臨瞓前出一話～
那些年，星星同學會 第34話
「我陪你行！」Grace講得斬釘截鐵。
「哎呀好啦怕咗你，行一個圈好啦。你鎖咗車未？」真係投降。
終於見到佢笑返，Grace話：「早鎖咗啦。最衰係你。」
阿星最衰？阿星衰就掃把你走啦，女朋友見都唔要見阿星，心情壞到不得了，想一個人靜下你死都唔肯走，投降俾你留低係阿星衰？真係冇你咁好氣，轉頭就行。佢即刻追上嚟勾住阿星手，話：「你睇我幾好，陪你行。」跟住笑咗出嚟。
Grace勾住阿星手嘅時候不經意咁用佢嘅34D唔覺意壓落嚟，阿星絕對有理由懷疑Grace係特登咁做。要收阿星做兵咁話？哼哼，阿星都叫做係一個身經百戰嘅傻仔，並唔會因為你嘅一擠一壓就好似其他啲男仔咁樣投降做你嘅兵嘅。
不過頭先果下又真係幾舒服，搞到阿星有啲心猿意馬添。
「你都幾過癮喎，又喊又笑咁得意嘅？」乘機串返佢囉，咩呀！
Grace即刻講返阿星：「咩呀，我為你傷心咋，你都唔知！」
哦，為阿星傷心，阿星傷心要人為嘅。一路行，一路食煙，啲煙一路飄向佢。Grace咳到好犀利，阿星又唔忍心咁樣，唯有整熄之煙。Grace見阿星整熄支煙有啲高興又有啲唔係幾好意思，勾住阿星嘅手用力攬咗阿星一下。
待續😬
