我有個friend既細妹在廣州讀書, 某日她在深圳火車站見到香港鄰居男戶主手拖一名國內妙齡女子。
香港男人同國內女子拍施好正常啫! 事實係國內女仔綜合質素不在港女之下吖嘛! 之但係呢, 呢個鄰居已經結左婚, 有一仔一女 (大約五六歲), 不過呢個男人o係大陸做嘢, 一星期返來香港兩日。我個friend話, 佢鄰居個老婆做會計既, 三十零歲, 師奶look。個老公都係三十零歲, 外表斯斯文文睇落完全唔似係會出來偷食果種男人。
:022:我個friend話個老人三十零歲, 生過仔女, 師奶look, 身材走晒樣, 吖! 佢係出來做緊野既........
令我最有興趣既係, 我個friend個老豆同埋佢老母兩個, 對呢單野有着截然不同的反應! 我個friend話佢細妹返到屋企就爆響口俾全家人知 (我唔係話佢細妹錯, 但有D野都係詐唔知就算!), 佢老母聽到之後呢, 就"鄧"隔籬屋個女人唔抵, 仲話想寫封匿名信爆大鑊, "zip"落隔籬屋既門"喇"度喎 (女人都係幫番女人?).........
我個friend仲話, 佢老豆平時好多野講, 但係全家人傾緊呢單野果時, 佢老豆居然做死狗粒聲都唔出, 又冇俾任何意見 (有其父必有其子, 我個friend都唔出聲, 心諗: "你老豆係咪都有個呀?")。但係我個friend老母同佢細妹就話想幫隔籬屋個女人, 想篤爆個臭人既野喎.........佢老豆真係冇鬼用既! 一家之主嘛, 點解粒聲都唔出呀?
過了几個禮拜, 我問番個friend呢單野點發展, 佢話最終都係冇爆到出嚟喎.......咁都啱既, 寧教人打仔, 莫教人分妻吖嘛, 人地仔女仲好細, 爆左出嚟對任何人都冇好處........... :001:
:024:總之, 要去滾就最好o係未結婚果時滾, 結左婚就最好修心養性! (未婚男人上去玩女人算唔算滾?)
