師兄，唔好咁灰 … 中咗HIV確實係好不幸，但並唔係世界末日。 記得keep住睇醫生，要準時食藥，加適量運動，除時可繼續生活幾十年。
我記得曾經係香討見個自稱Chris Wong嘅HIV帶菌者，因為係香討被人罵到狗血淋頭(其實佢只係上講吓自己中咗HIV之後嘅，同希望可以幫到或開解到同樣中咗HIV嘅人)，但都被人罵到仆街 ！所以佢就第二個網站開 post…
https://hivpositivehk.wordpress.com/
我睇過佢寫d嘢…記得佢曾經講過，係香港睇HIV時，診所唔係叫名入去見醫生，係用号碼代替人名，而個号碼係一路排上去，並唔會重覆被第二個人用… 佢記得有次佢去覆診時，聽到個護士叫(唔記得3X定8X号)入去睇醫生……
而3X或8X号都好，應該係1984年確診嘅感染嘅，而Chris Wong 係2013尾14年確診嘅……咁即係話，佢聽到個号碼個人，己經感染咗HIV有30年…… 依家d藥好過30年前好多，所以好似上面咁講，好好作息，生活正常，加適量運動，冇咁容易，亦冇咁快會死！佢亦提過現時d藥已經好過以前，幅作用亦小好多 ！
現在有好多HIV帶菌者都係過70歲先病發，所以唔好咁灰心……但有一點要留意，唔好諗住自己中咗HIV，同第二個都係中咗HIV嘅人搞嘢就唔駛安全措施，因為HIV係有唔同嘅病毒株，唔同嘅病毒株對唔同嘅藥係有抗體……感染越多病毒株，即係越小藥物可以醫到你。
還有，醫HIV嘅藥係好很貴，係香港政府補貼咗好多錢给每個病人，所以每次睇完醫生攞藥，一定要點清楚藥物數量……點解？你懂的！
最後，講番Chris Wong……佢之後重認識咗個德國男友，重一齊去咗德國结婚，之後重好似去咗英國工作……所以就算中咗都唔係世界末日，唔駛咁灰 ！
[
本帖最後由 床上強勁的膠袋 於 2019-8-10 02:42 AM 編輯 ]
