引用:
原帖由 dragonbone 於 23/4/2022 16:48 發表 
HAHA.......師兄咪咁，人與人之間既距離已遠，有時呢D不妨睇下佢咩料嘛。
所以阿星先至忍字唔出聲咁耐啫，阿星明白，所謂嘅舒適距離其實大家都唔同，而且阿星同佢嘅身高大大話話都應該有最少兩呎或以上，如果個女仔矮過5呎5嘅話，咁就真係超過兩呎喇。以一個5呎開外嘅女仔嘅舒適距離嚟講，大概只係兩呎左右，而好似阿星咁嘅奇葩，舒適距離就會接近3呎，呢1呎嘅距離阿星都明白，所以阿星平時都會接受有人企得埋，坐巴士就更加唔好講啦，舒適距離=0，所以阿星一般真係唔多理會，只要唔巧阻字阿星打稿，阿星都會由得佢。
今次攞嚟講，原因係因為阿星搭鐵嘅車廂真係好空洞，阿星企喺門口捱字玻璃，而另外三邊玻璃都某人，車廂入面坐嘅人都唔多，但係個女仔企到咁埋先令到阿星異常之奇怪，喺佢撥完一輪頭髮用力鞭打阿星手臂之後就轉身去另一邊嘅門口落車，阿星實在變成咗阿黑哥滿頭問號；除咗阿星企嘅位之外，咁多空位你唔企，硬係要企阿星隔離仲要鞭打阿星，當然，阿星都有自知之明，已過不惑接近耳順嘅叔叔，查實唔係啲後生女嘅目標，阿星中意喺日常生活入面觀察四圍嘅人嘅生態，人嘅行為好得意，好多時不知不覺就做咗啲自己都未必諗過，甚至唔知自己已經做咗嘅行為。咦，既然阿星咁中意“目及”嘢，早知後生就讀返個行為學家嘅博樹學位，實行企喺街度打正招牌“目及”人啦，蠢呀！😬
[
本帖最後由 star_platina 於 2022-4-24 11:49 編輯 ]
