今日盤路分析—蘇超三場
1.些路迪對基爾馬諾克—初盤主1.22 和5.2 客9倍----話俾你知些路迪贏唔到都真係幾難有人信，對賽12次全勝，仲係好多次贏多過兩球添，不過再睇一睇些路迪個讓主1.8倍真係鬼上鬼，成個格局都係引你買讓主，加上1.8倍仲有好多落飛空間，如無意外，下午都過唔到就會去到1.75或者1.7，馬會開親呢d盤都無好死，1.22無唔會買，1.8你就好易落搭，因為心理上會話你知些路迪羸梗，搏多一球多成差唔多4賠分頭，點都搏讓主啦!咁樣通常都會出事，要險中求勝，呢場會搏讓球和，點解???大家睇睇個讓球和3.25倍真係好少見強弱懸殊既球賽，讓和會開到得3.25咁少，再加上些路迪近3次主場都贏對手2球以上，同埋對手近3場都只係1和2負，照常理都係大炒之局，一路以來和波同讓和都係比較少人投注，因為賭波又好睇波又好，總係想自己捧個隊羸到盡，邊有人想佢贏一球叫頂架?綜合咁多條件，呢場我既推介係
1.些路迪讓球和 3.25
2.入球單
3.波膽1:0 2:1
2.馬瑟韋爾對格流—初盤主4.4 和3.45 客1.65---一睇格流呢排既賽績相信好多人都會買近況fit爆既馬瑟韋爾，讓主都有2.05相當抵玩，再加上進取d可以買主勝4.4真係可以過肥年，但只要細心d睇一睇，格流呢隊波真係無咩路可以捉，無喇喇一場大勝之後又可以輸，輸完又可以贏，但你有無留意佢贏親既都係前列球隊，喜伯年同鴨巴甸，輸就會輸俾恩華利斯同福柯呢d cheap隊，就算佢對返些路迪都唔失禮，綜合呢d賽績，只係令我諗到一樣野，就係今季佢都要爭頭2名，打歐聯，但就無心爭冠軍喇，只要佢對住前列既贏到，係d cheap隊上失分問題都唔大，因為大家都明白鴨仔同狂喜其實只係歐洲三流隊既實力，即使對住國內d cheap隊都無勝把握，咁如果好似我咁講既話，咁今日買馬仔咪好穩陣???結論當然唔係啦，今日我推介既格流，但買之前大家要留意一下馬仔有無落飛，我估佢一定落，如果有落既大家不妨買多d格流，呢場完全俾我覺得係尋日利記對保頓之局，大家尋日見到咩境況啦，利記回飛一樣贏，因為好似我事前咁講，利記個初盤真係偏熱，完全係搏你買保頓，而保頓後尾既落飛只係調節，完全唔反映事實。呢次格流既情況係完全一樣，你叫人買格流讓客d人都話你傻，最多贏一粒，隨時輸埋添，不過我呢次就偏偏唔信邪，一於推介格流讓球客，大家買之前唔洗心急，我相信一定會愈來愈好分，到開波前先買都唔遲，最後點解我咁有信心?你睇睇馬仔呢幾場既好賽績佢贏既只不過係基爾馬同包尾既鄧弗，之前主場都輸俾登地同俾狂喜大炒，上次和到些路迪都要些仔呢位大佬放水先ok，唔好俾呢d賽績扼到。兩隊賽力差天拱地。格流咁好分真係機會難逢，一於去馬!!!
1.格流讓客 2.85
2.入球雙數
3.波膽 0:2 1:3(先前打錯左3:1)
3.鄧弗姆琳對赫斯—主4.6 和3.35 客 1.65---赫斯自從開季前有幾個主力走左之後，表現已大不如前，但爛船都有三根釘，係咁易都可以位於前列，暫時排緊第四，今場對住包尾大班鄧仔，就真係實食無「痴」牙，只不過睇晒所有盤口後，有發覺多少少野，就係係讓球主客和個度出左問題，赫斯既讓客2.85同格流一樣，客勝1.65亦同格流一樣，但讓和就比格流熱得3.3，以波論波相信如果硬要你買讓客既2揀1相信好多人都會揀赫斯，始終對手都係連輸幾場，又唔識入波，同埋包尾隊，但如果係咁個讓和點解仲會比格流熱呢?相信開盤手覺得呢場赫斯只可以贏一球，而我亦好相信呢場個客勝同讓客都會落飛，而讓和一向都唔會有咩飛數變動，所以綜合咁多條件，呢場我推介赫斯讓球和。
1.赫斯讓球和
2.入球單
3.波膽 0:1 1:2
最後一句，想買些路迪入球大既朋友要三思，些路迪實在領先太多分，加上對手格流又流到爆，似乎冠軍一定走唔甩，加上呢幾場都令好多人「利」唔少野，我相信呢排既戰果都唔會好正常，請大家買之前小心小心。仲有一個買強隊既定律，就係當你要2揀1買既時候，通常表面覺得穩陣d既結果都係累你多，所以今日如果要2揀1買既，逆思考買格流啦!
[ 本帖最後由 地獄社工 於 2007-1-2 05:32 PM 編輯 ]
