godhorse5258

想問吓各位銀行馬常掛於口邊，就當來季成功地找到一匹(分頭不太乏味)，假設出賽十三塲，得3win3p當然唔知佢幾時啦，算係銀行馬啦掛，各位會用咩方法令自已得益呢？當各位未知能得3win3p時又會否每次都買呢？若是公眾銀行馬如好利威永利好之類，我肯定大把人比(包括D所謂專業馬評人)食之無味，銀行馬呢三個字又對大家有セ幫助呢？

陳雄明

在個人理念..不能單靠銀行馬揾食...好多時...有否發現所選馬匹大部份入圍...但豆零都冇得收...

其實...投注茦略先係最大關健.....這是很多人犯的錯.....輸了只推責做馬..跟錯風..好多好多..

或者可以..先要知道可投注本金...馬匹範圍..機會率..值博率...想贏幾多...所氶受風險.....最後等財神呼叫你

就算一隻超班熱門..運用適宜都可以有可觀回報.....記住別心急..等機會...鬥長命...到了天時地利合一:014:


我好記得其中一次夜馬{好耐}...同朋友入場....當時並無博殺之心...身上只有五舊水..

玩玩下..輸下一場輸下又一場......最後到了第七場諗住走要返工.....現金卷淨番$20蚊..

買左口孖寶...頭關.. 永恆之趣{佰幾蚊獨贏} ....尾關...勇者{三佰幾蚊獨贏}......結果:022:

中:014:超晒倍率...接近四仟伍佰大元.....無啦啦收成九仟....當然不是亂買啦...跟據腦裹記憶認𤔡可博咁啦

不過有時都輸甩褲架....總之都係果句..........財來自有方不能強求...咁你就玩得好過隱架啦;)

tomkit

完全贊成, 銀行馬只不過係一個純個人預先的推測 (好主觀),
到跑個時就要睇好多方面 (大家都知賽馬有好多變數啦),
咁就執生。

kuskit

引用:

原帖由 tomkit 於 2006-7-14 07:50 AM 發表
完全贊成, 銀行馬只不過係一個純個人預先的推測 (好主觀),
到跑個時就要睇好多方面 (大家都知賽馬有好多變數啦),
咁就執生。

小弟認為毎個人對（銀行馬）的定義都不同・就個人而言能成為小弟（銀行馬）的・首要條件係要個人對某匹馬的能力或特性認識程度較普遍馬迷為深。故如當普遍馬迷對小弟自己的所謂（銀行馬）的寄望較小弟更高之時・則此駒巳經不是（銀行馬）了。;)

godhorse5258

多謝幾位回覆，其實我想知道(正如題所講，一匹馬跑十多塲，幾Ｗ幾Ｐ)應何投注呢？以排除如何揀馬睇錯馬之類嘅討論，講就話長線投資，用錢買嘅時候隻馬跑輸一兩塲重會唔會堅持落去，有時就梅花間竹，我想一D長線投資嘅馬友發表心得，但我估唔會太多人用呢種方法。

愛的彩虹

引用:

原帖由 godhorse5258 於 2006-7-14 07:45 PM 發表
多謝幾位回覆，其實我想知道(正如題所講，一匹馬跑十多塲，幾Ｗ幾Ｐ)應何投注呢？以排除如何揀馬睇錯馬之類嘅討論，講就話長線投資，用錢買嘅時候隻馬跑輸一兩塲重會唔會堅持落去，有時就 ...

正如閣下所講...捉到一隻銀行馬都未係關鍵...贏唔贏錢就係在於妳識唔識得係佢身上把握機會啦...就好似閣下所講...一隻馬大大話話年中都出成10次打上...假如佢真係咁好彩如你所願贏到3W呀...咁你點係佢呢3W身上贏錢...呢個就係捉到鹿(銀行馬)之後睇妳識唔識得脫角啦...呢隻角係乜...係timing...呢個就係贏錢既關鍵...點樣可以捉得緊一個合適既timing...除左一樣好重要既馬感(即係經驗)之外...妳亦都應該視自己既銀行馬如寶...佢每次出賽都用錄影帶錄左佢...或者睇番而家官網既賽事片...番睇之下跟實佢既進度...唔一定要跟到真係接近先買架...只要妳感覺到佢有進步...就快黎料...你都已經要跟定先...仲有一樣野要配合...就係晨課...有d馬雖然好似跑過一次一注菜咁...但係佢突然加強操練...又或者突然加左個配備...就會完全唔同...前者既例子就係"勝利雄威"...呢隻馬出左一兩次跑到亂晒籠...我都買過一次60幾倍...佢冇晒影...諗住都係睇錯馬...未有咁快到位...點知下次大摩突然辣操...即刻贏左"英明大師"同"自由鳥"...後者既例子就係"衝鋒槍"...第一場脫左腳追番近少少...睇到隻馬已經有追勁...新馬有追勁固然可喜...第2次一加番個眼罩就反應敏捷再贏埋馬...輕輕鬆鬆...到第3次轉跑沙田除番個配備...又變左冇左影...所以一定要小心留意每一個小變數...呢d馬對於大超班馬未必有影響...但係對於未全熟既質新馬可能就起到極大既作用...

godhorse5258

引用:

原帖由 愛的彩虹 於 2006-7-15 11:20 PM 發表


正如閣下所講...捉到一隻銀行馬都未係關鍵...贏唔贏錢就係在於妳識唔識得係佢身上把握機會啦...就好似閣下所講...一隻馬大大話話年中都出成10次打上...假如佢真係咁好彩如你所願贏到3W呀...咁你點係佢呢3W身上 ...

其實我有錄低或上網睇番，亦有注意其他變更，更有做筆記，上季也可找出多匹有分頭的頭馬，理應有可觀的回報，但正是捉到鹿唔識脫角，到季尾還要小敗，十分不值所以開出此帖望有高手指教，多謝老兄宝貴意見。

normalpang

銀行馬都要練馬師配合
好似當年簡ｓｉｒ隻”鐵將軍”
一隻升降機馬
贏完就輸番場減下分
再出入ｑ又再博
博完又博
整季入左十幾場ｑ
呢ｄ算唔算銀行馬?!
但係你又敢唔敢場場買？！

所以個人認為銀行馬都係難搵
一季又有幾多隻呢ｄ馬，有你都未必敢場場買佢
都係刨下數據比單買銀行馬個心安ｄ