99 %中
歐聯G組賽事,波圖主場對莫斯科中央陸軍,今場比賽勝負關鍵在體力分野,俄羅斯聯賽已經進行一半以上,球員已經踢到殘殘,今場仲要遠赴到葡萄牙比賽,精神及體力消耗更大,波圖可以憑較佳體力贏波,主W抵玩。(now 687周四凌晨2時45分直播)
歐聯呢類高水準賽事,壓迫性相當高,少一分體力足以影響局勢,如果兩隊硬鬥硬搶中場的話,所要求體力更大,而莫斯科中央陸軍就係欠缺呢瓣本錢。俄超聯賽已進行一半以上賽期,球員身心難免疲累,歐聯賽事對俄國球隊講係一大考驗。雖然莫斯科中央陸軍曾經○四至○五年球季贏得足協盃冠軍,但要知道足協盃與歐聯級數有好大差距,莫斯科中央陸軍於客觀條件上唔算有利,作客波圖好難打。
開季連盃賽三連勝
連同葡萄牙超級盃,波圖其實已踢三場正式比賽,球員有足夠賽事催谷狀態之外,體力方面亦未有大幅消耗。波圖係○三至○四年球季歐聯冠軍,計級數一定高過莫斯科中央陸軍,結合三連捷氣勢,有望將連勝紀錄延續下去。