Part 8
(之前有一PART講過個TRIP係7日,原來我初初記返係有7晚既, 我就當左係7日, 但唔記得8日先會有7夜...都係岩岩睇返schedule先發現...少少的更正, 希望各位不要介意...開頭諗住打到K,J同小弟既事就完, 但見反應不錯, 各位又有興趣知,於是小弟繼續打埋佢, 當然之後果D我原本未plan...所以出得比較慢, 同有D亂...希望各位見諒完左個trip我都仲有少少野可以打...再次多謝各位支持)到PP平伏返已經12點幾了, 我同PP跟住上左床訓,
我一路訓係到張床, 一路諗返PP岩岩喊個樣…
唉….Kenny, 你以後真係好自為之…唔好再令自己鍾意既女仔傷心…
慢慢我就訓著左…(因為真係幾支力下…差唔多俾人渣乾了)
訓到半夜(我諗4點幾5點掛….唔太記得), 因為廁所開燈會照到少少間房
所以如果同房去廁所唔多唔少都會照到, 原本一陣係唔覺得的,
我feeling到廁所盏燈, 因為”殘”左好耐, 我都有少少醒….
因為太耐, 我於是落床去廁所睇下咩事, 見到PP係洗手盆到…
PP眼紅紅, 應該岩岩喊完,
我: PP, 做咩呀?發生咩事….
PP見到我就沖左過黎攬住我,
PP: 岩岩我發夢, 見到你俾K搶走左, 個夢好真…
PP始終好介意K, 我又俾唔到安全感佢…
我攬實PP: 對唔住呀…係我俾唔到安全感你, 我心入面只有你一個…我當K只係普通朋友黎…我應承你唔會再發生呢D事…
PP: 嗯…
PP一直攬住我…跟住咀左一啖就話返去訓, 我以為可以同PP訓@@....
PP: 今晚罰你唔準過黎訓呀…
唯有返過去隔離床訓, 女人有時真係海底針…摸唔透:smile_27:
Day 5了…
第二朝我專登早D起身(7點), 趁PP未訓醒落去買豬腸粉,
(之前有晚我地成GROUP一齊出去食宵夜, PP好鍾意食)
返到去好在PP未訓醒…當然我自己都食左盒(真係幾正)…
PP隔左一陣都起身了, 見到我買俾佢盒豬腸粉,
跟住係我後面攬過黎,
PP: 你又知我鍾意食既…
我: 我上次見你食得咁滋味, 專登落去買俾你…
PP好甜咁笑一笑, 隔多一陣有人敲門,
當然PP開門, 原來係同GROUP MATE過黎, 搵我地一齊食早餐…
佢地見到我地已經買左野食,
M: 哦~~原來人地一早已經撐緊枱腳…好啦, 你地慢慢啦, 唔阻你地啦…
M俾左張房卡我, 見到K個樣有D尷尬(大家都應該明咩事)
我同PP一齊食多一陣野, 我見到時間差唔多, 於是返去M同我原本間房
做到神不知鬼不覺@@....
PP係我臨走前: 人地想錫呀….
我同PP kiss左一陣先走….好在冇人發現我係PP門房出黎,
返返自己間房, 變一個人-0-….又開始諗返琴晚既事…唉-0-…
8點半就集合, 出發去行山+定向…見到路無窮無盡, 小弟有運動底都行到死死下
其實我地都係成GROUP出發, 好少同PP獨處既時間,
玩哂定向之前K趁PP去左廁所,
拉埋我一邊問我: 琴晚既事….
我: PP知道左了…
K: ……對唔住呀….我琴晚真係有少少醉醉先會咁…..我冇心架…
我: 我自己都有責任….(牛唔飲水點禁得牛頭低丫~_~) 我同PP冇乜野…
我見到K個樣真係有D內疚…
K: 唉…早知我唔應該幫J…..
我: 下!?
K: 我有機會再同你講….
冇幾耐PP出返黎…唯有之後先問….
下晝就出發去珠璣巷(大家可能我去邊了@@)
都要全組一齊行動, 當然佢地好好…
之後都俾時間我同PP 兩個人拍拖…差唔多時間返去集合就OK…
我拖住PP漫無目的咁周圍慢慢行, 果刻就算俾人睇到都冇所謂了…
夜晚食飯後就開始返琴日cancel左既discussion同present,
食完飯後, J偷偷地塞左張紙入我個衫袋, 叫我一個人先睇
究竟張紙寫咩呢? 下PART再分解…打住咁多先…
