第十四章 (會計部小雯 – 1/4卷)【Mandy 執筆】
公司會計部個嘉雯約我去食 lunch, 兩條女去左公司附近果間茶仔度食飯。
「點呀, Jenny 姐, 仲有的咩新料講比我知呀? 等我可以幫妳篇野續寫埋落去啦!」
「邊有咁多新野呀, 妳咁好想像力, 求其妳自己作埋落去咪得囉!」
兩條女邊食住野邊傾住計, 呢條四眼妹, 上次夜晚響老蘭度撞到佢同埋條肥仔男友一齊, 我唔為意咁同佢地打左次招呼後, 就係咁, 唔知佢係咪鍾意左我夜晚嘅另一個型像, 由第二日開始, 佢就成日走黎搵我傾計。
或者可能佢覺得我同佢有的相似, 就係一樣係響背後會有另一個面孔, 而佢亦有一個所謂秘密, 就係居然一個女仔人家, 成日就寫埋一的咸濕古仔得閒就擺上網度嘅。
「係喎, 我條肥仔呢個星期同的 friend 去左旅行, Jenny 姐, 咁不如今晚就同妳一齊出去蒲下, 等我跟住妳尾黎開吓眼界, 順便可以比我刺激下的思維去作的新故仔吖嗎!」
我望下呢條四眼妹, 外表雖然就斯斯文文咁, 不過私底下就成日都鍾意寫埋哂的咸古, 似乎骨子裡都係淫妹一個。
「是旦啦, 不過我收工後就要番屋企變左身先出去架喎, 咁妳又使唔使番去換過的蒲裝呀?」
「哦, 咁係咪我又要學似妳咁? 之不過我條坑仔又無妳咁深, 著成妳咁都無咩睇頭啦!」
「求其啦, 夜晚的仔通常都唔會理妳大定細, 總知有野鴿佢地就會挨哂埋黎!」
好快, 又到左收工時候, 我同嘉雯約左九點鐘響彩虹地鐵站度等, 我亦如常番屋企先沖個涼, 換過的衫後先至出門, 西貢搭小巴到左彩虹之後, 我行落地鐵站等住嘉雯, whatsapp 響起左訊息, “我響 B 出口度等緊妳呀!”
行到去 B 出口, 哦, 有條長髮妹向我揮住手, 哦, 原來佢就係嘉雯。
一件小小低胸嘅吊帶露肩背心仔, 心口同樣又係有條隙仔咁露住出黎派街坊, 下身一條黑白圓點薄布短裙仔, 對腳都算生得幾靚咁, 腳下就踩住對黑色短根皮鞋, 面上副眼鏡就唔見左, 似乎又係換左副 con 咁, 再化埋一個淡淡嘅妝, 得嘅, 佢咁嘅款行到出去都可以搵到下食嘅。
我地入左閘後, 跟住搭住地龍過左去中環站, 上左地面後, 再沿住畢打街行去老蘭方向, 條街依然係人山人海咁, 我地去番酒保占美果間 bar 度。
「Hi, Jenny, 照舊馬天尼加冰？ 咁另外呢位小姐又想要的咩咁呢?」
「我…就一樣馬天尼加冰吖, 不過唔該比多的冰, 少的馬天尼吖, 唔該!」
酒吧內的音樂依然係好強勁, 亦如常有好多陌生人同我地 say 住 hello 兼鴿下波隙咁, 音樂好嘈, 嘉雯要哄埋我度, 我地先至可以講到野。
「Jenny 姐, 妳係咪次次落親黎都會同的男人一齊走架?」
我搖一搖頭, 「合眼緣嘅咪會一齊走囉, 無嘅話咪早的番歸瞓囉!」
噢, 已經有兩條西裝友坐左響我同嘉雯側邊兩旁嘅座位上, 「小姐, 賞面請妳地飲杯野嗎? Ricky!」 西裝友伸出隻手向住我, 「George!」另一個西裝友同樣伸出隻手向住嘉雯。
「哦, Jenny, 好呀, 咁就多謝哂囉喎!」 我輕握番西裝友隻手, 嘉雯亦同另一個西裝友握住。
[ 本帖最後由 mandy2013 於 2014-5-13 04:56 PM 編輯 ]
