愛的彩虹

引用:

原帖由 aanunes 於 2007-5-24 06:21 PM 發表


當然唔會嫌你煩啦,你唔好客氣,有時我都唔一定中馬架,大家一齊研究下啦...下次見...:097:

今日埋單計數又係執得2舊幾...條氣麻麻順...不爽...閃人先...冇乜心雞...:096:

beanman

引用:

原帖由 aanunes 於 2007-5-24 06:13 PM 發表


其實 尾場條Q唔好分,如只睇WIN就唔多覺會咁熱....:026:  醉激 告仔今日只搏一隻就收工,跟住全部唔見影,如你有睇醉激點跑就一定激屎你..:046:

睇重播隻"最激"一出閘騎師就按住不停望馬腳, 以為隻馬有事, 但到未段馬匹已包尾位置栢寶又大鞭大鞭咁打隻馬............玩乜野啊"告仔""栢寶":046: :046:

aanunes

引用:

原帖由 beanman 於 2007-5-24 06:23 PM 發表

睇重播隻"最激"一出閘騎師就按住不停望馬腳, 以為隻馬有事, 但到未段馬匹已包尾位置栢寶又大鞭大鞭咁打隻馬............玩乜野啊"告仔""栢寶":046: :046:  

最難係估佢鬥志...:026:

aanunes

我都休息一陣先..:035:

himlees

引用:

原帖由 愛的彩虹 於 2007-5-24 06:22 PM 發表


今日埋單計數又係執得2舊幾...條氣麻麻順...不爽...閃人先...冇乜心雞...:096:

執好多喎，要請我食飯:096: :096:
贏左仲要怨，係咪想打:122:

aanunes

引用:

原帖由 himlees 於 2007-5-25 12:35 AM 發表


執好多喎，要請我食飯:096: :096:
贏左仲要怨，係咪想打:122:

彩虹變左啦,變左喜歡哂命兼扮野...:096:

aanunes

5月24日 賽後老點你
剩番10次賽事,要搵d馬會在剩番落黎既賽事再出擊都唔易,不過我仍然嘗試搵下呢類馬,希望季尾嬴開既就再嬴多d,輸左既就收復失地
昨天10賽事有一隻馬令我覺得佢冇發揮應有既表現,呢隻就係勁速猛將(當然因為我買左我先留意到啦),
我唔敢話隻馬狀態十分好,但應該有作戰水準,而且連續2場都唔係我預期既跟前跑法,連續2場都留後,但番黎又有d追勢又輸唔遠,會唔會教緊隻馬留後我唔g,至於馬房會點部署我都唔識睇(呢d野最好問職業佬,交過波比佢:096: ),會唔會留番下季盡用又唔g,但我一定會在剩下來既賽事繼續留意呢隻馬,如果再出1200-1600,我一定會再買佢(呢隻馬一定唔會熱)...講完..:034:

aanunes

5月27日 老點(陰謀論)提供
今次提供我會有小小改變,唔用正常情況去預測賽事,就用(陰謀論)去估下...志在令大家有啖笑,跟唔跟買隨便,(但我自己就一定會買番,除非睇到隻馬臨場唔對辦就另計)
第1場就已經好亂 吳,徐,伍各出2隻,要估邊隻主力都難,正常情況就應該唔玩呢d場合,但我鐘意向難度挑戰,而且富貴險中求,好彩估中可能有幾好回報,呢場我覺得頭3甲範圍應該離唔開 1確係叻 3快捷勝 4財昇旺 5好奇妙 7金鷹 12承基上,(12隻馬比左6隻如果都唔中就屎:044: ),我當然唔會互串,我會搵2隻馬做膽拖番轉頭..第1隻膽係1確係叻,呢隻馬早2場嬴同埋入位置我都有買,(其實嬴之前一場99倍我都有買,但嬴個次隔晚到臨場d飛都唔過40倍,應該食得幾應)隻馬有幾叻我就唔g,但我只係奇怪點解好地地嬴左馬再出跑第2後跟住配韋達(用陰謀論去估可能係想散熱,而且華哥剛剛賽日醒左一隻金好彩比柏寶嬴馬,可能華哥都想柏寶嬴冠軍騎師掛,所以就比隻馬韋達跟跑)..,加埋上2次嬴左馬應該飽飽地,但咁心急又出,我估佢可能想執多劑都唔奇,呢隻英國自購馬可能剛剛先適應香港水土,又或者可能係比較遲熟,點都好,既然佢近3場走勢唔差又唔係未出頭既馬(追處女馬嬴就話驚者),所以今場呢隻係我其中一隻膽.另一隻捉路做膽就要3快捷勝,呢隻馬近8次都未用過賴維銘,而且近績又唔係好,我要佢既原因主要係估呢場有快步速,吳房出2隻仲有一隻7金鷹 配老巫,講真,吳房同老巫不嬲冇乜交收,但7金鷹 連埋呢次連續2場都配老巫,向好方面諗就想盡人事幫呢隻老馬搏番場,但我估呢場7金鷹 可能會快放擺係前面偷雞,唔覺意帶快左又唔覺意幫自己馬房另一隻3快捷勝拉快步速唔奇,所以呢場就用1確係叻,3快捷勝 做膽拖番自己其他心水範圍馬..

提供住一場先...打字好累...:026:  岩心水就玩,唔岩買我冇講既另外6隻都得架,話唔定你中我唔中..:028:

希望唔好好似警察開槍咁(中哂腳)..:023:

[ 本帖最後由 aanunes 於 2007-5-26 03:25 PM 編輯 ]

aanunes

5月27日 第2場 老點(陰謀論)提供
正路就 2名店之星,但我搏冷,要3威霸龍,泥地有時放出唔易追,加埋呢場2名店之星磅又重過上次韋達會唔會盡搶呢,如果佢稍為留一留,比2檔既3威霸龍走先,有機會終點前差小小追唔到,咁就好分囉..就簡單d 2名店之星,3威霸龍 單棍Q/QP再補小小W/P 3威霸龍

aanunes

第3場 唔想打字,就咁提供 3超理想,8智勇非凡,9招積仔,搏冷W/P 3超理想,8智勇非凡
第7場 4飛快贏 計馬就呢組馬應該冇馬夠佢跑,但跑馬咁簡單就好囉, 4飛快贏排一檔搏佢被人困住冇位遲上或上唔切就肥囉,冷門我捉隻應該會放係前面走既8夢寐以求,如果柏寶狽飛告東仔嬴就會有故講..:096:
第8場 正路飛唔出6好有勝,8嘉駿寶2隻,要搵馬篤爆佢2隻,我會在1好聲氣,7常歡笑到諗
第9場 除左1富盈,6零用錢,我搵唔到第2隻好d既馬,冷腳要番勝哥隻5威武雄獅

PS: 5月26日既提供係冇睇晨操既,其實季尾有d馬狀態有變就算睇左晨操都未必睇到,最重要睇臨場.

[ 本帖最後由 aanunes 於 2007-5-26 02:42 PM 編輯 ]