smboby

近排雖然因為收鑼關係無左英超睇，但因為雞寶播緊AC米蘭歐聯最經典關係，得以睇番過氣球賽，剛睇完AC係2000至01年度對列斯聯，實在令人回味當年列斯聯既高水準發揮，當年領隊「奧拉利」實在居功至偉，帶領列斯聯第一次晉級歐聯即有好表現，果然勁呀！去餐廳同廠佬文吹水，原來佢係當年列斯聯番屎．．．．．

廠佬文：「奧拉利」當年勁呀，識得用一班唔出名既球星，殺到入歐聯準決賽．．．．．

波比仔：係．．．係．．．．但我就話馬壇既「奧拉利」仲勁呀！近年呢個父系係香港可以話係非常成功！今年又黎一隻好野「威利來」，星期日自然要睇住呢隻大熱門啦！

廠佬文：睇你都無心機講波架啦，咁呢隻大熱門有乜咁勁呀？

波比仔：「威利來」啱啱贏個場唔好睇佢由頭放到尾好似好Easy咁，查實絕對唔野小！個日根本無一匹放頭馬可以入到三甲，而且好多放頭馬最終都大敗，可以見得到呢隻「威利來」當時有幾不利，而頭八百雖然做47秒2唔算快，但亦唔算係好慢步速下賺形勢而贏，所以呢隻能夠係當日做出Impossible既動作，絕對要買佢啦！

廠佬文：嘩！熱到燙手呀，點買呀，贏左都唔夠比呢餐呀！咁有信心不如你買，呢餐我請啦！

波比仔：哈哈，好彩同場仲有一隻冷野，就係「耀目」，上次跑得三已經幫我lam唔少，翻睇番上場對手係乜？「再領風騷」是也，「再領風騷」最近贏乜馬呀？「喜蓮精彩」之麻．．．．．最重要係佢當日實在演釋Racing Impossible，因為當日跟本無一隻馬可以沿途三叠下走入三甲！「耀目」正是全日既唯一．．．．．咁．．．．「威利來」係咪有對手？單Q單位置Q有得諗！

廠佬文：咁都好少少，咁呢餐你請，你講到中梗咁．．．．．

波比仔：贏左都未夠請你食飯呀，咁搭埋落去隻「山東名將」啦，呢隻飛哥既馬，據講係梁校長幫佢買，老友鬼鬼自然唔好失禮，果然隻馬到依家已經兩W，其實呢隻馬應該仲有，上次泥地其實已經表現好好，但最令波比仔印象深刻，係佢前次贏1200米，係全日唯一快過班際時間既頭馬，really．．．．Impossible！咁既賽績，係人都睇實啦！雖然唔好分，但過關都算還可以架！

廠佬文：多謝晒啦，都係你請啦咁．．．．

波比仔：你當當老細由我請客唔多有型喎，而且．．．．呢餐都只係．．．．大家鑊．．．．啫

廠佬文：#!$&$*&(sder^&$%^

[ 本帖最後由 smboby 於 2007-6-27 02:47 AM 編輯 ]

smboby

引用:

原帖由 goedwin 於 2007-6-22 11:09 AM 發表
兄弟轉型寫小品, 都幾生鬼

悶悶地....咪玩下野囉......

生鬼....好....下星期再生鬼啲!!!!

smboby

引用:

原帖由 davidky 於 2007-6-22 01:03 PM 發表
10 pop:036:

多謝.....

smboby

聽聞本地單車一哥寶寶大戰長途馬王，最鍾意拗頸既炮仗梁當然會同波比仔拗餐飽架啦．．．．．

炮仗梁：波比仔，你話本地單車一哥寶寶大戰長途馬王，邊隻．．．呀唔係，係邊個贏至啱！

波比仔：唉．．．原本小弟好崇拜寶寶，但竟然鬥人都仲未夠，為左錢，依家要同隻畜牲鬥．．．恕小弟無心情同你拗！

炮仗梁：細路仔就話玩泥沙啫，堂堂本地單車一哥，應該唔會玩野，會落足十成功力鬥隻畜牲啩，我買寶寶羸！

波比仔：佢梗係落足心機去跑啦．．．點似啲冠軍騎師咁，得閒玩下野呀！

炮仗梁：講開冠軍騎師，騎師界既寶寶就開到聲話無機會爭，但明晚佢又有機會發威喎．．．．特別係隻「藍基因」，我幾睇好呢隻野！

波比仔：呢個寶寶我都鍾意架，而「藍基因」同路啦，上次係全日泥地唯一一匹可以沿途外叠而走入三甲既馬，而且隻馬1200米發揮無1000米咁好，今次仲要跑谷草，隻馬鬥心同單車界及騎師既寶寶一樣十足，好少欺場，買得過！

炮仗梁：咁同我同路呀！係咪？！

波比仔：錯！我支持長途馬王贏單車寶寶！

炮仗梁：咁你食自己，我架車同你唔同路，Benz要去港島東，你返港島西，唔同路，自便！

波比仔：．．．．．．．．．．．．．．

smboby

引用:

原帖由 apindychow 於 2007-6-27 09:28 AM 發表


有第二回:096: 幫手推下先:098:

哈哈.....一找到隻好野就會有架啦.......仲有大把"回"呀!!!! 支持一下啦!

smboby

引用:

原帖由 jjChui 於 2007-6-27 01:48 PM 發表

一齊幫手推！:071:

陰陰咁笑.....






我like呀!!!!!