hongkongboy2046

引用:

原帖由 dragonbone 於 2022-4-18 15:37 發表


對小朋友好，我個人認為最好還是美加，再來就是英國。
香港的教育太辛苦，而居住環境，同樣金額，住既地方差距亦大。

加拿大生活好似冇咁多姿多彩… 係咪我唔識呢…？

hongkongboy2046

引用:

原帖由 dragonbone 於 2022-4-18 15:38 發表


有人STAYCATION，但呢幾日天陰陰，出去玩真係好涼快。
其實我一樣鐘意呢d天氣，4月仲有涼浸浸日子，係好難得呢~~

涼涼地唔落雨，都幾好。

不過我就冇去西貢市，離島。見到新聞，人山人海呢。

dragonbone

引用:

原帖由 hongkongboy2046 於 2022-4-19 09:59 發表
加拿大生活好似冇咁多姿多彩… 係咪我唔識呢…？

師兄，睇追求咩遮。如果你鍾意陽光海灘滑雪，根本就係天堂。真心我覺得空氣係好好，氣管係好多香港小朋友既病，係果邊都幫到手。
但如果你想唱k劈酒夜生活，選擇就少d囉。

dragonbone

引用:

原帖由 hongkongboy2046 於 2022-4-19 10:02 發表
涼涼地唔落雨，都幾好。

不過我就冇去西貢市，離島。見到新聞，人山人海呢。

我都無去迫。
去郊區都要睇地方，隨時多人過市區呢～

hongkongboy2046

引用:

原帖由 dragonbone 於 2022-4-19 20:08 發表
師兄，睇追求咩遮。如果你鍾意陽光海灘滑雪，根本就係天堂。真心我覺得空氣係好好，氣管係好多香港小朋友既病，係果邊都幫到手。
但如果你想唱k劈酒夜生活，選擇就少d囉。 ...

陽光海灘滑雪，講到我都想出去旅行…

希望快啲有得去 。

dragonbone

引用:

原帖由 hongkongboy2046 於 2022-4-20 15:54 發表
陽光海灘滑雪，講到我都想出去旅行…

希望快啲有得去 。

近日都幾忙，師兄忙嗎?
最近正式開啟番好多野，唔知大家又會唔會真係邊度都去呢?
我聽新聞，D人講茶樓啦，樂園啦，都搶住去，忽然感覺係，香港以前去外地旅行先叫去左玩，而家本地可以玩都已經好滿足同開心。
大家玩還玩，都記得小心呢。

dragonbone

分享下無聊事，小小低B的制服幻想，大家多唔多見女生穿制服時，會諗下制服以外既佢地係點既呢?

成日聽人講，買手機正，但整手機煩，咁煩唔煩都係一件事，等整果下悶就一定。話說小弟壞左手機，今時今日，壞手機心情真係可以跌落谷底，咁無計啦，就買左部新既3叔，而家買手機，好多時都會有耳機送，但就要去中心度拎。

咁小弟就去左銅鑼灣果間拎禮品，但因為而家開11點，我又未夠鐘就到左，唯有係門口等，呢個時候，見有幾個𡃁妹一出𨋢就急急腳行左入店裡，啊，原來係職員，3個都OK，最尾果位短T, show左腰+legging褲，幾好睇喎。
咁入到店，就拎籌等叫number，而到我時，已穿上簡單制服的女職業已就位，哦?legging褲喎，佢咪就係剛才幾fit果個女仔。
無錯，故事就係咁多，但我想講既係，全世界既男人，大部份都會好鐘意幻想一下，制服以外，專業口吻講野以外，做事認真以外既女生，究竟係同一個性，還是完全另一個人呢?男人多多少少都會FF下.......

star_platina

引用:

原帖由 dragonbone 於 21/4/2022 14:54 發表
分享下無聊事，小小低B的制服幻想，大家多唔多見女生穿制服時，會諗下制服以外既佢地係點既呢?

成日聽人講，買手機正，但整手機煩，咁煩唔煩都係一件事，等整果下悶就一定。話說小弟壞左手機，今時今日，壞手機心情真係可以跌落谷底，咁 ...

龍師兄嘅幻想真係冇得輸，自從上次搭鐵嘅時候有個長頭髮女仔企喺車門旁邊，企到阿星好埋，係咁喺阿星面前撥頭髮，等啲頭髮係咁fing落阿星手臂度，仲要撥到隻手打到阿星抬高喺度打緊故仔嘅手臂。

唔講唔知，成個車廂入面都冇乜人，阿星捱住一塊玻璃企，對面三塊玻璃都冇人企喺樹，典解係要企到阿星貢埋呢？有冇人話過佢知，每個人都有個舒適距離，大概就係一隻手臂咁上下，而阿星因為身高手長嘅關係，舒適距離比其他人都要闊呢？雖然個女仔對眼係幾靚（家陣真係多咗好多口罩美女），又短tee又露臍又窄身運動褲又盛咁，但係過咗阿星嘅舒適距離，令到阿星好反感，有衝動想用手推開佢。

正想開聲同佢講話：「阿小姐，你企到咁埋，查實你怕唔怕呢？阿星真係好怕你哄到咁埋阿星會蝕底，行開啲得唔得？」嘅時候，架鐵就到站，個長頭髮女仔擰轉身走去對面打開咗嘅門度落咗車喇。😬

dragonbone

引用:

原帖由 star_platina 於 2022-4-22 12:58 發表


龍師兄嘅幻想真係冇得輸，自從上次搭鐵嘅時候有個長頭髮女仔企喺車門旁邊，企到阿星好埋，係咁喺阿星面前撥頭髮，等啲頭髮係咁fing落阿星手臂度，仲要撥到隻手打到阿星抬高喺度打緊故仔嘅手臂。

唔講唔知，成個車廂入面都冇乜 ...

喂喂，師兄，呢D搞笑野真係遇唔少架。
好似我之前都有提，有個短褲既女生，堅伸長腿係度搽lotion，搽完左再搽右，我係度諗，妳係引我，定當我唔存在呢下.......

講開撥髮，我反而見過一單搞笑，個女生撥，點知撥去個大嬸度，即時被佢鬧左幾句，我就諗，個女生可能平時撥開男人都會唔出聲，但女人就一定勢係假，HAHA....... 正如師兄，你都會忍一忍。

star_platina

引用:

原帖由 dragonbone 於 22/4/2022 14:23 發表


喂喂，師兄，呢D搞笑野真係遇唔少架。
好似我之前都有提，有個短褲既女生，堅伸長腿係度搽lotion，搽完左再搽右，我係度諗，妳係引我，定當我唔存在呢下.......

講開撥髮，我反而見過一單搞笑，個女生撥，點知撥去個大嬸度，即時被佢鬧左 ...

有時啲女仔真係某乜界線，阿星真係好有衝動想推低佢…………係推開佢先啱。好多人其實都會用自己嘅標準去量度人地，而舒適距離就係其中一種，阿星手長，舒適距離比平常人多大概一呎左右，你行到埋阿星三呎射程距離之內，會令阿星非常反感，就算係口罩美女都係咁話，三九唔識七，企咁埋做乜？😬