第十二章 (單車情緣 – 上)【Mandy 執筆】
又到假日, 早上日上三竿之時, 門外一群年青男女嘅笑聲將我嘈醒左起黎, 唔….., 我伸左個懶腰, 跟住就正赤條條住咁行去窗前望下, 哦, 係一班年青男女踏住單車, 正圍埋一齊響我屋外不遠處正有講有笑住, 我見到咁, 即時諗起我屋入面果部已經好耐都無掂過嘅單車。
呼, 係喎, 都好耐無試做過下運動咁, 好, 今日就一於等我過番一的健健康康嘅正常生活先, 擦完牙, 洗過面之後, 我揀番一的清爽嘅服飾, 一件吊帶白背心, 一條短牛仔褲, 今日太陽似乎好曬咁, 所以我再加多件薄薄嘅絲質長袖衫用黎擋擋呢個咁猛烈嘅太陽先。
我搬番部單車出黎, 著埋對波鞋之後, 跟住我就推住部單車準備出門, 出發嘞, 我獨自咁踏住部單車駛離屋企之後, 沿路上, 兩邊都生長住樹木, 路上前後, 間中都亦有其他同樣踏住單車嘅人仕一齊, 清風正近面吹黎, 果種感覺又真係幾舒服咁。
呼, 已經踩左一段路後, 我都有的攰嘅感覺, 前面無幾遠剛好有個荼檔, 我諗不如先將部車停埋一便, 順便響茶檔度飲杯野, 偈偈腳後先再繼續上路。
荼檔內唔算有太多嘅人, 好多吉檯可以任由比我選擇, 但我一埋黎, 就經已望到近門口處果張檯度, 有個….唔….又真係幾靚仔嘅後生仔正一個人咁, 坐住響度飲緊野同椊緊部手機, 後生仔似乎都係去踩單車, 見佢個頭仲係載住頂單車帽, 一身健碩嘅身型正著住套單車衫褲咁。
我行埋呢個後生仔張檯度, 跟住就露住一副足以殺死全天下所有雄性動物嘅笑容咁問住呢個後生仔, 「請問, 介唔介意我坐響呢個位度呢?」
後生仔望左我一望, 跟住就笑住咁同我講, 「哦, 隨便啦, 小姐!」 我坐低左之後叫左杯涷野, 跟住亦攞住部手機出黎, 但, 我唔係諗住攞黎上網, 而係要…..偷影坐響我對面呢個後生靚仔個樣。
靜音相機影左幾張之後, 我望住手機上的相, 跟住我開左的整相 apps, 然後再響呢個後生仔張相度,加左的鬚同眼鏡之類嘅野, 我一路整, 一路自己響度笑住, 後生仔似乎亦比我嘅笑容吸引住咁, 我瞄到佢間中亦有偷偷咁望住我。
我見佢唔覺唔覺咁打直部手機向住我, 哦, 居然又想偷影番我, 我放低部手機, 跟住就托住個頭咁開始擺住 post, 我媚住眼側側地頭咁露住一副笑臉, 後生仔知我發現到佢嘅偷拍, 即時擺番低個電話咁繼續扮住飲野, 唉, 咁無用架, 人地都擺哂 post 咁比你任影囉, 你又嚇到騰哂鳳咁, 真係掃興。
「Hello…」 我微微揮住手指咁嗌住個後生仔, 後生仔亦震震地咁同我 say 番 hello, 「A, 哥哥仔呀, 可唔可以用我部手機幫我影張相呀?」 後生仔點一點頭, 我遞左部手機比佢, 屏幕上正係我頭先同佢加鬚加眼鏡果張相, 後生仔見到, 即時笑得好燦爛咁。
「做咩…會係我黎嘅….」 後生仔笑住咁問我, 我又托住個頭咁同番佢講, 「哦, 唔關我事架, 係個靚仔探測器頭先探測到的野之嗎!」 後生仔開始有的大膽, 「呀, 咁唔知我呢個靚女探測器又會唔會探測到的咩咁呢?」 我潑住頭髮咁同佢講, 「咁你都可以試下架!」
就係咁, 呢個後生仔就明正言順咁同我影住相起黎, 我地兩個邊推住單車, 邊一路行住咁四圍影住相, 言談間我知佢個名叫做子聰, 呢個子聰, 同我傾左一陣計之後, 而家已經開始同我有的暢所欲言咁。
真係有的幾舒服嘅感覺, 唔似得平時我接觸果的陌生男人咁, 個個一見到我, 的目光就會響我身上不斷地掃瞄住咁, 個腦入面同時已經響度諗緊, 一陣點先可以將我攪到上床為止。
「A, 唔好郁住….」 子聰響我頭上執左片樹葉落黎, 我望住佢, 個心居然會有的甜絲絲嘅感覺, 死嘞, 珍尼呀, 珍尼呀, 妳條姣婆今日到底比的咩附左身呀?
[ 本帖最後由 mandy2013 於 2014-5-12 09:28 PM 編輯 ]
