第22集 重逢
今晚同queena一齊學整cup cake,我地食飯時,佢突然問我係咪識Edmond
「做咩咁問?」
「佢知我今日又學整蛋糕,就問我係咪nana二人組又有活動,我話係,佢就比左佢張卡片,叫我比你」queena遞卡片比我時,笑得好衰呀….
「你記唔記得之前我有同你提過,因為失戀所以去左working holiday?」
「記得呀,你話個男仔有二個嘛,所以之前michael叫我介紹edmond比你識,我一口拒絕左,佢太花心喇」
「佢未結婚?」
「未呀……….咦!!你真係識佢?唔通佢就係嗰個人?」
「嗯,不過我地5年冇聯絡喇」
「以我所知,佢而家冇周圍玩女,我唔知今次做中間人傳話會唔會害左你,不過佢叫我同你講,黎緊個星期六上晝10點,喺你地第一次見面的地方等」佢停一停,又再講「咁樣約人真係怪,佢唔怕你忘記左個地方,失約架咩?」
我只係微笑,冇答佢…因為內心已經開心到傻左了….佢冇結婚,亦冇忘記我
不過我地第一次見面係八年前,會唔會其中一方真係記錯地點呢?
------------------------------------------------------------------------
返到屋企之後,我拎張卡片出黎睇,原來佢已經做左CEO了,卡片上手寫左兩個私人號碼,一個係手提,一個係住宅,仲有email同一個住宅地址,好似將所有搵到佢的方法都寫哂咁…
到左約會當日,我事前冇同edmond聯絡,我早左5分鐘到,隔好遠已經望到佢….佢的打扮同當年一樣,都係黑tee牛仔褲,佢四處張望時見到我,我點頭微笑,跟住佢極速跑過黎….
「Lina!」「好耐冇見」
「可唔可以比我攬一下?」
「下………」我呆左,未有反應,佢已經用力攬實我.,呢一下攬左大概兩三分鐘
佢放開我之後,我見到佢眼紅紅咁…跟住佢話:
「我好掛住你」然後又再攬實我……
<待續>
終於重逢喇!!!!!!!!!!!!!!!!!!!!!!!!!!!!!故事未完的~~~如果大家喜歡呢個故事,記得click下推薦同留言呀~
[ 本帖最後由 可可queena 於 2015-6-13 10:28 PM 編輯 ]
