由於返來一睇, 見太多留言, 我盡力回答吧!
1, 首先, 本人尋晚絕對唔係唔敢面對咁多位, 我問心無愧, 怕乜? 我上沙咀前已經講過會上去, 仲諗住搵沙咀強哥傾傾, 可惜搵過佢好多次, 佢都無開機. 後得2k & gogo811 告知強哥o係hk. 呢件事, 起碼有2k, gogo811 & 一同上路o既處男167 呢3位兄弟幫我做證, 本人絕非分身新手, 亦無咁無聊咁做.
2, 睇左咁多post, 發覺會員 - 你老公 對本人略有偏見. 因為我仲記得有次佢話我只扣分, 無加分. 我想講, 扣分加分我唔係要做俾你睇, 我更唔會亂扣人分, 如果有, 請你拿出證明. 俾我加分o既會員更不計其數! 睇到你最後一次攻擊本人言論, 係話有人開團呃錢,開團溝女,開團捧阿嫂場. 首先我想講, 同我玩過o既兄弟都知, 我出來玩一向數還數, 路還路. 每次做法係先夾大圍公數 (每次每人實收$100酒水), 通常會叫酒用盡d錢, 如果有淨, 就會一齊宵夜做公數. 我敢講玩咁多次, 我只會俾多, 永無俾少 & 落格! 至於溝女, 我諗我無咁o既需要. 最後你話捧阿嫂場, 我都可以回答你. 首先, 最近2次沙咀團的確係去我女朋友o既場玩, 但請問咁又有乜問題? 820團, 唔係我開, 而係沙咀強哥開, 去阿嫂場玩並唔係我意思! 係沙咀強哥o既意思! 因為佢想個團可以收平d, 又飲多d. 呢方面做到足. 而827團, 係我無聊想搵人玩, 我諗我無用槍指住咁多人個頭叫佢地同我一齊玩. 同我玩過o既兄弟再同我去玩, 可能大家o岩玩, 可能佢本身無聊又想玩. 我從來唔迫人. 另外新人我都歡迎, 因為你有留意呢度, 你都應該知道自從東周事件之後, 開團受新人玩係少之又少, 咁我開團佢地又想玩, 我受埋佢地, 我諗應該唔過分吧? 完全自願性質! 再講, 你估做團長好過癮? 事前淨係call人都浪費唔少時間. 有時上到去又要打長途返hk俾未到達會員. 開一次團call人隨時電話費已經無左$30. 既然我開團有人有異議, 咁我而家決定, 本人永不開團! 請問你滿意未? 以後想搵我玩既朋友, 請私底下pm本人好了.
3, 我已講過好多次, 開一個全新屬於本內地夜遊區, 唔屬於個人o既吹水區係可行. 但一定唔會再用返舊有沙咀強哥o既沙咀強哥會客室 & Ray KK o既內地夜遊吹水區. 因為無論採用邊一個, 另一邊支持者一定反對. 用我名義開? 我怕又有人話只有版主post可以置頂. 請問最理想開吹水區人選應該係邊個? 我亦都講過, 如果沙咀強哥重開一個屬於本區o既吹水區, 只要唔加個人名義, 將呢個吹水區置頂係絕對無問題!
4, 如果大家話版主們無為呢個版做過好事, 似乎有欠公平. 當初成立【天文台】& 【學堂】目的, 係為左減少版面無聊主題, 維持版面整潔! 我地見一個掃一個, 大家睇落好似好無情, 但大家又有無諗過如果成個版一日由朝到黑都係d乜乜邊到有攪野骨場? xx k場囡囡行乜制? 下沙嚴打完未? 等等問題. 個版會仲亂! 令一d用心去出report o既兄弟o既report沉底! 本人堅持認為開設天氣區 & 發問區係對本版有利. 若然有邊個兄弟覺得應該由其他兄弟開呢2個區. 咁我絕對可以關閉舊區, 改由其他兄弟接手重開新天氣區 & 發問區. 但到時希望和兄弟可以幫幫新人解答問題! 另外, 夠細心o既兄弟應該留意到, 就算我地關閉人地問題, 我地盡量都會以該會員名義, o係適當o個一區重貼, 希望搵到可以幫手解答問題o既兄弟! 如果版主們特登花咁多時間做無聊野, 又係無人工收都叫無為本區做過好事. 咁我笫一個退位讓賢. 有能者請取而代之! 我諗我做返一個普通會員仲開心! 又唔怕得失兄弟, 又多返d時間俾自己!
5, 大家都應該知道以前我地推行加分制度, 目的係答謝 & 鼓勵各兄弟出多d報告! 但後來由於全discuss 要按單一加減制度行事, 加分制度暫停左一段長時間. 之後我見本版報告量開始減少, 咁我就未得超版同意, 重新推行加分制度. 獲得加分者我諗絕對唔少! 另外, 之前出現大量3仔4仔相. 本區係嚴禁露點相 (我相信其他討論區都有可能禁止), 但我見一d精彩報告引起極大迴響, 內容亦必有露點相, 覺得其實露點都無乜大不了, 貼相o既兄弟又可以打少d格仔, 令一d唔可以出席活動o既會員感受現場氣氛. 唔通大家隻眼係盲o既? 可能真係講得o岩... 人地只會睇到你應做o既事, 永遠睇唔到你做過o既好事! 若然本區真係一成不變, 跟紅頂白的話, 我肯定而家大家仲係睇緊打格仔無露點相 & 無分加report! 我敢講呢區係被加分會員最多o既一版!
6, 有人話我o係道稱兄道弟係假o既, 話我出賣兄弟, 對唔住兄弟! 呢下野我真係好唔順! 同我玩過o既兄弟應該都知, 我係交個心出來同大家做朋友. 有邊次攪團我唔照顧兄弟? 遲到兄弟唔識路, 我咪去接佢囉, 有兄弟同囡囡嘈, 我笫一個了解乜事. 有兄弟玩完"湯", 我一定照顧有加. 有兄弟玩完想搵地方過夜, 我盡力幫手搵個安全地方. 有兄弟玩完想返屋企, 我一樣送埋佢上車! 如果咁都唔叫兄弟, 仲應該可以點做? 你教教我吧! 我當大家係兄弟, 你唔係咁諗, 我無辦法.但我就絕對唔係枉稱兄道弟!
未完...待! 我而家去訓下先, 約7:00pm返來, 掛機中!
[ 本帖最後由 紅勇士 於 2005-9-1 11:47 AM 編輯 ]
