今次一個post搞掂埋逐場心水和心水推介, 心水推介乃第五場既濰坊和第八場既金碧明珠, 本來諗住一隻濰坊就算, 但倍率怕熱得過份, 到時就有點唔好意思, 因為推介太熱就有點似變左講廢話, 所以加隻有點分頭既金碧明珠, 希望可以順利贏哂啦!
第一場: 勵駿上季尾贏馬一場買中後, 原以為此駒在四班仍足爭勝, 但幕後明顯唔係咁諗, 一落四班就場場廿幾至九十九倍, 直至上仗再降五班先突然有個十三倍, 看來今後每季都係部署五班贏四班減, 平均一季應有一場頭馬, 估計保養得宜, 仲可以贏兩季左右, 鄭俊偉手上爭勝籌碼不多, 至今有五場頭馬, 第一季點都想達標先, 所以突然整個高雅志上去, 應該有d計, 有十倍既話可以小試win! 東莞之威底質高哂, 韋達, 冼毅力和杜利萊近三場輪住黎都無人搞得掂隻野, 今次用到蘇銘倫可以話係最後黃金機會, 上幾次我都無跟, 但今次點都跟番d, 誠意可嘉, 由於此駒底質及實力都較高, 躍升首選! 快而勝上次落五班即刻整個二千二, 擺明整估班捧班客, 今次千八先係正路, 如果好分過上場就咪走雞! 勇威星經常接近而難贏, 屬QT配腳!
順序心水: 東莞之威--->勵駿--->快而勝--->勇威星
第二場: 我來也質冠全場, 馬房近期鬥志好, 全日賽駒實力不弱, 可優先考慮! 哨牙騅質亦不弱, 但體質卻弱, 影響前途, 近天氣有微雨, 希望帶來少許幫助, 首要配腳! 活力驍上仗八十倍跑得尚算不俗, 今場應該續有進步, 飛數仍屬冷品可作配! 金百利強配韋達應該會係熱門之一, 想出頭定想熱倒則難估, 作配穩陣!
順序心水: 我來也--->哨牙騅--->活力驍--->金百利
第三場: 康樂神駒檔雖差, 但底質近況俱佳, 應會大熱門資格出場, 上仗近十倍爆唔出而變熱, 會有少許介心, 小注為宜, 可作QT膽! 旅遊領隊無步速場合有著數, 話唔定韋達熱倒而俾史科菲上位, 小心有計, 遇冷小注win不妨! 鐵血丹心騎者上訴打醒十二分精神, 有質可重新上名或爭勝! 小飛象搵到蘇銘倫, 倍率必大大下降, 有點唔係好抵既感覺, 作配吧!
順序心水: 康樂神駒--->旅遊領隊--->鐵血丹心--->小飛象
第四場: 夢寐以求用高雅志都唔會好分, 索性搵個蘇銘倫玩下, 一檔雖非好檔, 但上仗水準不錯, 質素有保證, 前速夠快縮程問題不大, 大熱可期順利取勝! 綠色勇士路合近況好, 兄弟Q又有機會開! 出騏制勝功夫做足, 一出已有爭勝水準, 可作配! 金雷達可期繼續有表現, 憑班底有得爭! 京城孖寶可能因有強敵在陣而縮, 有介心, 熱門大膽棄之!
順序心水: 夢寐以求--->綠色勇士--->出騏制勝--->金雷達
第五場: 濰坊必定大超班, 目前仍未全熟, 但已可憑質夠殺, 馬房全日變倍器, 搵埋蘇銘倫上陣, 幾乎篤定贏馬, 全日信心之選, 只怕大多人唱, 熱得過份無肉食, 但贏面甚樂觀! 幸運神駒上仗輸得冤枉, 睇左幾次重播, 越睇越眼光爆, 今次配搭轉弱必更好分頭, 均速老馬不難發揮, 但駒者未必夠功力贏, 然而入位不難, 首要冷門配腳! 英明大師上仗雖然輸左, 但當算輸得唔難睇, 傷過再出已可接近, 今場可期繼續進步, 配腳佳選! 出騏好近仗復甦, 正路配腳!
順序心水: 濰坊--->幸運神駒--->英明大師--->出騏好
第六場: 得多多前仗十倍爆唔出, 上仗成熱都照殺, 惜屈居第二, 看來幕後急於爭勝, 今場遇弱旅有機會開齋贏馬! 時代明星屬前駒大敵, 有力串演大熱Q! 心頭好屬餘駒較可取一匹, 第三選擇! 彩虹鑽石進步比預期少好多, 但因對手實在弱, 可視作冷品配腳!
順序心水: 得多多--->時代明星--->心頭好--->彩虹鑽石
第七場: 紅旗飛揚路合近況佳, 此對新拍檔仍未贏馬, 今場鬥志好, 可力爭贏馬捧盃, 作個好開始! 步步勇亦算數一數二份子, 直路專家可給前駒莫大威脅! 鄉村樂韻上仗重見走勢, 蘇銘倫肯效力, 可作配! 長驅搵個萬成, 真係無乜人吼, 倍率會大幅上升, 十倍開外, 今場冷腳!
順序心水: 紅旗飛揚--->步步勇--->鄉村樂韻--->長驅
第八場: 金碧明珠今日最愛之一, 初出爆大冷已助父中三寶, 其後受腳患影響了成績, 喜見每仗欠休仍有好表現, 鬥志和實力俱屬上等駟駒, 上仗欠休咁耐, 馬上在高水準賽事跑得咁好, 今次雖縮程, 但對手卻減弱, 可以憑質殺敵, 勝在不會太熱, 可以買W試下, 膽材! 豐富實力好似有點距離, 但卻甚喜歡配上霍達, 對此後上馬有極大幫助, 首要冷配! 高智慧無左韋達會好分唔少, 一哩先係正宗路程, 可見真身, 三甲有望! 天仲之寶近況極佳, 蘇銘倫再效力, 正路配腳!
順序心水: 金碧明珠--->豐富--->高智慧--->天仲之寶
第九場: 富士晨曦篤定首選, 上仗期望甚高而有少許失望, 雖來遲一季, 但總算沒有睇左馬, 上二班輕磅一樣夠殺, 轉型後上再加埋霍達, 成隻唔同哂, 越買越鍾意, 但當中屬個人感情, 對住今場對手在無倍率下仍捧W, 有點不智, 但屬愛駒之一, 無辦法, 繼續追捧! 最強對手確叻寶排十一檔會蝕少少, 且進步有點慢下來感覺, 韋達捨樂意而就, 誠意夠哂, 坐位望贏可辦到! 樂意無左韋達又有馬扯飛會好分唔少, 若然韋達騎確叻寶唔係誠意而係陰謀, 咁樂意就成了最佳配腳! 靚當家評分無利, 但近績尚算不錯, 若有雨地利更佳, 配腳!
順序心水: 富士晨曦--->確叻寶--->樂意--->靚當家
第十場: 時分秒又係葉楚航賽駒, 杜利萊贏開繼續騎, 人馬合拍, 上仗亞軍已在二班跑緊, 三班有利兼仍未見底又準繩, 前列份子! 安翹增程才算是最佳出路, 等都等到佢增程, 此駒大敵, 有力爭勝! 得運小子突然換個杜鵬志, 想出冷乎? 冷配無妨! 綠色天地進步無預期中多, 但有蘇銘倫之助, 名次可提升不少, 惜倍率也不會好分, 正宗熱門配腳!
順序心水: 時分秒--->安翹--->得運小子--->綠色天地
