愛的彩虹

引用:

原帖由 starxco2010 於 2006-7-2 09:44 PM 發表


你好, 你所講既好啱...  咁你呢季總結, 戰績如何呢？

今季令你 印象最深刻既 馬匹有邊 幾隻呢？

對我呢講, 喜皇寶 和工兵 兩隻 比 馬會 (或者大眾) 過份高估既馬係令我最深刻. 另外, 鐳射寶同樣令 ...

哈...好開心打咁長既文章有人慢慢細閱...因為其實真心想同大家分享下一d賽馬既心得...有時睇中左一隻明星馬既成功感分分鐘比所中既派彩帶俾個人既歡樂還要大...

哈...自問唔算係一個大賭既投注人...不過總結起上黎...小弟好有幸啦...呢季都應該係贏錢既...季中時仲曾經試過連續10幾次都有馬贏加每次既盈利都係正數添...真係托賴...

如果閣下有興趣睇番以前既post既話...都應該留意到小弟對於"喜皇寶"呢系馬既鍾愛...哈...上次所有飛都係斷左佢...但係我就暫時仲保留呢隻馬既評價囉...我始終覺得呢隻馬季尾2次都唔係以最好既form去迎戰...同埋以馬計第一次跑1200都嫌短既話...我希望佢下季可以嘗試跑下1400...唔敢話佢係馬王級...但係如此台型既馬如果只係贏得一場既話...就當本人跌眼鏡吧...

"工兵"呢隻馬小弟就好好彩...到而家黎講都未有真金白銀中過招...其實每次有d唱到好熱既質新馬出場既時候...大家都應該落足眼力睇清楚佢地既台型...係咪真係好似外間所講既咁好...呢隻馬第一次出賽時熱到2倍唔夠...當時小弟身在馬場...個個都話贏梗...睇住個個張飛都係用呢隻馬做膽...但係個人黎講選擇左觀戰...因為一隻未跑過既馬第一次唔夠20蚊...即係1賠1既值搏率都冇...係唔值...再加上個人黎講覺得呢隻馬既台型唔同"喜皇寶"...佢既出腳唔夠秀麗...所以暫時黎講唔認為佢係高班貨色...

一季來跑左超過700場賽事...當中要留意既野真係好多好多...但係岩岩先馬季完...所以我諗係呢個抖暑既期間當中...可以間斷性咁同大家分享下自己對今季既賽馬既少少睇法...講真今季煽動人心既賽事...有"精英大師"贏日本杯..."爪皇凌雨"贏世界馬王..."牛精福星"贏安田甚至更多...要係番700幾場馬之中捉番可以同大家品題下既...睇怕都要落多幾錢眼力啦...

哈哈...不過閣下今日問我既...其中一隻"開心之星"都算係小弟季尾幾歡心既一匹馬...因為自己自從佢第2那場已經指出佢那場贏"夠信心"係全日最勁既last...所以之後2場都有所斬獲...:013:

愛的彩虹

引用:

原帖由 beanman 於 2006-7-2 11:37 PM 發表
俾你搶先一步出左Post添:014:

"勝利雄威"下季大放光芒, 如跑中距離有半冷倍率出現更要重錘....(同系馬越冷越精神)

哈...講真啦...唔係跑錯...那一場係咪真係輸俾"闖關東"都未知...
又分享下少少自己呢匹馬既跟進啦...其實大摩有2隻馬今季一直都有留意...就係佢同"一鳥在手"...
呢隻馬爆大冷(贏"自由鳥"那場)之前有場60幾倍我都已經有參與...哈...諗住佢一d走勢都冇就放棄左...
點知之後做多少少野就即黎...那刻都真係幾dum心口下架...所以賭馬只要妳相信自己既眼光既話...真係要堅持...

愛的彩虹

引用:

原帖由 陳雄明 於 2006-7-2 11:02 PM 發表
今日隻陽光:004:最少值二班馬...有排贏;)

個人覺得係佢5個幾馬位後面那隻"御名燈"都會有馬贏...呢隻"陽光"應該係一隻非常唔錯既坐二望一班馬都未定...但係今次大勝之後我諗之後既值搏率就真係...

starxco2010

引用:

原帖由 愛的彩虹 於 2006-7-3 12:28 AM 發表


哈...好開心打咁長既文章有人慢慢細閱...因為其實真心想同大家分享下一d賽馬既心得...有時睇中左一隻明星馬既成功感分分鐘比所中既派彩帶俾個人既歡樂還要大...

哈...自問唔算係一個大賭既投注人...不過總 ...

果然响賽馬博彩持有一種 分析 重於 傳媒評價 的良好 揀馬方式... 傻啦, 我自己响其他  論壇都打好大段嘢, 不過耐咗, 無乜人睇, 都有啲心淡... 所以先簡短咗, 我都好有耐性去睇人寫 果啲嘢既, 不過最主要係要言之有物先得。

我其實自己對喜皇寶的評價都好高, 不過, 今季依然未熟... 睇嚟要睇 佢响暑假既操練, 同進度...

鑑於小弟明天要返新工, 本來都有好多嘢想同你討論... 以後我會多啲留意你既  post

陳雄明

引用:

原帖由 愛的彩虹 於 2006-7-3 12:34 AM 發表


個人覺得係佢5個幾馬位後面那隻"御名燈"都會有馬贏...呢隻"陽光"應該係一隻非常唔錯既坐二望一班馬都未定...但係今次大勝之後我諗之後既值搏率就真係...

完全給你言中...欣賞角度非常不錯...論投資就增加難度增加風險;)

引用:

原帖由 starxco2010 於 2006-7-3 12:38 AM 發表


果然响賽馬博彩持有一種 分析 重於 傳媒評價 的良好 揀馬方式... 傻啦, 我自己响其他  論壇都打好大段嘢, 不過耐咗, 無乜人睇, 都有啲心淡... 所以先簡短咗, 我都好有耐 ...

放心...這兒很多人欣賞寶貴文章的...最起碼我喜歡睇先..請多多發表:014:

愛的彩虹

引用:

原帖由 starxco2010 於 2006-7-3 12:38 AM 發表


果然响賽馬博彩持有一種 分析 重於 傳媒評價 的良好 揀馬方式... 傻啦, 我自己响其他  論壇都打好大段嘢, 不過耐咗, 無乜人睇, 都有啲心淡... 所以先簡短咗, 我都好有耐 ...

哈哈...其實小弟之前都有去過其他有關賽馬既forum...曾幾何時都留個字...但係梗係覺得寫既野唔係太多人欣賞...老實講...小弟之前一直有寫開賽後評...個目的一來係做下"馬後炮"...事後同大家一齊分析下有d乜馬將來可以有留意價值啦...拿d大家未必會留意到既馬出黎品題下...自問出既作品都有dd成績...有留意既好似"金獅勇將"..."開心之星"呢類都可以幫大家季尾搵番少少...其實背後更重要既...就係提提大家做功課既重要性...雖然我地係業餘...梗係唔及專業馬評人咁有咁多時間逐條逐條賽事片睇10幾次...但係做功課真係非常重要...每一次賽事...應該話大部份啦...都會對將來有好大既參考價值...特別香港...馬匹數目都係1000左右...計真d跑來跑去都係將那堆出得既馬執下位...有時甚至係遇番同一批對手添(今日既"皇帝出巡"那場就係好例子)...如果各位可以仄準d當中賽事既水準...可能會避過唔少既熱門劫...(當然今日那場我都中左少少招)...

其實呢度都有好多對賽馬有深入認識既馬迷朋友...所以有時睇下各位既見解又真係擴闊到自己睇馬既眼界...好似岩岩星期三咁...就有位高手提供到尾場既"衝勁直前"...今日亦有人提及到頭場既"勝德寶"...每個人揀馬都有一套主觀既標準...所以資料多仲好...因為真係可以學到野...

P.S.﹕我番黎時睇到閣下既留言都奇怪呢區仲有人咁夜未訓架咩...哈...希望到時小弟出既post閣下同其他馬友都可以俾多d意見啦...請多多指教...:013:

c4defusekit

企業精神,醉激,得眾,多利到,有作為,大贏家
另外前文有提及陽光,咁輸比佢個隻---->御名燈<-----都要留意!!!!!!!始終佢出兩場都排外檔,對一隻新馬黎講要求好高,下季排好位就幾剎食......
黃汝安今季個3隻新馬下季都會有馬贏,不過驚唔知邊場先贏姐

10123

喜德寶．．．．．呢隻我愛駒．．．．．
今季成日內閃影響陣上表現～～
下季成熟後可望更上一層樓！！！

名劍風流

只有一隻:馬將軍:005:

firepigpig

小弟係一隻好想深入研究馬馬o既年輕馬馬迷~
對於諸位兄弟姊妹o既分析~小弟真係衷心佩服~令小弟嘆為觀止~
原來本地真係有好多真心去投入賽馬運動o既馬馬迷~
小弟大開眼界了~小弟認為賽馬係一種運動~應該繼續普及到唔同地方、區域~
馬馬係一種好有靈性o既動物~希望大家繼續支持賽馬運動~
講返下年o既銀行馬馬...小弟就認為隻"旺國手"係可以長捧o既馬馬喇~
佢由進口到香港~知佢係"色種好"o既半兄弟就已經留意佢喇~
結果佢初出小弟都有微利~哈哈~(不過無買到Win)~
仲有就係"山東好馬"~今季以兩歲之齡接二連三咁響劣勢追上黎~的確可以繼續留意~
另一方面~隻"搶首"亦會係一隻響中上班次有用o既中長途馬馬~今季已經由短途跑到上千八而長近~可以一捧~
請多多指教~