nithan

引用:

原帖由 eternally 於 2006-5-22 11:36 AM 發表
昨日重心落在三寶騏綵同勁財寶,衝勁直前。又唔記補獨贏過關，輸得我唔甘心呀。

有心水又唔彈俾我, 你都算無陰公囉! :017:
:014::014::014:

nithan

今次少有地推介場五班賽, 貪有幾隻庸中佼佼既馬要搶分救馬, 希望能WQT都中啦! :017:
第一場: 京城之光
京城之光前仗放頭, 步速控制得好好, 最後彈離贏馬, 上仗本慾再重施故技, 但俾叫關領迫得多左, 返黎後勁不斷, 結果只能捱個第三, 馬房救馬心切, 跑後兩週再戰同程, 今場雖然抽得十檔, 比上兩仗既一檔係差好多, 兼且又係C欄度跑, 表面睇係好蝕, 但睇番今場對手, 係無一有慣性放頭跑法, 而數到取有速度去領放既馬就已經係百威力, 但此駒雖然有時放頭但很多時都留住跑, 加上用到戴勝應該唔會去搶, 所以我估計京城之光應該有足夠速度去領放, 更具備條件係轉第一個彎位前已搶到埋欄, 十檔絕對可以順利克服, 而考慮條件當然唔包括慢閘, 如果計埋慢閘, 真係排一檔都無用! :014: 吳定強要救馬, 話哂都只係六歲, 又係團體馬, 再者下季減下分都仲有能力幫馬房整番場頭馬幫補下, 預計玩野機會不大, 負磅117亦唔算重, 目前有九倍可謂極之吸引, 在此足以當為穩位望贏既推介, 頭場最佳馬膽!
配腳方面首要勇威星, 後勁馬排八檔影響減少, 反正都係留後跑, 轉馬房後兩戰俱跑第二, 有點進步感, 而且此駒只26分, 差兩分上岸, 鬥志應該一樣都會好, 今場乃於蘇保羅手上首戰一哩, 名次理應不會比上兩仗差, 萬成騎後上馬有保證, 有力前列歸來! 愉快旅程又係要救馬, 同樣差兩分上岸, 鬥志應該都好, 排九檔可繼續和上仗一樣, 立心守中後等直路衝, 沿用贏馬配搭賴維銘, 三甲可謀一席! 又威終於又黎番五班, 三檔好位, 用到高雅志唔似係黎遊馬河, 可藉在底班馬中較高質佔到優勢, 半冷佳選!
京城之光可WQ兼投, Q拖勇威星, 愉快旅程和又威!

[ 本帖最後由 nithan 於 2006-5-23 07:52 PM 編輯 ]

nithan

其餘場次心水:
第二場: 今場有牧場王, 永同之寶, 開心假日, 草上飛和友活力等有速度有能力領放既馬在家, 早段應該會較快, 就算其中一兩隻稍留, 但牧場王, 永同之寶和友活力都實快, 所以我今場較喜歡靈機一觸, 一千米唔駛轉彎, 減底十檔既影響, 再加上咁多快馬, 此駒應可順利切入守五六位左右, 入直路等前面堆馬燒得七七八八, 便一攻而破, 算係今場最有能力坐住望贏既對象, 可為告仔省招牌交代! 此駒目前有五倍, 配腳反而難尋, 大多可以考慮到, 所以建議一W三P投注, 應有得執!

第三場: 今場反而快馬唔算多, 卓越時代由柏寶騎, 早段應不會鬥搶, 所以排在六檔既威霸龍只要不再好似上次咁慢閘, 在此應有能力領放, 而且唔會有馬迫得佢太緊要, 入直路絕對有足夠能力走入三甲, 至於能否勝出就要睇對手追得幾多! 密令神駒有質但健康所礙, 成就大減, 但見上仗跑完後也不敢多操, 至埋門總算操得下, 雖然實力大打折扣, 但在此組應有討價還價之力, 五檔有威脅! 事必得前幾仗曾於田草輸俾陽明先鋒, 但壓倒代言人也不至失禮, 今場用徐君禮刻意輕上加輕, 抽得二檔可望跑得好過嚴顯強好多, 冷腳不妨吼之! 老少雙雄前仗同程排內檔入位, 上仗抽得十檔就輸左, 今場九檔和上仗雖然半斤八兩, 但有過一次經驗會有好少少發揮, 論質三甲可佔一席!

第四場: 納帕上仗勝在輕磅同埋走甩左, 今場換個戴勝再加埋分, 變相雙重加磅, 雖然隻馬必會續有進步, 但唔少人留意下目前有成七倍幾, 好似太過著數, 唔似有乜信心, 再加上人家飽餐一頓後才追寶尾, 忌忌地, 作配為佳!估計入面排好檔既雄威和納帕會順利雙雙於早段透出, 天鷹抽八檔, 三至七檔既對手有速度不多, 頂死係出面機會減底, 可望同上仗一檔能於早段切入守靚位, 輪馬越跑越進步, 形勢既然有利, 作膽不妨! 尊係贏落班機會重現, 用黎海榮可減底頂磅既影響, 四檔守中間未嘗不可挑戰頭馬地位, 班底始終較佳! 至於今場冷腳則想吼下隻枕頭大王, 隻馬雖然唔係好野, 但由二班減到黎四班, 六檔不算差, 可當冷腳睇下!

第五場: 今場首選繼續要番上次買左既喜飛勝將, 上場跑來發揮已做到好好, 但奈何已上了年紀, 戰鬥力衰退, 然而今場勝在老馬無保留, 又再抽得二檔好位, 看看和三陽啟泰拉近番三磅, 能否換回上仗輸個頭優勢, 坐位望贏應可辦到! 三陽啟泰檔位唔差, 如果肯連搏當有力再挑戰前駒! 新歡笑上仗總算初有走勢, 補出用楊啟棠排五檔, 視為今場冷配!

第六場: 柏樹林落班後連續兩仗都走得唔差, 今場湯智傑減磅, 雖排最外檔, 但二千二影響不大, 早段應有能力盡快切入, 放頭或守二三位俱可, 再刻意報跑此程, 相信係時候見真章, 可爆半冷! 此馬刻有賠率, 一W三P應無走雞, 如果貪心就可以搏下Q, 配腳可各自取捨, 我則會考慮常山鎮寶, 太平洋和龍翔既隻細號碼為先!

第七場: 勁速猛將上仗跑得唔差, 今仗馬上戴個眼罩, 外地曾在此配件下贏馬, 應有幫助, 而此馬房輕磅馬少見搵大師傅騎, 鄧迪埋門更親算試過, 論馬初出時已操得好夠, 再慢慢以戰來推高狀態, 到位時再加個眼罩, 一齊意識俱佳, 只忌吳定強難估, 但既有好倍率, 不妨搏搏佢! 紅衣財星七檔唔算好, 但一千影響較少, 連場有好表現, 屬正路份子! 盈峰三磅輕磅當是實力份子, 雖排十一檔但有力後上闖入冷位, 但唔知會唔會刻意等落四班先郁手, 當冷腳為宜! 超力旺一檔四正, 有前有後之輩, 但實力不高兼失準, 當係熱門配腳!

第八場: 綠駿之威上仗大飛搏輸, 隔夜一早己熱到暈, 位置飛數更十分強勁, 唔似係公眾飛, 估計補中決心很大, 續配柏寶抽得黃金一檔, 睇番上仗走勢, 應屬正選, 可順利補中! 甜心實力無想像中咁好, 贏馬頭幾段慢到七彩返黎都贏得少少, 但慶幸做到廿三秒幾, 尚不太失禮, 六檔比上仗好, 可望再入三甲! 神勇福將用到徐君禮, 如果無一定機會, 霍利時唔會刻意霸住自己個徒弟唔放佢去騎加州主教, 重磅大可以用番史科菲當減分, 見佢刻意用徒弟仔減磅, 反而想拖下佢, 路程又正宗, 發揮得宜確有三甲之望! 加州主教上仗全面爭勝機會輸得冤枉, 徐君禮分身乏術用梁明偉一樣收到減磅之效, 今次發揮正常下贏面雖不算大, 但要入三甲則不難!

總結:
第一場: 京城之光, 勇威星, 愉快旅程, 又威
第二場: 靈機一觸
第三場: 威霸龍, 密令神駒, 事必得, 老少雙雄
第四場: 天鷹, 納帕, 尊係贏, 枕頭大王
第五場: 喜飛勝將, 三陽啟泰, 新歡笑
第六場: 柏樹林, 常山鎮寶, 太平洋, 龍翔
第七場: 勁速猛將, 紅衣財星, 盈峰, 超力旺
第八場: 綠駿之威, 甜心, 神勇福將, 加州主教
紅色乃本人今晚必買之場次!
預許頭場會WQ玩左一場先, 不論輸贏第二場都會買靈機一觸, 建議人地就一W三P穩陣格, 但我就多數單W買, 去到第三場威霸龍會以六環彩頭關買佢黎睇佢跑, 至於第四場打後真係要睇下頭幾場輸定贏先知會點買, 到時有時間會上黎講講, 但柏樹林和勁速猛將都必會捧下W, 而尾場WQ都實買, 如果前面有錢贏就可能埋埋T, 若然不幸輸既就多點單W救亡! :017: 聲明本人注碼不大, 切不要誤會捧W係買好多! :013:
備註: 博彩宜有節制 :014::014:

[ 本帖最後由 nithan 於 2006-5-24 02:30 PM 編輯 ]

nithan

成績表:
第一場: 京城之光, 勇威星, 愉快旅程, 又威 PQ
第二場: 靈機一觸 :006:
第三場: 威霸龍, 密令神駒, 事必得, 老少雙雄 PQ
第四場: 天鷹, 納帕, 尊係贏, 枕頭大王 W, PQ
第五場: 喜飛勝將, 三陽啟泰, 新歡笑 W
第六場: 柏樹林, 常山鎮寶, 太平洋, 龍翔 W, PQ
第七場: 勁速猛將, 紅衣財星, 盈峰, 超力旺 W, Q
第八場: 綠駿之威, 甜心, 神勇福將, 加州主教 W

全晚最失望當然係隻靈機一觸, 志叔一出閘唔係諗住去守靚位, 反而係睇下可以留幾後, 估計戰意錯誤, 自己羅黎衰! 笨! :022: 頭場京城之光欠少少贏到, 十檔果然和預期中一樣, 無馬會頂, 但可惜仍輸少少! 餘場心水尚算合格, 馬膽推介真的很久沒有頭馬進帳了, 希望下次有吧! :017:

nithan

引用:

原帖由 yelo@411 於 2006-5-24 07:18 PM 發表
nithan兄,隻京城之光十檔怕唔怕比人頂死呀??

昨晚無上黎, 唔好意!
文中已解釋了點解唔驚十檔, 結果亦和預計中一樣, 但埋門欠少少捱到, 可惜!:022:

nithan

引用:

原帖由 siu_ma 於 2006-5-25 09:54 AM 發表


第一場雖然W唔到，但我都要多謝你呀，3隻全跟你都有條7x蚊PQ，我過左落第七場Kinyeung 仔比o既超力旺，sssstttt版主貼o既棋高一著加埋我隻紅衣財星(例牌每日鐵3角2串3 Q&Q) 都收左7條飛，執返千幾:014:
...

恭喜哂! 祝你一路旺落去! 唔好俾佢停! :014:

nithan

引用:

原帖由 cissp 於 2006-5-25 03:34 PM 發表
This Sun - prelim selection as follows:
R1 + R2 skip
R3 Q/QP - 酒勝 > 再領風騷 + 京城孖寶 + 海之逸
R4 WP - 銀鑰匙
R5 Q/QP 富貴玲瓏 > 必永勝 + 卡加小子 + 精靈戰駒
R6 W/P - 活力威; Q/QP - 活力威 + 新歡笑
R7 W/P - 自由行
R8 Q/QP - 威猛情人 > 夠信心 + 金獅勇將 + 天域
R9 Q/QP - 步步穩 > 勝利雄威 + 福闖  
R10 Q/QP - 好利威 > 快活莊主 + 新強之寶 + 財到得勝

頭兩場的確唔好玩, 不過第二場隻強駒倒可以諗諗, 好分頭考慮得過!
第三場酒勝三甲的確幾穩陣, 海之逸都幾好, 但始終覺得戴勝發揮會好d!
第四場銀鑰匙應係熱門, 但雙T場合有介心, 紅酒甜心我始終覺得唔係此班可留, 只要唔熱搏得過!
第五場韋達棄精靈戰駒而就富貴玲瓏, 富貴玲瓏則擺明千二嫌短, 能否真係監生吞成疑問, 必永勝腳患可慮, 卡加小子戴罩望變身, 俱非穩健, 反而韋達棄騎精靈戰駒我幾睇好佢前景, 退熱後小心見真章!
第六場森威力等左佢好耐, 晨課一早已操足, 等到家陣先出健康可慮, 但可冷吼, 活力威策嫌無想像中咁好, 大敗後未見惡氣, 步步叻三班有級數, 用霍達唔起眼但比見習生硬淨好多, 會是我今場首選!
第七場爆冷上仗講明熱得唔抵, 但全程走外叠返黎都唔算好差, 今場轉入六檔, 必比上仗跑得好, 而且對手中以自己馬房既自由行最強, 有機會又開大摩Q!
第八場夠信心和有作為係必然配腳, 膽同你一樣睇好威猛情人, 走好少少有力輕勝, 天域升班未必能再重施故技!
第九場同第十場唔駛講,  步步穩和好利威玩哂, 實力份子分分鐘嚇親唔郁手, 此類場合可刨下大冷腳!

nithan

今次無乜時間打心水報告, 明天不在港, 唯有推介三隻較喜歡的, 一冷兩熱, 兩熱就會稍嫌廢話, 因為係第九場既步步穩同埋第十場既好利威, 而相信會較好分既係第六場既步步叻, 三串四應該有運行, 再穩陣可加重九十兩場二乘一保本!

nithan

星期日天氣預報係"部分時間有陽光，局部地區有驟雨。" 雖然話未必會咁巧合係沙田度局部地區驟雨, 但近排天氣不穩定, 季尾場地本身已欠理想, 再加上不停咁間中整d雨水俾佢歎下, 場地好極都有個譜, 預計應繼續有利守好位及擺前走既馬! 今期推介既馬會係常歡笑, 夢寐以求和喜皇寶!

第一場: 一眼望埋去唔少初出馬, 係龍係蟲都仲未知, 分分鐘爆隻七彩都唔定, 但點睇都係特區寶四正d, 出賽經驗夠哂, 連仗有高水準演出, 表現穩定, 同系馬變化場地亦可應付, 在此應該有力贏馬插班去了! 勁爆力柏寶操到足哂, 課課自己親力親為, 明知無份跑30號仲自己整多課, 異常肉緊, 柏寶騎過特區寶, 可謂知己知彼, 咁落力操, 唔通覺得勁爆力有得同特區寶撼下? 拖埋無蝕底! 新馬一係爆到七彩一係就熱到辣手, 初步估計特區寶應會幾熱下, 贏面不差, 單Q捧勁爆力, 餘下配腳不作提供!

第二場: 常歡笑連續兩場屈居幸運寶貝蹄下, 初出爆冷爆唔出, 再出成熱都肯再度出擊, 應該好想補中, 可惜遇到質高一籌既對手, 今場對手非高, 但賠率必更向下滑, 然而無左鄧迪換個戴勝, 戰鬥力有增無減, 雖然無乜肉食, 但補中機會甚樂觀, 若嫌單W乏味可作QT膽玩下! 陽光晨課先由柏寶操住, 五月中萬成過檔試閘後,埋門再由萬成再試兩課, 此初出馬有短途速度, 試閘有前有後, 在此若成冷門咪走雞! 一聲嘯乃舊馬中機會較佳一匹, 路程又正宗, 近況亦見接近, 有力憑較好經驗闖入一席! 工兵上仗雷聲大雨點小, 十幾蚊馬跑到一滴都無, 但賽後試閘及功夫都做足, 退熱後再縮程, 或有不同演出, 拖番穩陣!

第三場: 永同歡上仗對住天行者當然無得跑, 但全程跟任中間, 埋門亦未見力弱, 初跑泥地一哩有此表現已唔差, 今場由嚴顯強換上徐君禮, 戰鬥力有增無減下仲有多d磅減, 可謂輕上加輕, 可惜排個十檔欠理想, 但反正都係冷門, 搏埋個檔位, 吼下佢! 哨牙騅可憐又抽到外檔, 本身泥地及變化地最好, 上仗走位極佳埋門飲恨, 只要今場能再次做到上場走位, 應有力坐位望贏, 但余健誠始終難令人有心, 可勝非穩! 高風落四班後連場抽到劣檔, 今仗再報泥地一哩, 抽番個七檔, 應該可以重上正軌, 會有表現!

第四場: 亂局一場, 只係想吼隻威發轉泥有表現, 均速馬排四檔可順走, 搏佢放下放下放返黎, 餘駒無信心, 小注單W場合!

第六場: 爪皇泓金均速馬整個眼罩, 可望早段可以有更佳速度去領放跟守二三位, 本身質素不弱, 只係仍未全熟, 下季踏入四歲必上二班, 依家臨近季尾刻意加個新配備, 睇黎想馬上贏番場交代下先, 可優先捧場! 時代明星質素非高, 但四班應有作為, 上仗跑千二當然嫌短, 今場回師田草, 換上史科菲無咁起眼, 有分頭下可吼冷! 好奇妙上仗雖然輸得遠, 但早段明顯欠速度, 今場加程二百應該會好d, 再加上萬成賽後操到足, 極之重視, 應該有料到! 晶片王上仗谷草千二嫌短, 但飛數十足, 最後雖然輸左, 然而卻引起我注意, 奇怪不應熱而熱, 今仗回師正宗路程, 或有意想不到表現, 上仗可能放風放早左, 小心今場先係真波!

nithan

第七場: 此組論質素除去壹子彈外, 應該排到心福, 但壹子彈仍不堅持增程, 而我則仍堅持飛左佢, 所以以心福為首選, 心福本身只三歲, 但已有兩冠兩亞係手, 上仗增至千六本來應該唔差, 但跑來未見佳處, 今場馬上回師千四, 意識良好, 九檔可走外面二叠守三位, 唔會塞車兼可順走, 今場對手非高, 應有力再取一場頭馬! 勁財寶唔會獨沽一味泥地, 草地無問題, 有雨會仲正, 當起馬三甲要預埋佢! 小戰士前仗放得唔錯, 但上仗衰到唔放仲要沿途走大外叠, 半程未過已知輸硬, 今場馬偉昌分身乏術換上杜鵬志, 影響不大, 慶幸抽到二檔, 唔放都應該守到好位, 可爭上名! 永旺駒近日有雨應該有點幫助, 要佢做第四選最大原因係徐君禮騎, 告仔馬用佢要留意多少少, 既有場地之助雖抽外檔亦可作配!

第八場: 夢寐以求一定超三班, 上仗大敗只因健康意外, 小休後埋門功夫未算辛辣, 但在此組已有足夠能力及機會以較佳質素佔優, 同系馬三陽啟泰, 齊齊發, 過關博士, 好運贏家, 新里程, 幸運之寶等等, 俱為泥地好手, 此駒今仗雖為初跑, 但估計問題不大, 今場有幸抽得二檔, 能放能守好位, 跑法主動有彈性, 但既為初跑, 當然放頭好過, 費時食泥唔肯跑仲死, 最大優勢係對手弱, 只要健康無礙, 應可輕勝一仗! 多多勁駒班底始終佔有優勢, 上仗跑來雖有點失望, 但寄望能憑泥地性能提升名次, 檔佳可配! 綠茵飛駒泥地曾輸唔遠, 今仗棄見習生而用杜利萊, 三檔亦好, 既有出擊之意, 三甲可預一席! 大家興旺用萬成始終硬淨好多, 只要場地唔好大多雨水, 威脅力必大增, 機會仍在! [夢寐以求退出, 配腳補入泥佳兼近況復甦既新里程, 但是場無馬膽, 屬互串場合]

第九場: 喜皇寶一枝獨秀之感, 雖然要係二班以三歲身份負上132磅, 但本身千二多磅身重, 影響減低, 加上實力優厚, 初出已能視一眾二班馬如無物, 今仗場對手無大幅增強, 有力繼續贏馬做未敗之師! 黃鑽石質優體弱, 但屬唔好唔出, 出親都有功課交, 有留意必要! 步步速有卡士有實力, 路程亦好, 能給予喜皇寶最大威脅應非佢莫屬, 但今季連場硬仗, 加上己年介六歲, 戰鬥力有減無增, 變相喜皇寶佔優, 但面對其餘對手, 要爭入位卻不難! 藍基因仍未見盡, 但應該唔會係太高個種馬, 除去上三匹外, 論質應數到佢, 當起馬拖埋無妨!

第十場: 芙蓉鎮重投沈集成後第二仗, 係精英跑千二, 該仗負上133重磅, 面對燦惑和紅旗飛揚等強手, 返黎都衝得唔錯, 只輸個幾馬位, 其後便一直跑級制賽公開賽, 面對頂級對手當然無力施為, 今場回跑久違了既一班賽, 兼跑曾取得佳績既千四, 再用到徐君禮減十磅, 只算120磅, 可謂極之吸引, 不論作配還是吼冷, 當為首選! 喜利多千四好, 若落雨仲正, 今場對手弱, 如果想贏應該趁此機會再執一場, 此駒若有失可取而代之! 得運寶回師千四又取得極輕磅之優勢, 放得順返黎都好大威脅, 可爭冷位! 富盈千四始終會比千二好, 只怕上仗爆冷腳後今場成熱, 如非熱得過份, 乃正路配腳!

第十一場: 跑得快轉投葉楚航後, 上仗試馬味濃, 今仗賽前鄭雨滇當寶咁死都唔放心, 一手操到實兼操到足, 季尾轉馬房, 埋門又操到十足十, 似想係收鑼前幫馬主贏番場, 今場對手未見突出, 有力在此贏馬交代! 威勁多增程必好, 可惜無左霍達, 但易配金仕芬應該能繼續交出佢本身個段後勁出黎, 首要配腳! 最佳拍檔中長途馬, 但礙於本身三歲, 馬房部署不急進, 讓其慢慢適應慢慢增程, 對年幼馬實屬明智之舉, 三班未盡, 屬實力份子, 應可繼續前列歸來! 金碧滿湖已順利養回, 馬房應記一功, 近仗走勢穩定, 雖然縮程而來, 但用馬房愛將萬成, 卻引來我憧憬, 吼下做腳無妨!

第一場: 特區寶, 勁爆力
第二場: 常歡笑, 陽光, 一聲嘯, 工兵
第三場: 永同歡, 哨牙騅, 高風
第四場: 威發
第六場: 爪皇泓金, 時代明星, 好奇妙, 晶片王
第七場: 心福, 勁財寶, 小戰士, 永旺駒
第八場: 多多勁駒, 綠茵飛駒, 大家興旺, 新里程
第九場: 喜皇寶, 黃鑽石, 步步速, 藍基因
第十場: 芙蓉鎮, 喜利多, 得運寶, 富盈
第十一場: 跑得快, 威勁多, 最佳拍檔, 金碧滿湖

[ 本帖最後由 nithan 於 2006-6-3 12:36 PM 編輯 ]