nithan

引用:

原帖由 siu_ma 於 2006-6-17 11:44 AM 發表
今期踏入黑仔階段新低點，手錶、psp、水龍頭，冷氣全部要修理、老婆手機差唔到電、最大鑊就係呢兩個星期左肩背痛，星期四睇脊醫，話係頸椎同背椎勞損、移位，神經反射令左邊背同左手唔多郁得，日日要做針灸推拿同 ...

乜黑仔成咁, 希望快d旺番, 趁季尾三次賽馬執番多少!
昨夜d波輸到仆直, 捷克輸, 意大利又和埋, 唉...............

nithan

報名表出左, 見黑鷹於五班千八上陣, 近況發神經密密跑一千千二, 又泥又草又谷草, 此駒季初贏千六個場唔差, 贏左後加左七分, 之後跑左成十一場, 家陣減左成十分, 仲低過贏馬時候, 其實一早話左佢係中距離甚至再長少少既馬, 千八絕對係合適路程, 馬超四班有餘, 吳定強真係夠膽死減到落五班跑, 即使負上重磅, 亦必屬大超班馬, 今場贏唔贏到只係等吳定強一聲令下!
再刨刨, 等埋排位便有謬論出! :014:

nithan

引用:

原帖由 eternally 於 2006-6-19 02:21 PM 發表
nithan兄：係咪追到黑鷹贏為止？

唔好話追,  上幾次我只係私人買, 都無推介佢俾大家, 因為覺得機會不大! 而私人買係因為佢列入我今季銀行馬名單, 要次次買, 如無意外今次會係佢今季最後一次上陣, 希望標到尾會啦!
死人吳定強, 近況見佢亂報名跑都估到佢想減到落五班先郁手, 不過唔知今場合唔合個死佬胃口, 表現睇佢係五班跑, 仲要跑正過千六既千八, 雖然未跑過, 但必屬射程範圍, 所以睇埋排位, 如合心意可能先推介俾各位!

nithan

近來忙於睇世界杯, 好彩都有得執下, 唔駛齋睇無錢收, 而賽馬只剩下三次賽事, 因公事有點忙, 所以唔長篇大論, 只簡略推介五次心水馬膽推介, 就係馬友利, 黑鷹, 喜樂趣, 喜皇寶和勁財寶, 我都諗住買W過關, 至於五乘幾就要睇埋賠率先決定! 希望各位波馬享通啦!

第一場: 馬友利
馬友利用王志偉減磅, 對二歲馬幫助極大, 抽一檔可順走或順跟, 跑法及檔位俱對騎師走位要求減低, 再加上此駒成熟進度比同場對手好, 質素亦已證明, 匆出而來刻意用見習生減磅, 可能係想乘新馬對手較弱, 可先再贏一場, 不用等下季插班對年長馬難度增大, 所以睇好佢有力率先贏馬插班去矣!

第二場: 黑鷹
一早等佢增程好耐, 近仗全部跑短, 減分意識極之明顯, 四班有能力之馬, 卻要刻意減到落五班, 佩服馬房異於常人之部署, 曾於田草千六輕取金沙田和好樂意等對手, 五班大超級, 今場點跑真係唔知, 但相信熱極都會有個譜, 即使大熱都應有三倍以上, 只搏馬房出擊之意, 肯搏豈有敗理? 當然除了有意外, 例如漏閘等等, 然而見馬房早排係咁跑, 唔等下季就再出黎跑五班, 估計係想先係五班穩食一場, 下季四班再玩賠率冷食! 今場即是今季最後一戰, 捧佢贏馬之餘, 在此亦推介作馬膽! 同場威發鬥志必佳, 但質庸, 可小注單Q!

第四場: 喜樂趣
喜樂趣乃除黑鷹外, 同日另一匹本人之銀行馬, 今季搏完一輪終於取得贏馬兼連捷後, 曾安排小休, 於泥地熱身後, 便於谷草一哩排劣檔跑入第三名, 論馬四班必未盡, 今場雖負重上陣, 但抽得五檔, 比前幾場好跑好多, 今場有力坐位望贏! 配腳可考慮紅酒甜心, 富貴玲瓏和駿駒飛躍!

第八場: 喜皇寶
喜皇寶不想解釋太多, 我睇得佢好高, 下季中距離頂班份子, 上仗輸場地輸磅位兼輸路短, 負磅驟減, 同場高分馬實力非強, 全部已見盡, 唔介意賠率乏味可作過關變倍器, 勝望甚高! 配腳以騏綵和長驅較有威脅!

第九場: 勁財寶
勁財寶泥地全部上名, 可謂泥地性能極佳, 前仗贏馬睇住對手黎食, 極之輕鬆, 今場以天行者為最強對手, 但天行者準繩度不高, 會有風險, 所以對勁財寶信心較大, 加上又用番戴勝, 拍個五檔續可守好位, 就算天行者真係放得出, 都可以咬到有利位置, 加上同日方嘉柏屯重兵, 應可看高一線, 膽材! 對手除天行者外, 可留意順利取勝和全德勝!

[ 本帖最後由 nithan 於 2006-6-24 09:27 AM 編輯 ]

nithan

cissp兄, 心水和你有點相似, 希望個日跑出黎都同我地D心水似啦! :014:

R1 天外有天+馬友利+招積仔, don't know about 任志剛's 自己友 !
新馬賽馬友利應是大熱, 減磅後機會更樂觀, 單w之選, 除非你的配腳有好賠率, 否則應收錢為上!

R2 領先機>菠蘿飽+黑鷹
黑鷹乃本人今季銀行馬, 俾吳定強玩到七彩, 實力大超, 戰意難測, 所以你作配亦無妨, 菠蘿飽上仗嫌短都贏, 應有分係手, 但一跳跳咁多卻難有信心, 所以做腳都幾對路, 但用領先機做膽卻有點擔心!

R4 富貴玲瓏>寰宇風情+喜樂趣+紅酒甜心
富貴玲瓏增程必好, 輸一場後可拖回馬槍, 只因我鍾意喜樂趣, 所以同你唔同膽, 紅酒甜心都係必然配腳, 寰宇風情則不看好, 但你拖左, 如非太冷我都會信下你!

R5 活力驍>威威之星+新相知
第五場無心水!

R6 寶威軾+快而威+德雲才智+美好祝福
表面乃寶威軾和快而威單打獨鬥, 但韋達和神仙卻可能隨佢地任開, 睇賠率做人, 實力則應以快而威前景較高, 第三選和你一樣, 都有美好祝福! 我覺得係這三隻跑!

R8 騏綵>喜皇寶+新東武士+長驅
三隻心水和你一樣, 只係無要新東武士!

R9 正隆
神仙雖有心幫佢贏, 但實力真係唔掂.......................止於次搞!

R10 大圓機>壹子彈+水晶皇+快捷勝
大圓機仲有得上, 一樣心水! 壹子彈上仗雖勝, 但千四真係嫌短, 加上磅位又重, 係我心目中係拖唔拖都得!

nithan

今朝返黎再刨左一刨, 見到隻野可以吼下, 就係第三場隻高風, 早前係三班不停減分, 一落四班大把人馬上吼實, 吳定強無即時郁手, 跟住兩場一場千二一場一哩都排外檔, 想惡都惡唔出, 但返黎都輸唔遠, 而最近兩場都係濕泥上演, 結果排十四檔個場輸成三十多個馬位, 上仗排七檔好少少, 但都輸成七個幾, 和早排既好泥明顯有差距, 而明天估計會係好泥上陣, 抽到個四檔唔駛再排外檔, 對此均速馬幫助極大, 而且用個唔多起眼既杜鵬志, 再加上近排輸怕唔少人, 所以今場應該會有d賠率, 諗番起係三班時, 個個卻認為佢一落四班就超超地, 如果真係今場先現真身, 咁就算係會有超賠率既抓銀機會, 吼得過! :017:

nithan

馬友利下季插班後前景仍樂觀, 但唔會係一班頂既馬, 所以趁早期贏馬收錢後, 升班時便要先觀望!
黑鷹仍輸在吳定強手, 今季選佢做銀行馬係失敗之作!
喜樂趣已在四班三W, 升三班仍會有進帳, 但唔會係好超班個種, 下季三班輕磅可再捧!
喜皇寶和勁財寶突然無左戴勝, 但未致於慘敗, 三甲不入, 前者係中距離馬, 目前可能千二已嫌短, 但後者卻在柏寶跨下大敗, 死因不明! :022:

nithan

昨夜食完飯刨到十一點先睇波，贏意大利輸瑞士，過唔到關，好彩睇左意大利上半場便放棄唔睇，悶到嘔，否則捱夜兼輸錢，雙重損失，今晚巴西熱得過份，加納係初生之犢，可惜無左艾辛，不過這場我都打算唔買，單場買西班牙贏，法國目前跟本唔同班，西班牙明顯高好多下，陣中要員上仗又休息左一場，實行以逸待勞，而法國上仗仲要全力打緊硬仗，後者雖然施丹出得，但已年老力弱，係隊中起到既作用不大，只可算係精神支柱，遇到起當之西班牙跟本係螳臂擋車，預計西班牙可勝，波膽正路估二比零，有九倍，但入多球三比零就有廿五倍，無理由唔搏埋，單W西班牙加兩注波膽，嘻嘻！講番正題，今次乃今季最後一次谷草賽事，跑埋星期日就收工，季尾體力佔優馬會較著數，隻隻都跑左成季，跟前跑佔到先機亦有優勢，所以首要推介乃森威力，此駒今季搏得不多，能匆出健康不用擔心，跑法主動體力佔優，首選推介，而一對告仔馬幸運鑽石和藍基因亦唔算跑得密，同樣能守好位之馬，加上兩駒質新當打兼又有不俗既上升空間，可能係今季告仔最後一次起孖賽事，最後就搏埋雙T場合隻夠信心，增程一哩必更合適，跑法比同場強手主動，入直路能輕輕走甩便足以取勝，是晚韋達籌碼強勁，希望戰意能旺盛吧！總括今次推介係：森威力、幸運鑽石、藍基因和夠信心！

第一場：今場只喜歡一隻永同之寶，正所謂老馬有火非同小可，難得表現水準穩定，加上已年介九歲，無保留必要，近仗亦幸運地抽得好檔，今場二檔繼續有助，徐君禮已騎慣騎熟，減十磅可再快放，坐位望贏好易做，一W三P有運到！

第二場：爪皇泓金已篤定成為下季本人之銀行馬，至少上到二班，目前未全熟，初出便已在谷草入位，加上同系馬亦擅谷草，所以今場轉戰谷草一哩，不但影響應該不大，反而對手減弱有幫助，唯一擔心係唔知佢肯唔肯走前面，若又好似上次有意外留後左就大件事，論質必冠全場，而且已輸怕唔少捧場客，應有點分頭，寄望能施展均速跑法，膽材；呈祥早期減分多，近況終見反彈，同程屬首本，上仗輸少少只屬欠運，韋達今場再親自出策，排檔轉佳下，有力補中，前駒大敵；更奇妙上仗後上走勢極之吸引，若非早段留得過後，應該有力一爭，上場可能因九檔索性放棄頭段，以免蝕位，今場排五檔估計會守更佳位置，萬成繼續效力，可預期會有好表現；晨曦彩虹今季表現失望，但見佢減左唔少分，而且上場三班千八跟得唔差，有點惹人憧憬，今場落番四班跑，重磅都用鄧迪，可以做冷腳！[爪皇泓金退出，可加入檔佳既手袋精英作配！]

第三場：今場睇得上眼既馬唔多，所以鴻運至尊應該有好大機會連捷，雖然話係四班上三班而只輕三磅，但上次熱到廿四蚊贏馬，信心極大，遙遙落後跑第二既一聲嘯其後都已贏馬，今場上三班跑，但對手卻極之普通，預計又會係大熱身份出戰，初跑谷草兼排十一檔雖差，但谷草一千有足夠時間俾佢搵靚位等轉彎，而且本身有一定前速，今場亦有快馬在陣，估計應該可以順利切入，丹山一族初出即有好表現，前景應可看好，升班遇弱連捷機高，位置無肉食，單W投注對象！[見開飛後鴻運至尊有成四倍，太好分，信心度輕微減低，反而幸運派彩有十倍兼加個眼罩可以加入冷吼考慮！]

第四場：夠信心開竅後場場有獎金收，年初輸左一場後小休至五月才復出，結果仍能馬上取得佳績，輸俾頭馬有作為唔夠一個馬位，而第二名既開心之星和第四名既夠信心其後都馬上取得頭馬，足見水準極高，而接戰上場只能屈居第四名，全因場地變化影響，此駒初出一役於好至黏地上陣，卻大敗二十多個馬位，除了因為未熟外，估計多多少少都有關唔喜歡跑黏地，先會輸得咁遠，上仗係黏至軟地上陣，能捱回一席第四已算合格，只要星期三放晴，此駒機會可以抱樂觀態度，可能有人會懷疑佢既谷草性能，因為佢初出一役正正是在谷草千二大敗，而我估計卻非戰之罪，上文已提過場地及未熟乃主要因由，今場再回帥谷草，抽得一檔，此駒既有前速，睇唔到咩理由擔心會影響到佢，而且對手可謂減弱不少，極之有利，只係唔明馬會點解會將這場放係雙T場合，唔通臨季尾益下專吼大彩池既馬迷？放下陰謀論不理，此駒當屬首選！真叻仔同擁高質，上仗休出亦能係嫌短千二走入第三，喜見腳患馬賽馬能匆匆再戰，兼且增程至一哩更為合適，論質和此駒及伯仲之間，但排九檔早段難走位，再加上跑法被動影響競爭力，故淪為次選；英明大師遲熟中長途馬，但迄今已能取得兩冠，全憑本身質素兼跑法有利搭夠，今場轉戰谷草，本來可吼對手減弱機會大增，卻不期然碰上上述兩匹高質馬，預計下季會係長些既路程有唔錯既成績，今場除非有超慢步速俾佢帶到，否則應該難贏前兩駒，但爭一席位置卻應有能力；綠駿之威接連兩仗於柏寶跨下發揮欠理想，今場換上唔起身既賴維銘，賠率必大幅回升，小心回馬槍！

[ 本帖最後由 nithan 於 2006-6-28 10:00 AM 編輯 ]

nithan

第五場：安翹上仗已屬心水，好似仲有推介作馬膽，結果退出左，上仗預計會由佢自己慢放，但今場卻多左同類型均速馬在陣，未必能放得好慢，自由武士、跑得好、凱駿等，都可以上前令步速有變數，所以反而想吼下隻後上馬高暢，大摩接手後已跑五仗，場場都跑得接近，但最叻只得個第二，同程更試過輸一個馬位俾綠色天地，然後後者磅位已加至132磅，跑二千二係非常吃力，而此駒則仍處於輕磅，更用到谷草好手韋達壓陣，似係不求賠率想要係今場贏馬交代，再加上均速馬多，步速即使唔快，都應該唔會好慢，對此駒有利，可看高一線；時分秒突然強配萬成，令後此駒上力更為增強，同馬房有隻跑得好在陣，間接為此駒保證有一個合適此駒後上既步速，未容忽視；安翹雖未必能獨自掌握步速，但勝在質新當打，長途均速力強，要跑入一席三甲應該不難；確叻寶已見盡，評分只有少許便宜，在此組負磅非重，長途實力仍有點優勢，加上賠率會有少分頭，作配無妨。

第六場：幸運鑽石質素在此明顯高一班有多，強如寶樹勁盈亦在其蹄下稱臣，今場面對一眾三班次一級既對手而負磅又不重，而且谷草已有過經驗，雖初跑谷草既一哩，但抽得二檔可減低難度，再加上增程一哩後早段有足夠速度守好位，跑法極之有助，可能熱得乏味，但取勝機會的確極樂觀；功力勝前仗用萬成一注夾唔中，上仗成熱輸一場，今次易配柏寶，賠率會有適當回升，屬正路份子；先機近況跑法飄忽但仍有穩定水準，今場十一檔必留頭鬥後，跑法無優勢，但勝在此程首本兼準繩，場場都跑得近，開竅後從不大敗，三甲可預一席；友誼第一排檔轉佳，負磅仍極輕，步速仍會是由其掌握，應會乘勇搏埋今場，下季先全心全意減分，半冷可吼。

第七場：藍基因非正宗短途馬，前仗谷草一千藉對手弱先贏一場開齋，上仗回師田草面對強手仍所負不遠得第四，今場再吼谷草而來，跑比一千更合適既千二，排四檔比同場外檔馬可節省腳程，本身亦是有前速既馬，應該可以守到好位，入直路再一攻而破，三歲馬會有進步餘地，是晚告仔手馬唔差，可能會大舉出擊，穩位望贏之選；青蝠王已開竅，上仗上二班即能再勝，今場對手雖然增強，但路有專長，排劣檔對後上馬影響較少，仍具威脅；黃鑽石配韋達，我來也則用息息再關既萬成，後者乃韋達做唔到磅而易配，前者則有腳患而擁高質，最簡單就係乜都唔諗，一對要哂。

第八場：森威力乃本人今季之銀行馬，來港兩年多，卻只跑過十場，但仍取得一勝五位佳績，主要原因可能係本身健康有問題，上仗久休近半年，於田草千六仍能跑入季軍，足見評分及實力俱有睇頭，今仗能匆匆再戰，健康無礙名次必能提升，睇番佢休息其間，韋達經常親自密密操住，生怕俾人搶走咁款，其實今季我的確幾睇好佢，估計最少有兩場頭馬，可惜健康有問題，跑左四場便要休息，未能取得預期佳績，而路程方面，由一哩增至千八，必定更為合適，其實再長些可能仲好，初出一役已曾以冷門在谷草一哩走入第四，可見谷草性能不俗，今場排二檔，韋達應會守好位，發揮其均速性能，賠率會比上仗熱，但應不會乏味，可作膽；機緣之都反正用邊個都熱，索性繼續用鄭雨滇，熱碼熟知馬性，近三仗於谷草一哩皆姍姍來遲，埋門欠運，但每仗跑來末段俱如狼似虎，論馬評分必有上升空間，但跑法被動兼勢成大熱，弱勢馬房成熱亦有介心，作配較宜；上海金用徐君禮當然無高雅志咁硬淨，但百三磅馬用見習生減磅卻帶來不少優勢，千八亦比一哩好衝，老馬告仔已交代，餘下時間必用盡，冷配佳選；鑽飾年代谷草經常有好追勁，用鄧迪亦甚合拍，雖重磅但仍有力追入一席三甲。

總    結：
第一場：永同之寶
第二場：呈祥、更奇妙、晨曦彩虹、手袋精英
第三場：鴻運至尊、幸運派彩
第四場：夠信心、真叻仔、英明大師、綠駿之威
第五場：高暢、時分秒、安翹、確叻寶
第六場：幸運鑽石、功力勝、先機、友誼第一
第七場：藍基因、青蝠王、我來也、黃鑽石
第八場：森威力、機緣之都、上海金、鑽飾年代

[ 本帖最後由 nithan 於 2006-6-28 10:01 AM 編輯 ]

nithan

引用:

原帖由 JockeySmart 於 2006-6-27 10:53 AM 發表
:003:

天時暑熱 , 最好嘆返杯凍奶茶...

森威力 VS 機緣之都
幸運鑽石 VS 先機
藍基因 VS 黃鑽石
夠信心 VS 步步叻

PQ四乘五, 單Q四乘十一玩下都好! :014: