等待驗證會員
|
104#
大 中
小 發表於 2006-3-28 只看該作者
上次講到星期六上去搵佢,到最後面黑收場,
不過上到佢屋企又好似冇乜野咁,真係諗唔明佢攪乜
返左落黎香港之後都唔係好明佢想點,
如果佢唔like我ge話,就唔會叫我去佢屋企訓,
(其實可能個個客都係咁,不過自己唔想認姐)
如果佢like我就唔會唔覆我sms同埋黑面喇,
呢個問題攪左我兩日,而呢兩日我都有send sms俾佢,
不過結果一樣.........係冇覆,到左呢個地步,我決定左放手,
有時勉強d野真係冇乜幸福,費時o徒人時間o徒自己精神喇:'),
正當嘗試唔再諗佢ge時候,電話響起............
一望原來係佢,o個時我第一時間拎起電話就聽(真係冇鬼用,諗都冇諗過唔聽)
我問佢搵我做乜,佢話佢好悶,問我可唔可以上去陪佢,
我又一次好冇用咁,諗都冇諗就答應左佢,
我三點出發(我收兩點半),去到佢度四點幾,
佢叫我直接上佢屋企 ,我一上到去佢就攬住我,
佢話佢好唔開心,好想搵人陪,所以想起我
(頂,唔駛咁直接下嘛,呃下我話掛住我都得卦,不過我就係鍾意佢唔扮野)
跟住同佢坐低傾左好耐計,叫做知左佢好多野,
佢起初從鄉下出黎係o係布吉做工廠妹ge,
做左一排開始比人引誘左去布吉某酒店做坐檯,
跟住識左個香港佬(好似自己都係 ),比佢包左兩個月,
唔知因為咩事分左手,結果過左黎沙灣做,
後尾識左隻狼狗,佢覺得自己好幸福,努力搵錢,
短短兩個月已經儲左成萬銀,佢有俾戶口簿我睇過係真ge,
最後唔駛我講都知咩事喇,隻狼狗偷左佢張提款咭,拎晒佢d錢,
攪到佢人財兩失,到而家仲未回到氣
而佢今日又同老闆嘈交,炒左佢魷魚,所以唔開心搵我陪
我話唔緊要,今晚一於玩得開心d,唔好諗之前d野,
佢俾我逗得好開心,仲好溫馨咁攬住我:smile_02:,
我o個陣真係想時間可以停留係o個一刻,
纏綿左一陣之後,我地就出發去布吉食麻辣火鍋,
佢其實都幾細心,因為佢知道我好鍾意同好食得辣,
所以同我黎食麻辣火鍋,但佢自己就唔係好食得,
要放碗水去沖走d麻辣先食得落
食完之後就去左行百貨公司,我話買件衫同鞋俾佢,
佢話睇下先喎.結果行左粒幾鐘,淨係o係超市買左條毛巾
(後尾先知道條毛巾係買俾我用架,因為佢屋企得兩條毛巾一大一細)
仲要堅持自己俾錢添,我問佢做乜唔買其他野,佢話冇野岩喎
行完街街都係八點幾,咁我問佢有乜攪,佢話不如返去洗腳,
又得姐,就係咁我拍住拖返去洗腳
一路落黎都好似好順利同好溫馨,
不過估都估唔到事情係洗腳房度發生一百八十度ge轉變
待續~~~~~~~~~~~~~~~
|