晨早更新下先~
那些年,星星同學會 第36話
喺阿星猶豫緊同唔同佢講叫佢返屋企嘅時候,Grace突然問:「我可唔可以去你度瞓?」見到佢好似路邊小貓咁嘅樣,唉,死就死啦。阿星嚴重警告佢,叫佢唔好咁大聲行,上去樓上條木樓梯“唧唧“聲響,行大力啲就好應聲,費事俾啲老人家聽到啦。
兩個傻嘢懶醒咁靜雞雞行上房度,以為神不知鬼不覺,當Grace一入咗房,老豆同細媽房門突然打開!原來老頭子起身疴尿!佢矇住對眼望下阿星,自言自語咁話:「夜返又唔講聲,我唔等你門嘛!」阿星即刻sor哂ry俾哂禮:「對唔住爸爸大人,下次會講聲你知!」
「你係先好講,唔好下爬輕輕!」老豆就梗知仔嘢嘅,佢後生都係人地個仔,應該都冇乜交帶。「得得得!」趁住老豆疴佢好長嘅夜尿即刻閃身入房,安全到達!
待續😬