第六場: 爪皇泓金上仗已篤定為冷腳, 上仗賽後操得食得, 健康應無礙, 論質素必超同場對手, 增程簡直係好到暈, 只係怕賠率大幅變熱, 若有四倍過外, 可買單W, 若四倍以為, 作Q膽為佳, 因值搏率已偏低, 膽材! 紅酒至尊上仗飛數十足下贏得險, 但勝在反映幕後信心十足, 三歲馬仍繼續進步, 跑法主動有利, 可爭三甲! 耀目上仗縮程搏賠率失敗, 但跑第二已算唔容易, 增程千四可繼續上名! 榮利俱全上仗爆唔出而易配史科菲, 咁我寧願要鄭雨滇隻馬中龍, 前仗縮程贏唔容易, 冷腳! 超勁轉場對手大幅增強, 不樂觀! 反而真係贏轉場因本身有底質未必蝕底, 馬房似養回, 但已拼盡單靠卡士, 作配則無防!
順序心水: 爪皇泓金--->紅酒至尊--->耀目--->馬中龍
第七場: 勝利飛駒反正邊個騎都大熱, 索性搵個蘇銘倫, 戰意可嘉, 今季四戰只曾負深不可測既活力寶蹄, 千四時間亦交足功課, 連拼四仗後小休明智, 埋門試埋大閘, 應能再於前列歸來! 心中有理重配霍達, 路合態勇, 可再爭上名! 印度之星今季贏馬一役殊不簡單, 其後場場收埋未郁手, 今場對手少, 分分鐘又黎, 杜利萊唔放手應仲有料到, 冷配! 搏得威係今場兩大路人馬既混合體, 大摩和神仙分分鐘造佢出黎, 而且千四戰績好, 成冷不可不防! 危險大師投神仙後仲未贏馬, 重配韋達, 鬥志應佳, 只忌馬見盡, 熱得唔抵! 好有利千四先係正宗, 但實力見盡, 二班才考慮!得運寶繼續輕飄飄, 但未必能再有上仗表現!
順序心水: 勝利飛駒--->心中有理--->印度之星--->搏得威
第八場: 新一代愛駒永利好, 上仗升班無故留到咁遲先上, 試馬味濃, 可憐我卻俾人做左試驗品, 今次實行本息歸還, 本身未脫三甲, 三歲馬實力仍未見盡, 必仗比仗進步, 只要肯留在好位, 末段未必唔夠幸運戰駒砌, 今場幸運戰駒分分鐘成為十幾蚊馬, 而永利好會直接得益, 個人有信心佢可以砌低幸運戰駒, 首選! 幸運戰駒上仗久休即輕勝, 失新鮮感下增程千二明智, 否則又會重演上季次仗表現, 檔佳有利其跑法, 可減少早段耗力機會, 實力未盡只嫌乏味, 有機會和永利好上演單打獨鬥場合, 希望勝哥唔好縮啦! 大發雄威千四應無不可, 強配而來, 大摩愛打老虎, 實力稍弱, 但冷配無防! 新東武士退熱下或有不同表現, 正路配腳! 魅力漢子上仗一好分即輸, 戰意難測, 已六歲只跑分而不要期望進步, 有超強手未必會郁! 另具一格久休半年多, 洗毅力操足而配杜鵬志, 輪馬有卡士, 新鮮感下千四可應付, 在同場對手都懼敵下, 或能意外地殺入冷位!
順序心水: 永利好--->幸運戰駒--->大發雄威--->新東武士
第九場: 喜德寶上仗輸俾大勝既好爸爸, 敗不足辱, 本身非早熟血統, 純跑質素, 將來應有力上到一班, 今場再無好爸爸一族, 加上勝哥今日重兵在手, 可持輕制敵, 有力再闖凱旋門! 喜勇駿上仗贏得輕鬆, 對手增強而蘇銘倫肯再騎, 有力爭佳績! 多快樂上仗贏得易, 增程刻意唔用韋達, 無非係想繼續有好賠率, 放韋達騎有聲氣, 而如果有聲氣係好野, 蘇銘倫就唔會放心, 以此推斷, 多快樂仍有冷機! 源利多有質, 可惜健康問題, 浪費了其寶貴光陰, 已年介五歲, 卻只跑了五場, 真係空有一身武功, 而無用武之地, 令人婉惜, 而今寄望告東尼能再展魔術手, 助其回復應有本色, 若真係跑得番, 當是今場前列份子! 最佳拍檔四班贏馬後上三班, 連輸兩場後換上徐君禮, 只負103磅, 輕成咁一檔順走, 真係想搏無人信?
順序心水: 喜德寶--->喜勇駿--->多快樂--->源利多
第十場: 好爸爸上仗姿勢和時間, 在此頗有一枝獨秀既感覺, 勝在鬥志好唔怕熱, 爭分打比必拼盡, 上仗勝後更覺質素比想像中更高, 打比亦不無機會, 幕後雄心必起, 勝望甚高! 自然好毅然放棄谷草百萬改爭沙田, 可謂自視甚高雄心萬丈, 論實力必未盡, 但突然除眼罩動態未明, 作配為佳! 首飾之星神仙貪賠率累事, 否則已勝, 千四短就場場跑, 一增就隔上千八而棄贏過既千六, 最後贏馬一役仍輕勝三個馬位, 評分大有機會未盡, 重上正軌可繼續爭三甲! 一口田上仗根本就熱得唔抵, 今場賠率應大幅上升, 回跑千六可再上名, 配腳佳選! 如雷上仗處心積慮要爆, 惜僅負, 能贏龍冠不簡單, 但未必再咁快黎! 飛躍龍門上仗賺步速之前, 未必能再上名!
順序心水: 好爸爸--->自然好--->首飾之星--->一口田
