9個月內的2位女上司+2位同事(真人真事)
沈溺了引板一段日子,終於dick起心肝寫低過往既事.當自己既文字歷史又好, 當奉獻返俾之前係度寫過自己既事既c hing & c sis既禮物又好.禮尚往來MA~
關於sex部分唔係太多,冇字字入肉既sex情節，但我只想分享一下，請見諒.
Start
我唔高，得174cm,但遺存左我媽咪D好皮膚，而且青春期時，專登唔食一D會標暗瘡既食物，所以我而家33歲，皮膚望落去重好過一D女仔，俾人感覺都算斯斯文文，唔似玩女既人。
工作方面，我係一間幾大既跨國公司入面做室內設計。由於係服裝公司，老闆非常重視身邊既人著D乜衫，點襯，係咩牌子，所以每次見老闆或者同老闆去開會時，都一定一定要著得好好（已經唔可以著Visvim,supreme等街牌），亦都因為係呢個主要原因，所以至可以引起「她們」的注意。
先說第一個「她」，亦是我遇到過入面,第二最誇張淫的。
入左呢間公司無耐，已經要單獨去國內出Trip。出trip之前甚至join呢間公司之前，從來冇諗過會出現呢9個月內會同左4個女人有關係.....
離開機場，公司司機送我返酒店後，休息左一陣&執左D要同老闆開會既文件後，就歩行去離酒店不遠既公司。由於知道要見老闆，所以果日已經特登著好D。上到總公司，同左靚靚reception打招呼後（聽說她之前是一位空姐，笑容甜到可以有糖尿），就諗住去老闆房開會，點知老闆仍在會議中，咁唯有就先同其他出面D同事打招呼兼自我介紹。老闆房出面係Visual Merchandising部，我估係因為佢地知道同老闆同層既關係，所以佢地都要著得靚靚地。
其中一個VM女同事，就係呢一part既女主角，她叫Liz. 佢係我識過當中最瘦，但身高有170左右，微微捲曲既頭髮&佢對眼好靚，瞳孔同眼白好分明，其它女同事話佢係全公司入面其中一個最靚的，似台灣女演員桂綸X. 跟住我即刻心諗，原來個樹林真係好大，唔怪得咁多香港男人都同左國內女仔一齊！我爸爸都係衰左係大陸女人手上。(各位c姐，如果你老公需要返國內公幹，而每次都係2日或以上，而佢話咩都冇發生過既話，對唔住，呢個真係大話....）
自我介紹完一輪後，就同老闆開會。老闆說他旗下的一個商埸黎緊會搞一D活動，希望我今晚留係商埸入面，幫VM D同事手&睇下周圍既環境。我心諗，我已經搭早機黎，今晚重要留低？唔X係下……但因為啱啱至join呢間公司，唔答好都唔得，況且又知道VM班同事又係度，所以就同老闆講話好！夜晚10點幾到左商場，VM部主管就開始分配工作，由於他知道我早機，我又唔係佢直屬部門，所以佢唔好意思比野我做，叫我可以隨便行下就得。過左陣，我行到Liz附近，見到佢一個人係條商場樓梯度 幫緊D模特兒公仔換衫，雖然D模特兒公仔可遂part遂part拆開，但成6尺高又重，對一個女仔黎講not easy!!當我行過去睇下有咩幫到手既一剎那，唔知係唔係觀音賜比我既良緣，Liz竟然差錯腳連人帶公仔跌落我度，我無理咁多，即刻扶住佢先算。佢真係好瘦，條腰基本上無肉。扶住佢果刻四目交投，望住佢對好靚既眼，我紅都臉埋。突然其來的意外，我被個mannequin D鐵界到手背係咁流血，其它人見到咁就馬上過黎幫我止血，Liz 就不停講唔好意思。止左血後，VM既主管就送我返酒店。
待續.
[ 本帖最後由 Eototo 於 2014-4-30 03:58 PM 編輯 ]
