bapeddie

Oooooooooo

Nepartak

新年都過晒，幾時可以寫埋佢。

bapeddie

Zzzzzzzzzzzzz

Nepartak

快快快寫埋佢啦…..

kenny_love

Part 36
「5月26日」
訓醒見到Polly訓左係我隔離，我就知奶左野，明明已經決定英國玩完返香港就要同Miki講清楚，點知而家...
我係床郁都唔敢郁，生怕整醒Polly要面對呢一切，時間一點一點過去，我不斷reshersal一陣應該同Polly講乜去解釋尋晚發生既事。
Polly: 醒左又唔敢郁，你真係咁驚？
嘩屌，我真係嚇到成個人震一震。
Polly: 洗唔洗嚇到彈起呀？估唔到你仲勁過以前喎，睇黎你訓練有素。
我: ......點會
Polly「控」塊面埋黎，我下意識避開了...
Polly: 講下笑姐，我刷牙先。
梳洗完我地2個好靜咁坐左係廳。
Polly: 阿誠話你呢一年發生很多事，但又唔肯講，唔知你諗唔諗住講呢？
我: 多事既又點止呢一年...
Polly: 你仲係好介懷當我離你而去？
我: 唔係, 只係我有時靜落黎既時間，原來都幾厭倦幻得幻失既生活，你知我不嬲大起大落既生活。
Polly: 但你偏偏搞唔清你自己既感情生活。
我: ...
Polly: 我黎左英國之後，你同Janet既事我都聽講過，拖泥帶水係你既缺點。
我: 嗯...你已經知道左...我知傷害左Janet，但如果繼續落去只會傷害佢得更深。
Polly: 我都返左黎香港幾次，只係盡量唔俾你知，當時既我唔想我地既見面會令你諗太多。
我: 的確...你都係最了解我既人。
Polly: 你仲未講你究竟發生咩事。
於是我就一五一十咁講我同Miki佢地3個既事，仲睇埋佢地既相。
Polly: 嗯...你自己點諗，Wendy我唔知，但Ally對你明顯唔係咁簡單。
我: 我都唔知，可能淨係得Ally既出現，而冇其他女仔既出現，佢可能真係會係我身邊嗰一位，不過好多野冇如果，不過人地身邊都有男朋友啦。
Polly: 咁Miki呢？
我: 因為我覺得佢似你，我唔想因為佢有你影子而變成你既代替品。
Polly: \你對我仲有感覺咩？
我: 我都唔知，如果冇，尋晚發生既野...
Polly: 咁如果幾年後既今日，我認真問你一個幾年前想問但冇問到既問題。
我: 係咩？
Polly: 你願唔願意同我一齊係英國生活。
我: ......
Polly: 你需要時間考慮？ 定係你諗緊點樣拒絕我？
我: 我...
Polly: 你就係咁，永遠唔敢傷害人，又諗清楚自己想要咩。
我: 幾年前我一定二話不說應承你，但而家既我，見返你只係有種熟悉親切感。
Polly: 咪係囉，似鬼咩，唯一似咪你曾經鍾意我，而家你鍾意佢囉。
我: ...
Polly: 尋晚既事就由得佢過去啦。
我: Sorry, 我永遠係呢啲位都好似成日累到人。
Polly: 大家都成年人，有咩累人唔累人，永遠你最需要交代既人係你自己，我冇推開姐係容許呢件事發生。你呀，唔好拖人咁耐啦，冇理由要女仔做主動架喎呢啲野。
我: 嗯...我返香港就會處理架啦。
Polly: 係先好, 你份人有時太婆媽啦, 必時都要進取，唔係人地點知你點諗。
我: 你隨時仲比我阿媽了解我。
Polly: 呢個算唔算係一個讚美？
我: 直頭欣賞你啦。
Polly: 換衫啦，帶你周圍玩下。
我: 好喎，不過呢，你有冇後備電話借黎，張電話卡好似唔work。
Polly: 好呀，唔怪得知呢幾日你用email搵我啦，仲以為你黎到英國都係唔敢用wts聯絡我。
我: Haha...部電話點都用唔到英國張電話卡，又懶得搞，咪求其搵部電腦email同你聯絡囉，都係約實你幾點等姐。
Polly: 咁可以用wiki架麻。
我: Er...我部電話個wifi神神地。
Polly: 咁仲唔換!!
我: 就黎出新Iphone麻，咪諗住等下先囉XD
Polly反左我白眼，本身以為個幾2個禮拜用唔到wts, IG冇乜野，點知呢個舉動搞到我勁論盡。
阿誠都過左黎同我地會合，我地就係Polly帶領下去左唔同地方參觀同玩，有當地人帶住感覺好唔同，會覺得自己融入左去人地個社區咁。
夜晚就去返Polly屋企食飯同傾計，留多一晚先去其他地方(阿誠都一齊過夜的，大家唔洗再期待會再大戰XD)
傾計既時間先發現，原來Polly同阿誠得閒都會聯絡下，Polly都返過黎香港幾次，每次都有搵阿誠食飯。
我: 嘩，唔講以為阿誠先係你Ex.
Polly: 咁又唔係喎，我同好多係香港既朋友都有食飯同聯絡，只係你就唔太方便住，你都明架啦。
我: 驚我又FF你想復合XD
阿誠: 阿Kenny哥，你果陣為女死為女亡咁，邊個敢再稍為挑起你小小既希望。
我: 我明既...
大家傾傾下，我見自己同wts隔絕左成個禮拜，雖然開唔到住，咪諗住八卦開下個email黎睇下，一開就見到有兩封email吸引左我目光，我睇返email address。
一封疑似係Ally send俾我，標題寫住「你死左去邊，肯覆whatsapps未」。
另一封早少少既，疑似係Miki Send俾我，標題好簡單寫住「再見」。
見到呢2封email我即刻有種不祥既預感，於是我行埋左一邊，深呼吸幾下，先有勇氣打開Miki封email。
~打住咁多先，下集見~

kenny_love

各位抱歉，因為篇故寫到尾聲既時間，我環境改變左好多，要時間適應，同埋原來一停左落黎就好難的起心肝寫埋佢
故事其實仲有3-4篇到應該可以完到，我會努力寫埋佢

licklickson

引用:

原帖由 kenny_love 於 2024-5-10 23:46 發表
Part 36
「5月26日」
訓醒見到Polly訓左係我隔離，我就知奶左野，明明已經決定英國玩完返香港就要同Miki講清楚，點知而家...
我係床郁都唔敢郁，生怕整醒Polly要面對呢一切，時間一點一點過去，我不斷reshersal一陣應該同Polly講 ...

終於見到師兄回歸啦！希望下次更新可以快啲！😬

fathing1986

終於都返黎啦!!!!

wallacepigpig

引用:

原帖由 kenny_love 於 2024-5-10 23:49 發表
各位抱歉，因為篇故寫到尾聲既時間，我環境改變左好多，要時間適應，同埋原來一停左落黎就好難的起心肝寫埋佢
故事其實仲有3-4篇到應該可以完到，我會努力寫埋佢 ...

OK la! 等你update !

Kelvinpwy

C hing, 等到你現身！💪