趁今日有空,寫多一話先~
那些年,星星同學會 第37話
Grace笑到掩住咀唔敢大聲笑出嚟,衰妹,唔係你阿星使咁狼狽?摸黑厲咗佢一嘢,細細聲同佢講:「快啲上床瞓!」哈!個衰妹幾聽話,二話不說就跳上床。阿星都嗱嗱聲上咗床度,但又唔係好敢攞被冚,一陣佢話阿星咸鹹濕佢,阿星點同Man交待?
個衰妹就好醒喎,攞起被幫阿星冚話凍呀。英國嘅夏天又真係幾凍,温差嘛,上下晝相差超過十度,都咪話唔凍。你睇阿星,越講越遠。
講返阿星地兩個,冚咗被,阿星好似未試過着住牛仔褲喺自己屋企瞓覺,今次都真係第一次。Grace望住阿星,阿星又望返住佢。
「唔係眼瞓咩?」
Grace答:「…………生保床瞓唔着。」
咁點呀大佬,阿星好眼訓喎。佢忽然擰轉身,背住阿星,超級細聲咁話:「如果有人攬住呢,或者瞓得着…………」
咩?阿星問咗兩次問到佢發炆爭先聽到佢講乜…………
「喂,你知阿星係男人嚟㗎呵?」
「咁又點?」
「攬住會好多嘢發生喎,你唔怕咩?」
「超,怕你呀?」
喺咁嘅情況下,阿星只有使出畢生嘅拿手絕技:星星龍抓手,一手抱住佢。姑娘,請接招!呢個情景戲就睇得多,發生喺自己身上就點都諗唔到會有呢幕。隻左手攬住佢,梗係冇咩不軌嘅企圖啦。右手呢?俾佢墊住當枕頭囉。Grace伸手去捉住阿星攬住佢但唔知放邊度嘅左手,兩隻左手嘅手指緊緊咁扣住一齊…………應該係話Grace嘅手指捉實阿星啲手指,仲要捉到實一實先真。頭髮嘅香味令阿星諗起好多嘅舊事。Emma, Sharon, 當中諗得最多嘅,係 Joyce………
待續😬
[
本帖最後由 star_platina 於 2023-5-11 14:12 編輯 ]