|
等待驗證會員
|
905#
大 中
小 發表於 2006-5-30 只看該作者
唔好意思,咁耐先再出,呢排真係好鬼忙,連去玩都冇乜時間
閒話講過,繼續去片~~~~~
上回講到最後我都忍唔住同佢講,咁我以後點
佢話你咪繼續你ge生活囉,當冇見過我咪得囉,
咁我問佢點解?係咪唔鍾意我?
佢話起初真係唔鍾意我,仲有d討厭添
(原來我坐佢檯頭一次發生左d小插曲,o個時我仲未知,到最近佢先同我講番我先知瀨野,如果我早知ge話,一定唔會追佢,遲d故事會交代),
不過同我相處耐左,覺得我對佢好好,
慢慢對我有好感同有d鍾意我 ,
不過佢話對我冇安全感,好驚我呃佢,
佢話佢唔敢放太多感情落去,怕最後我都會走佢都會輸,
可能各位師兄會覺得佢係以退為進,逼我應承佢d野,
不過我可以肯定佢唔係(因為我係香港已經有另一半,
不過大家關係唔係咁好,我地已經成大半年冇係埋一齊,
但係因為工作及其他理由暫時唔可以分手,
而呢件事佢一開始亦都知)
我聽完沉默左一陣,因為講到尾,我真係唔可以係呢一刻應承到d咩俾佢:smile_13:
佢再講佢都知道我呢一刻我對佢係認真,但佢話到左遲d我厭左ge時候,
我可能會行返轉頭,唔再搵佢,
佢話佢唔敢搏,佢已經輸過一次,仲係好傷o個隻,
我ge出現真係幫到佢起番身(冇再日日take野同埋冇同班小混混去玩)
但驚再輸會起唔番身,而家佢走可能會傷心幾日,
如果再耐d佢都驚自己會放多左,到時驚會太遲
o個一刻我望住佢,而佢又唔敢正面望住我,
而我聽到佢把聲已經有d想喊ge跡象,
我輕輕抱住佢,我其實個心已經好唔舒服,
因為對住自己鍾意ge人,好似乜都做唔到咁
大家抱左一陣,我就同佢講左幾句說話
(講完先覺得好似瀨瀨地野,不過真係我o個時想講ge野)
我講:我唔敢保證將來ge事,不過呢一刻我真係好想同你係埋一齊,
你俾d時間我去處理香港ge問題,
我對你點同係咪想呃你,我相信你可能感覺到出黎,
我唔係叫你對我放太多感情落去,只係叫你俾d時間我,
如果遲d你覺得我玩你ge,你一樣可以番去,
你唔會損失d咩,你知我由此至終都冇呃過你d咩(扑野).
佢聽完好用力咁抱左我一下,話會再諗一諗,走唔走過兩日先決定,
佢話如果過兩日搵到佢ge,就決定留低,
搵唔到ge就決定返去,而佢話如果返去ge話就唔會再聯絡我,
因為佢想從頭開始喎,除非我去重慶接佢番黎喇:smile_27:
我又沉默左一輪,最後我話無論如何我都會尊重佢ge決定,
不過可唔可以俾我搵到佢,佢話係QQ見到先聯絡喇
之後再傾左d無聊野,差不多傾到兩點幾,
佢話呢幾日唔好上黎搵佢,最後我自己一個落返香港,
一路上,我係度諗佢會唔會走呢?
究竟係好事定係壞事呢?
諗諗下又到香港......................
而我而家又要上去搵佢喇
待續~~~~~~~~~~~~~~~~~~~~:smile_15:
[ 本帖最後由 臭陳 於 2006-5-30 05:28 PM 編輯 ]
|
