跟住出返去市中心
食吓嘢同佢行街,都冇乜特別
都係打打鬧鬧玩吓咁樣
但係真係唔好睇小佢買嘢嘅能力
一個商場都可以行到上兩個鐘
佢每次有一間舖頭我就真係做咗跟得男友咁樣,入去任何一間舖頭,佢又問吓呢件衫靚唔靚呢條裙好唔好睇呢隻色好唔好,好彩平時興趣係砌砌圖,訓練到個耐性都好好,到佢買咗第五袋衫嘅時候
婷,估唔到你咁乖喎,同我行咗咁耐都冇發脾氣
我,有咩脾氣好發呢?
婷,以前同啲男朋友去街入去一間舖頭超過左10分鐘佢哋就發脾氣,估唔到你都幾好耐性
我,估唔到你都幾犯賤,唔發你脾氣你好似唔慣(跟住我又大笑啦)
婷,讚下你都唔得……….e…….喂喂喂入埋呢間先
我,ok
無端端走入去呢間買牛仔褲嘅,係賣女裝牛仔褲同牛仔裙
入到去見到條泰妹應該23,24歲左右,個樣又係好甜,白啲咁講,即係你喺香港搵唔到五萬蚊一個月都唔會追到嗰啲,跟住佢就去試牛仔褲,我當然又係及下條女啦
之後佢喺更衣室行出嚟
我又棋差一着🤦🏼♂️
遲咗2秒拎個頭過去,又比佢見到我望住條泰妹
婷,(都幾大聲)喂鹹濕仔呢條牛仔褲好唔好睇
我,吊你咩,咁大聲,人哋唔識聽嘅都唔好咁樣啦(成間舖得我哋三個人)
婷,你望到眼都定晒人哋都知你昅佢啦,不如你用英文問吓佢今晚幾錢啦
我,黐孖筋,你試完條褲未啊
婷,而家咪問你好唔好睇囉
我,呢條褲OK啊,如果啱嘅話咪買囉(已經唔撚想望佢條褲同覆佢啦)
走之前去咗big c買零食同買多支黑牌soda
尋晚都飲咗半支,突然間飲晒咁就仆街啦
之後返番酒店大約5:30左右
都係去泳池游下水,佢就着咗套白色嘅比堅尼,但係又冇飛釘
改咗個薄pat都唔知做乜嘢🤦🏼♂️
婷紮起咗條小馬尾,有啲黃昏光,照落去真係好靚
唔知係咪開始冇太陽成個泳池都冇人
我同佢食lunch嘅時候已經開始飲啤酒