今日下午會離港, 無時間打咁長篇野分析, 不過打都無用, 近期手風不順, 只有做"明燈"既份兒! :014::014:
黑仔到永利好都退出埋, 不作另行推介, 單一隻好芝味吧!
第一場: 好芝味
馬房尚欠兩場畢業, 鬥志鮮明得緊要, 此駒雖然上仗六十倍跑入第三爆唔出, 而今場勢成熱門, 可謂大忌, 但係新馬賽卻未能以此作指標, 很多馬都係未夠秤或未係時間, 所以往往跑開得個d都會繼續有好表現, 此駒上仗沿途跟得鬥得, 返黎輸個幾馬位, 時間都唔差, 跑過一仗應繼續有進步, 血系則以中距離會較好, 若今場增程千四信心會仲大, 然而新馬賽往往以質為先, 目前千二應已有足夠爭勝能力, 本身排九檔, 新馬認真有速度既不多, 絕對有機會順利切入黎守好位, 在此為黃汝安再爭一場頭馬機會極高, 可捧場! 配腳可選初出既旺國手, 血系早熟準備功夫亦足, 初出已有留意價值, 創惑跑開, 經驗冠全場, 未能棄之, 大熱連贏都應該要番, 大師傅又係初出, 血系應以中距離甚至更長仲好, 吼佢係貪佢應該好分, 兼且表面萬成棄上仗入位既信賴而就, 或許能爆個冷位都唔定, 信萬成一票!
第八場: 永利好
十戰六冠四位, 極之準繩, 但當然本身要有高質, 才能一路消化評分一路維持好表現, 今場繼續係一班上陣, 微增幾磅不足為慮, 增程千六更是有好無壞, 此駒下季應該仲可以跑長d, 如果唔係一季玩見哂型, 下季打比必屬前列份子, 今仗初跑千六抽得二檔, 戴勝應可輕鬆咁守係三四位左右, 以佢依家負122磅, 入直路能頂得住佢衝刺既對手應該無乜, 頭馬應該又一次手到拿來, 只望初跑千六換過班對手能分多幾蚊, 不會太熱吧! 對手方面新勝既喜利多增程二百當然應付到, 十四檔早段應會加快切入, 可能會稍用多左力, 但上仗頂住活力寶蹄無花無假, 雖然話係受讓磅, 但本身都要有番咁上下先得, 在此無大幅走樣絕對有力再爭三甲, 終身美麗打比跑錯而錯, 小休再縮千六跑, 對此駒黎講應稍短, 加上休息期唔夠長, 新鮮感未必足夠, 但論實力和準繩度, 當有三甲機會, 威利好好告仔另一戰駒, 今仗必有分頭, 換霍達可能有更佳發揮, 貪佢騎後上馬夠哂狠勁, 千六同樣稍短, 但憑霍達後上亦具威脅!
總結:
第一場: 好芝味, 旺國手, 創惑, 大師傅
第二場: 罐頭刀, 常山鎮寶
第三場: 幸運寶貝, 高威, 常歡笑
第四場: 加州好運, 得日
第五場: 手袋精英, 飛來寶, 華忠寶
第六場: 爪皇泓金, 寶威軾, 柏樹林, 鐵血丹心
第七場: 有作為, 夠信心, 勁贏, 心寶貝
第八場: 喜利多, 終身美麗, 威利好好
第九場: 闖關東, 一口田, 厚利多, 勁好
紅色乃有信心場合!
[ 本帖最後由 nithan 於 2006-5-12 12:17 PM 編輯 ]
