四, 連剛剛輸俾佢既喜利多都跑個第二輸少少, 可以猜想若該役能有更好發揮, 可能已贏馬了, 當然鬥志亦是原因之一, 可能該場唔係大摩杯茶吧! 接著上仗易配大旺既蘇銘倫, 但亦沒有採用輸俾喜得法既跑法, 然而有幸亦未致於留到包尾, 該場沿途守在中段偏後位罝, 入直路才追趕上前, 最後二百亦和頭馬喜利多有段距離, 均速馬要追跑何容易, 結果只能第二名交代, 又再敗於喜利多蹄下, 個人認為閃電質素不在喜利多之下, 可惜偏偏未能再發揮出其高水準跑法, 今次我亦唔知杜利萊會點跑, 仲要排個一檔, 若留後就大鍋, 但此駒迄今八戰, 只得兩亞, 由方嘉柏轉倉過黎, 唔會只係想收獎金卦, 今場有同馬房勝利飛駒扯飛, 必有一定分頭, 熱極都有番個賠率, 今場雖然話係精英班, 但對手唔少都已見盡, 真正仲有進步既可能只係同馬房既勝利飛駒, 閃電真正真力亦未摸底, 只要能藉著一檔, 出閘搶出黎, 有馬放就跟, 無馬放就自己慢放, 只負116磅不難在此發難, 大有機會幫賭王整番場頭馬, 目前有六倍幾, WP都抵搏! 最強對手當然係自己馬房隻勝利飛駒, 戴勝已熟透馬性, 人馬合拍, 增程亦有利後上, 但步速可能偏慢而稍蝕, 然而有機會憑質素搭夠, 負磅不重對手亦見底, 有力在此為大摩再整條馬房連贏! 其餘五穀豐收又跑千六, 卡士質素俱蝕底, 但此程只要肯留就近, 夠哂忠心, 萬成唔放手, 三重彩可吼之! 冷腳可以吼又係大摩既勁闖, 季初連搏兩場都輸少少, 跟住收番埋, 今次有得分, 小心又係時候!

nithan

引用:

原帖由 JockeySmart 於 2006-2-10 01:45 PM 發表

好輝煌不是更可取嗎 ?

頭先睇睇下, 尾場隻哈哈大少有無得諗下, 上季威完到家陣仲未郁, 上次轉泥個第三就又返番黎千四仲要上班跑, 講都無人信咁款, 滇係爆冷專家, 無左韋達火燒都唔熱, 我只係奇怪韋達無飛, 係佢副線度搵, 其他又無乜邊隻鍾意, 所以最後才想搏下哈哈大少, 有得諗嗎?

nithan

引用:

原帖由 yickchingw 於 2006-2-11 08:59 AM 發表
始終呢D高班讓磅賽比較亂..
個人會買大mo 4x6 Q..
SUPPORT你隻閃電..

PS(你o係D台執左WOR,,係咪覺得呢度好D呢..:014

我執左D台係因為個邊欠缺我想要的東西, 所以專心留在這邊試試, 希望大家能多點討論研究吧!

nithan

引用:

原帖由 addfai 於 2006-2-11 10:00 AM 發表
nithan 兄~
你覺得隻獨步青雲有冇機~?
拖一拖好似穩陣d

的而且確會穩陣d, 苗禮德今日手馬都算有料到, 但我拖太多便唔係咁好, 一拖三未排到佢, 勝利飛駒一定要啦, 勁闖係冷門, 五穀豐收又係苗仔兼有萬成, 所以無拖佢, 但拖埋當然穩, 但就稍嫌多了點腳啦!

nithan

引用:

原帖由 lindaleung 於 2006-2-11 10:24 AM 發表
五穀豐收 只要留後  跑得順  直路無受阻
贏都有機

贏會有難度, 評分已到頂!

引用:

原帖由 yickchingw 於 2006-2-11 10:27 AM 發表
好牙..ARM ARM睇勁闖左12倍..勁闖既P仲多過勝利飛駒W:003:

對, 冷配不可不防!

nithan

引用:

原帖由 siu_ma 於 2006-2-11 10:52 AM 發表
詩情畫意我都好鐘意，但唯獨田草同1600 都欠缺數據支持，呢場同馬房出4隻閃電、勝利飛駒都係爭勝分子，勁闖亦唔係冇機會，馬房鬥志鮮明，好有機會串番條馬房Q或位置Q返o黎，呢場黎海榮讓磅有利，賠率夠冷，我一向買開鐵三角PQQ過關，呢場我會買勝利飛駒、閃電、詩情晝意，搏條冷PQ好分過正Q
仲有，我同事比料話寶樹多盈馬主話今日會去馬，叫我買P，值唔值得信就見人見智，因為上次寶樹聚盈都話去馬，係咁叫人買Win 結果得第4 ，比韋達過左一野，今次都係拖下腳算數

搏冷就唔怕, 詩情畫意跑個place都夠哂好分囉, 不過我真係唔多睇好!
寶樹聚盈欠進步感, 加上三戰黏地俱敗北, 初跑泥地有介心, 作配不防, 作膽就.......:011:

nithan

唉! 又衰左!
...................近績實在差勁! :021:

nithan

初步三六七場較有信心!

第三場隻開心假日匆匆再戰, 擺明上仗輸得唔服氣兼唔抵, 今次繼續排好檔有力輕鬆補中!
第六場我隻銀行馬喜樂趣小休再來, 可惜排在劣檔, 但機會應有, 問題係有隻濰坊和飛快贏係度, 三雄鼎立, 頭馬應在此中!
第七場唔駛講, 大贏家最有機會, 本身仍是三歲, 實力深不可測, 千八或以上最好, 只要韋達唔好玩野, 應可輕鬆贏馬, 若然太熱或怕韋達和神仙搞搞震, 可小注神仙隻多利到, 慎防底出!

nithan

引用:

原帖由 yickchingw 於 2006-2-13 05:40 PM 發表
NITHAN兄...點睇
好到極同活國寶???
喜樂趣,濰坊和飛快贏都排外檔...大熱唔係好值博...
活國寶..上季51分贏馬..e家52分已到起快時...同場對手多排外檔..
只忌愛德威.....

yickchingw兄, 濰坊排七檔不算差也不算好, 影響不大, 有過一次一哩既經驗, 三歲馬應可更進一步, 鞍上人復出亦令我信心相對增加! 喜樂趣曾於此程排十二檔而得第三僅負頭馬一條頸, 而且該仗持續內閃, 若沒有此情況出現, 相信已能在排劣檔下取勝, 目前評分未盡, 負磅亦不重, 人馬亦合拍, 上幾仗拼得太密而小休, 適逢等到柏寶復出, 如魚得水也, 寄望人馬合拍下能再有佳績! 飛快贏近三仗在桑迪斯跨下全得亞軍, 雖然未勝, 但明顯一仗比一仗進步, 匆出兼換人可見心急想交代, 但磅位已升至132, 慶幸鬥志尚算鮮明, 有想拼贏為止之勢, 有兼顧必要!
而yickchingw兄所提及的活國寶, 隨高雅志而投告東尼, 雖年介七歲, 但馬房肯收留, 應是高雅志覺得仍有用, 馬房先有此一著, 但今仗面對一眾年輕正上緊位既對手, 除喜樂趣, 濰坊和飛快贏外, 還有時代明星和愛得威, 隻隻年青力壯, 活國寶明顯較蝕兼實力有所不及, 今場我唔會吼佢住, 我等四班弱組千六或千八才跟佢! 而愛得威就睇唔透, 連勝後評分應未盡, 但出擊之時亦不易吼, 自問兩次都唔中佢, 未在其身上得益而買佢, 忌之, 所以我本人就唔會吼佢, 今場我只會在喜樂趣, 濰坊, 飛快贏和時代明星當中選膽再拖其餘三隻!