beanman

多日黎睇報張都有專欄講到於賽馬中設立好似"足智彩"既固定倍率, 即係你投注時既倍率並唔會因其他投注者大量落飛而減少, 小弟亦有買波, 意大利, 阿根廷小組賽時有十倍時已買左佢地冠軍, 到最後意大利冠軍戰前既倍率已係一點幾倍, 可見固定倍率保障左投注者既利潤, 套用於賽馬上, 有時我地隔夜"鉋"到D好野落注, 但眼見臨場D飛狂落, 到最後雖然勝出, 但已有一種被人打劫既感覺, 有時隔夜飛買條連贏有成千蚊, 最終跑完只得番一半, 相信好多人都試過, 當然有時亦有升水, 但少左既比率大過升水既好多.個個馬迷都想自已用咁多心機鉋出黎既成果可有合理既回報, 希望馬會明白

其實?鶻甯w流行固定倍率既玩法, 而且廣受歡迎, 既然人地外國都有成功既例子, 馬會高層亦不必畏首畏尾, 應果斷D決定, 或再做數據調查, 然後提交"立法會"....近年投注額日低, 可能係賽馬已"老化", 已到左唔變唔掂既境地, 如果馬會真係改革搏彩, 搞搞新意思刺激投注, 呢條路真係可以考慮一下, 不過設定每次賽事最初倍率既人兄真係要係"高高手"至得:014:以前聽講"蔡約翰"?鶹D洲都係帮外圍定係馬會做倍率設定, 如果係真, 馬會就要搵呢種級數既人先至得喇............

唔知各位又有何意見??

Saurer

希望可以行啦.....

sssstttt

站係馬迷立場, 當然係最好不過 ~

但係馬會本身黎講, 所承受既風險就相當大 .........

beanman

引用:

原帖由 sssstttt 於 2006-7-11 09:21 PM 發表
站係馬迷立場, 當然係最好不過 ~

但係馬會本身黎講, 所承受既風險就相當大 .........

風險固然有, 最重要係開盤時既倍率, 其後倍率既變化受投注金額既影響, 風險便會相對減低好多. 外國應有適合既專業人士, 以馬會既財力不難招聘到呢D人材:014:

sssstttt

引用:

原帖由 beanman 於 2006-7-11 22:21 發表

風險固然有, 最重要係開盤時既倍率, 其後倍率既變化受投注金額既影響, 風險便會相對減低好多. 外國應有適合既專業人士, 以馬會既財力不難招聘到呢D人材:014:

如果真有呢一日, 就好 lor ~ :cool:

唔駛下下有被人禁住搶既感覺 :014:

nwm84

好有機會比人去做馬

hoholun

但係有可能一開盤既時候有Ｄ馬會比佢做到得返十幾蚊

一燈

足智彩 同 跑馬 完全不可混為一談.

馬會嘅足智彩因為最終都係轉投去外國莊家;而外國莊家係用固定賠率,
所以足智彩亦順理成章用固定賠率.
而賽馬D投注就冇得射番出去. 咁如果賽馬都用固定賠率;即係要馬會同馬迷賭.

風險問題,技術問題都係D小問題,先唔講住.

唔好唔記得"香港賽馬會"係個非謀利機構.
同馬迷對賭就完全破壞非謀利嘅大原則.
此為身份問題.

香港賽馬係由"香港賽馬會"主辦,主持及管理.
要你同馬會對賭?  (如果用賭波做比喻即係你同個球証賭佢吹緊嗰場波邊隊贏)
你會點諗?
此為誠信問題.

Lee兩個問題如果攪得唔好就足以令香港賽馬永不超生啦.

(最後一提: 喺固定賠率嘅運作裡面有一項叫做< 封盤 > )

siu_ma

我都想，但係完全冇可能，賭波之因為可以是因為同馬會對賭，你嬴馬會輸，你輸馬會袋，你大注馬會係其他莊 hedge返食差價，但賽馬，全部用大彩池制，即係所有投注都入大pool ，中左平均分錢，馬會係其中抽水，好難固定賠率，除非分段pool 錢啦，不過到時就冇人賭，因為再唔會有人落大注。:022:

beanman

引用:

原帖由 siu_ma 於 2006-7-12 08:35 AM 發表
我都想，但係完全冇可能，賭波之因為可以是因為同馬會對賭，你嬴馬會輸，你輸馬會袋，你大注馬會係其他莊 hedge返食差價，但賽馬，全部用大彩池制，即係所有投注都入大pool ，中左平均分錢，馬會係其中抽水，好難 ...

但外國已有成功例子, 此舉做法並非全在"假設下"試玩, 小弟雖然唔熟悉外國真正既玩法, 但據聞佢地可以幾個月前設定一D表現優秀既新馬來季大賽既賠率, 讓呢D未來精英既Fans可以一早落注愛駒, 然後追隨住自已愛駒一步一步向目標進發,,,,,,,,真係聽到都覺得新鮮, 幾有興趣..................

馬會一下子改變所有既投注方式並不可能, 但可逐步試下, 例如先做"獨贏、位置固定倍率"先, 試下市場既接受情況, 如受歡迎才擴大..................:014: